صدمتي فيه ماقدرت احدد انا زعلانه ولا فرحانه

1. السلام عليكم ورحمة الله وبركاته

السلام عليكم ورحمة الله وبركاته

بنات انا امس جلست اسهر انا وزوجي وجلسنا نسولف ونضحك وسالفه تجيب سالفه ووصلنا للماضي زوجي بطبعه رسمي جدآ ومايحب يسولف عن ماضيه نهائي بس امس انفجعت جلس يسولف ويتكلم معي بكل صراحه الموهم انا لي متزوجه لي سنه و6 شهور وبصراحه زوجي خذيته عن علاقة حب دامت بس 3 شهور والحمدلله على طول جا خطبني وتزوجنا ولله الحمد لانه يخاف الله ولا يرضا بالغلط ومن تزوجنا وانا مااشوف عليه شي نهائي من ناحية مكالمات او من ناحية يجلس لحاله او يسوي شي غلط كان من الدوام للمسجد للبيت و24 ساعه مع بعض وهو عسكري يعني بس يستلم ويخلص يجي على طول للبيت ولله الحمد ماقد حسسني ان فيه احد مشاركنا بحياتنا لدرجه نجلس ب3 ايام مع بعض ولانطلع الا سوا اذا جينا ناخذ عشا او اي غرض يعني مقابلين بعض دايم
نرجع للمهم جلس يصارحني انه كان يكلم وحده وحبها فتره وخانته وكرهه نفسه انه فتح قلبه ومتحسف مره بس الي قهرني اني من صارحني وانا مصدومه مازعلت منه ولا قلت شي لانه ماضي قبل 8 سنوات يعني زمان وانتهى بس فيه نار بقلبي وودي ازعل منه انا حسيت اني بصيح بس ماقدر كتمت صيحتي وهو يصارحني وسالته اسالك بالله تحبني ولا لا قال والله اني اتعامل معاك انتي وامي بقلبي والناس الباقيه بعقلي انا اخاف الله وحنا نسولف وانتي الان زوجتي وحبيبتي وابي ام عيالي انتي ولا ابي غيرك بس
انا اقتنعت بكلامه بس قلبي يعورني ودي اصيح واعاتبه مدري ليش لانه صارحني بجراءه وقهرني
وانتم بنات عطوني رايكم بالموضوع هل ازعل من صراحة الي جرحتني بماضيه وثارت غيرتي على شي قبل 8 سنوات او اسكت وينتهي الموضوع؟