صديقتي الذكية كيف استعادت زوجها

القصه صارت قبل سنوات طويلة
كانت علاقتي معاها قوية جدا
هي بنية كبيرة تعيش وضع صعب جداا مع امها
وحياتها ملخبطة وتحتاج الى الزوج اللي يضفها
كانت بحاجه لبيت تستقر فيه وزوج يشعرها بالأمان
وخطبها ...
رجل صالح تقي مشهود له بحسن الخلق والسلوك
وصاحب خير ( مادي ومعنوي)
وكان فيه مشكلة وحده ...
انه مزواج
ولما سألو عنه اخوانها
وعرفو حسبه ونسبه واخلاقه ودينه
وعقله وثقله حبوه وايد
بس كانو مترددين لأنه اكبر منها ب
30 سنه تقريبا
المهم البنيه كانت تستخير وتستخير وقلبها
يميل له
لما قررت ان توافق عليه
و في وقت الملكه
جاها اخوها
وقال لها تدرين انه اكبر منك ب 30 سنه ؟؟
وعنده على ذمته زوجتين ؟؟
أم عياله و وحده ثانية ؟؟
تقول تفاجأت ...
لكن خلاص الناس متجمعين والعشا جاهز وانا اتجهز بالمكياج والتسريحه
والذي منه
فقلت الخيره فيما اختاره الله
و وافقت
وانتقلت الى عش الزوجية ...

تقول :
حطني ب بيت بسيط جدا
وانا مو هامني المهم عندي اني اعيش حياة زوجية مستقره اشعر فيها بالأمان
لكن مع الأيام حسيت انه ما يرغب بالصرف علي ابداا
واذا حسسته اني محتاجه لأي شي يشتريه بنفسه
ويقطه علي ( ملابس ممن بو دينار ونص )
وانا متقبله ومو هامني
اهم شي عندي انه رجل صالح وحبيب وخلوق
والماده شي ما يهمني ابدا
فاجأني انه ما يبي اي احد من اهله يكون له احتكاك معاي
ما شفتهم ولا اعرفهم
وبحكم ان رجل كبير في السن
أمه وابوه واخوانه متوفين
واسرته هم زوجته العوده و عياله
صرت له الممرضه والزوجه والصديقه
والأخت الحنونه
اطبخ والبس واتسنع
واستقبله بالحب والود
وما اشوف منه اي تقبل
بديت اسأله اش فيك ؟؟
يقول لي مو مرتاح اقول له ليش ؟؟
يقول مادري
واشوفه يروح يوم عند ام عياله ويوم عنده زوجته الثانية ويوم عندي
ويقول ان ام عياله ماله اي علاقه معاها وما تكلمه
أما الثانية يمدحها مدح ويموت عليها ويقول لو تزعل ولا تقول طلقني
راح اموت ما اقدر اعيش بدونها يوم واحد
تقول اسمع كلامه وقلبي يطبخ
اقول وانا ؟؟ ليش ما اخذت قلبه ليش ما حبني
شنو اللي ينقصني ؟؟
مع الأيام صرت اداحره ( اناقشه)
وبشده واقوله اب حقوقي الشرعيه
ابيك تصرف علي ابيك ........
وابيك...........
وابيك.........
و طيت سلسلة من الطلبات والشروط
وبدت المشاكل ...
وصار ينتقد كل شي فيني
حتى اجزاء جسمي صارت بعينه ( مشوهه)
و كان يقول لي انا اكره فيج ( .......) و (.........) و(.....)
ياربي هذي خلقة الله شسوي
حاولت اضعف واتزين
واتجمل بس تبقى اشياء ما تتغير
ومع الايام مليت
وصارت النقاشات بينا حاده
هو يعيب وينتقد ويحرم
وانا ارد عليه بالمثل
انت فيك وفيك وفيك
وقام صوتي يعلو ويعلو
وصرت انتفض واعصب
لما جه يوم وقال لي شوفي يا بنت الناس
انا رجل كبير بالسن والمكانه
ورجل صالح
وما اقبل على نفسي باللي تسوينه
تصرفاتج جدا سيئة معاي وانا بصراحه بطلقج
واحتدت النقاشات وكلمه مني وكلمه منا
وشبت النار
وطلقني ورديت بيت اهلي بائسه وحزينه

وين البقية .................اكملي شوقتيني لسماع ؟؟؟؟؟؟؟؟؟اقصد لقرأة باقي القصة؟؟؟؟؟؟؟؟؟

وين باقي القصه.....
تتنظر البقيه بفارغ الصبر.........

متابعه
بس لاتولين علشان مانمل

طيب وبعدين
يللا حرام عليك انا انتظر
بسرعه لا تتأخري انا في انتظارك

يعني معلقتنا ......... الله ايسامحج

بإنتظار بقية القصه .........

الله المستعان لو كملتيها ليه يعني قطعتيها
الله يصلحك ياشيخه والله مايصير ترى كذا
حرام عليك مره شوقتيني أعرف القصه ونهايتها