صدقاء الزوج

1. ياليت كل وحده تعطيني رأيها بالموضوع اللي اكتبه

السلام عليكم حبيباتي انشالله تكونو بخير

ياليت كل وحده تعطيني رأيها بالموضوع اللي اكتبه

انا اشوف ان اصدقاء الزوج لهم تأثير كبير بحياته ويمكن يغيرون مفاهيم كثيره عند الزوج ويمكن يعود على حياته بشكل سلبي يعني باختصار الصاحب ساحب بكل اخلاقه الا من رحم ربي
والله ياحبيباتي قبل كم سنه اعيش مرتاحه مع زوجي من الدوام للبيت واذا طلع بالكثير ساعتين كان مونسني عالاخر مافيه شي يقيدنا كنا نطلع ونرح بالوقت اللي نبغاه يعني ماحسيت انه يتذمر لما يقضي الوقت معاي بس صار من فتره يطلع مع زملاه طبعا مو هذي المشكله
المشكله انه صار يتمادى بالسهر والطلعات معاهم يعني صار يقضي معاهم ساعات طويله يعني تغير عن اول كثير والمصيبه انهم يكلمونه بكل وقت عشان يطلع معاهم يعني مايراعون الظروف والله لدرجة اني صرت مقيده فيهم لما ابغى اطلع مكان ولا اروح السوق مثلا لازم اقول لزوجي قبله بفتره وطبعا مايكون معي زي لما كنا قبل يوصلني ويتركني طبعا عشان يرجع لهم والمشكله انه يوميا لازم يطلع معاهم يعني مافيه وقت لي انا وعياله اويوم كامل يقضيه معنا بدونهم والمصيبه انه اشوف ان بعض الاصحاب يؤثرون ببعض بشكل كبير
والله قبل فتره الله هدى زوجي وترك التدخين وكنت صراحه سعيده بالشي هذا وكان الشي هذا هو اللي مضايقني فيه وتركه والله ياخواتي من صار يطلع ويسهر معاهم تفاجأت انه رجع له بعد ماتركه يعني بالله وش استفاد منهم في احد منهم نصحه لا والله وبالعكس يهيؤن له الجو وطلعات المقاهي
طيبيب قبل كم سنه كنت مااعانيي ابد من بعد زوجي عني يعني مستحيل يسافر بدوني الا لضروره والله كان بنفسه يقولي انا مااحب الازواج اللي يسافرو من غير زوجاتهم يعني بصراحه كان تفكيره راقي جدا وسليم والله انصدمت الصيف اللي مضى متفقين مع بعض لا وحاجزين خارج المملكه وانا اخر من يعلم يعني بدل ماكان يتفق معاي نسافر مع بعض يتفق معهم بالله رجل متزوج ولك اولاد تفكر انك تسافر وتتونس بدونهم ايش التفكير هذا والله سفرهم فيه فتنه حتى لو ماكانو قاصدين
والله انا منقهره تغيرت حياتنا عن اول بعد ماكنا مع بعض دايم حياتنا مو مقيده نطلع بالوقت اللي نبغى وحتى لمانطلع مع بعض والله زوجي بس مستعجل وكانه مودينا تأدية واجب او عشان يسكتني
انا مااقول الازواج مالهم اصدقاء ومايطلعون بالعكس يروح ويجي معاهم بس بحدود وانه مايقدمهم ابد على بيته يعني المساله يبيلها حكمه وانه مايتأثر بشي مو مقتنع فيه لان والله انا اشوف من واقع الحياه وشكاوي الحريم انه يجي مثلا واحد مال من بيته وزوجته منكده عليه بالمقابل صديقه عايش مبسوط ومرتاح بحياته يحاول انه يخرب عليه ويعبي راسه من الافكار اللي اخذها من حياته انه البييت نكد والزواج مسئوليه
ولا يجي واحد اصلا مو متزوج لازوجه لابيت لااولاد يعني مافيه التزامات مع صاحبه اللي قاعد معه وزجته تبي منه والاولاد يبون منه يعني ملتزم ببيت ومسئوليات الله يحاسبه عليها
يعني بالاخر المشكله ماتقع على الاصدقاء بذاتهم على الزوج اللي مايحسن التصرف مع الاصدقاء ويقارن وضعه بوضعهم