ضاع صبري وسنين عمري بزله تكفون بحاجتكم

السلام عليكم ورحمة الله وبركااته خوواتي الفراشاات انا ماكتبت هالموضووع الا لحااجتي لكم من بعد رب العالمين أتمنى القى الحل عند وحده منكم لاني تعبت من التفكيربعطيكم نبذه عن حياتي بأختصار أنا متزوجه من 7 سنوات ونص والله مارزقنا بالذريه والسبب زوجي الحيااه ماتخلوو من المشااكل بس دايم مشاكلنا على اشيااء تافه واختلاف وجهة نظر الطرفين ماأدري يمكن من الفراغ او عدم وجود اطفال بينا باقولكم مشكلتي الي أبيكم تسااعدوني فيها الله يوفقكم ولا تشوفون الي شفته ولا جرربتهبالفتره الاخيره زوجي صار يردد علي الطلاق ويهددني فييه من أسبووعين صارت مشكله تافهه وصاار شد بالكلام وماأنكر اني نرفزته بس لانه قبلها بيووم كان مضاايقني ولا أعتذر ورمى علي الطلاق وبوقتها أخوي كان موجود عندنا بالبيت زوجي قالي أخذي أغراضك وروحي مع أخوك رجعت بيت أهلي بعد ماشلت كل أغراضي بعدها بخمس أيام ارسل رساله زوجي يخيررني بين انه يرسل ورقتي أو ارجع له وانها اسعد الساعات لرجعت بيتىك وبعدهاا دق علي ورديت وكانت كل مكالمته عتاب واني نرفزته وغصب حديته على الطلاق وبعدها بسااعه دقيت أنا عليه لاني ماحس فضفضت بالمكالمه الاولى وكانت كل مكالمتي أبكي وقلت له كل شيء بخااطرى ىواني ماابي غيره ولا أفكر اجيب عيال الا منه ولا أشوف رجال الا هو وهو نفس الشيء مستحيل يفكر بغيري وأنه يحبني وبعد هالمكالمه حسيت أني ارتحت واتفقنا نرجع لبعض بس بشررط يطلعني من بيت أهلي للمطار نروح للأردن نعاالج لمتى بكمل 8 سنوات وماسعيناا نجيب أطفال وبعدهاا صار دايم يدق علي واتفقنا أنه يحجز لناا وردينا مثل أوول بس الي ربي كتبه قلب حياتي كلها((( الصدمه ))) أنه هو يدخل موقع لعبه أون لاين وفيها شات وأنا عارفه أنه يدخل هالموقع ماأدري شالي خلاني أسوي بحث عن ايميله وحصلته رحت دخلت الموقع وحبيت أمتحنه مع أني واثقه فيه لعبت معااه وبنفس الوقت تكلمنا أنصدمت منه أنه صار يعطي ويأخذ بالكلام ويشتكي من زوجته انه ماتهتم فيه (طبعا الي هي أنا ) ودخلها بأمور حياتنا الزوجيه وكلام كثير صدمني منه المهم بالنهاايه حط رقمه وقال أنتظرك الليله الي صدمني انه طول حيااتي معه ماشفت منه الزله وطوول الوقت جوواله معي ولا هو راعي حريم ولما غلط غلط معي أنا يا زوجته بعدهاا باربع سااعات من التفكير دقيت عليه وعطيته قراري بالانفصاال وبينت الي لعبت معاها انه انا بعدهاا جلس يبرر ويحلف أنها أول مرره وانه يحبني والشيطاان وزه أأأأأأه يابناات كفاايه أنه فكر يخووني وبعدها قفلت التلفوون بوجهه من قهرري وحررتي والحين يابناات تكفوون سااعدووني الحيين فوق 100 مكالمه لم يرد عليها من أمس مانام وكل شووي يرسل مسجات يابناات أبي الحل أنا حيرانه وتعبانه من التفكير ماأدري شنو القرار الصح وموعده مع أبوي بكره عشاان يرجعني وطبعا أخر ساالفه محد يدري عنهاا وأنا معطيه أهلي خبر أني برجع له الحين شسوي شقوول لأهلي وشلوون أتصررف أنتظر ردودكم تكفون أدعو لي أن ربي يوجهني للقرار الصح.... سامحوني على الاطاله