صديق زوجي جنني

مدري ليه فتحت موضوع جديد وكتبت
بس عن جد محتاجه اى كلام منكم يخفف عني
انا تزوجت بشهر 8 اللي فات..وكنت احب زوجي بجنون
وللحين احبه وهو تحت التراب
توفى قبل شهر تقريبا" الله يرحمه يارب ويغفر له"
كان له صديق مسوؤل كبير في السياسه..مقارب تقريبا لعمره
يعني توه صغير اتوقع عمره 29 بالكثير
كان يزورنا دايم هو وزوجته..هو بعد تزوج معنا
بنفس الشهر
وتقابلنا في شهر العسل في باريس وطبعا كنت مو محجبه
حجاب كامل
وفي لحظتها حسيت ان عيونه مانزلت من عليه حاولت اتجاهله
حتى انتهت المقابله على خير ورجعنا انا وزوجي الفندق
ونسيت من الموضوع ومن الشخص نفسه
كان بين فتره وفتره يتصل على زوجي بس مو مثل اول
حتى زوجي الله يرحمه كان ملاحظ انه تغير عليه وكان يساله
يقول ظروف العمل
ومن 3 اسابيع تقريبا من وفاة المرحوم..جوالي ما يهدا
ارقام دوليه وداخليه ازعاج مو طبيعي بس ما ارد على رقم ما اعرفه
كنت افكر انه ازعاج عادي
بس يوم اجهضت وتنومت في المستشفي جاتني رساله
وكاتب فيها اسمي ويتحمد لي بالسلامه
والله خفت مين غريبه يعرف اني اجهضت وانا توي مالي 4 ساعات
من أجهضت..رحت اتصلت على الرقم رد علي
سلمت وقلت مين معي قال انا فلان بن فلان
والله ماقدرت انطق بكلمه..قلت هلا اخوي اسفه فكرتك وحده من خواتي
وسكرت في وجهه
ومن يومها وهو مو تاركني بحالي..والله العظيم
3 ايام في المستشفي وكل شوي باقة ورد
رجعت البيت وانا نفسيتي زفت ومو ناقصه هم على همي
يرسل لي يافلانه خذي اللي اعطيت السواق
ذبحني كرهني بحياتي
وربي يابنات كل مكان اروح له اشوفه قدامي
اخرتها اليوم الفجر عقلي وقف
طلعت الحوش ضايقه فيني الدنيا قلت بجلس شوي بالحديقه
اقرا قران ترتاح نفسي شوي..وربي ارسل رساله يقول ليه طالعه بها البرد ادخلي تدفا
دخيلكم قولولي وش اسوي..فكرت اكلم احد من اهلي
بس ما ابي مشاكل
فكرت اكلم زوجته بس خفت ماتصدقني
قولولي وش اسوي ما عاد معي عقل