ضروري

1. السلام عليكم


2. بسم الله ابدا


3. انا صار لي 12 سنة زواج بعد كم يوم اكمل ال 12

السلام عليكم

لا ادري كيف ابدأ .. قناعتي دائما بان الشكوى لله .. لكن ضاق صدري بما فيه .. وتعبت نفسيتي .. فقلت اكتب هذه السطور لعلها تكون متنفس للضغط الذي انا فيه.. واجد عند اخواتي الفاضلات حل لمشكلتي او حتى بعض الكلمات التي قد تهون عليا ما انا فيه خصوصا انه بعد تصفحي لهذا القسم رأيت التأزر والمحبة بين اعضاءه فاحببت ان انضم الي اسرتكم فتقبلوني بينكم اختاً .

بسم الله ابدا

انا صار لي 12 سنة زواج بعد كم يوم اكمل ال 12

المهم بدات مشكلتي مع زوجي بعد شهرالعسل وهو انوا يحب يسهراصحابوا وكنت عروس وكان يخرج 3 مرات في الاسبوع وعلشان انا في منطقة واهلي واهلوا في منطقة فلما انزل الويك اند برضوا كان يجرج مع اهلوا رجال بس وكانت حالتوا المادية شوية متعسرة بسبب مامتو
كنت اراعي حالتوا المادية ومااطلب كثير وكان عندي في دي الفترة طفلين وكنت ابيع دهبي علشان اساعدوا ومااشتكيت لاحد ولااهلي عرفوا بشئ
فمليت وصرت ابكي حاولت معاه بالدلع والكلام الحلو والعصبية الين يوم انفجرت واضاربنا فيها وانطلقت كان صار لازواجي 7 سنوات هوا يحبني ف في نفس اليوم جاء واعتدر وبرضوا ماقلت لاهلي ومشيت السنين علي روتين واحد كنا نخرج بس كنت احس انوا مجبور طنشت وبعد فترة حملت وكان الحمل مرة متعب والولادة اخص الحمد لله دخلت بعد الولادة مرحلة اكتئاب خفيفة ومرة سنة وماحس بي هنا انا انفجرت وصرت زي المجنونة واضاربت وادا اضاربة انا من النوع اللي يحب يتكلم وهوا لاحياة لمن تنادى ولايحب يتناقش خلاص يقفل الموضوع ولا كنو صارشئ ف عقدة فوق عقدة الين اتكلكعت
المهم انا مرة احترم اخواتوا علشان زوجي واولادي بس مامتو لا انسانة انانية ولما انزل عند اهلوا يتجمعوا في بيتي وسهرة للفجر وهوا مع ارحامواكل ربوع وخميس زي فرض الصلاة مايتكنسل من الساعة 9 الين الساعة 3 فجر لايجئ وراء على طول اختوا تدخل وماتسيبنا الين زوجي ينام تراه عمرها 52 للعلم انا احب اخواتوا بس زوجي بي جلستوا الزايدة عن حدها بدات تخليني اكرهم واهلوا جمعاتهم كثيرة كنت في البداية افرح بس مع الوقت ماصارفي وقت اجلس مع زوجي وانا نازلة ويك اند يعني تغيير جو حتي الخرجة اللى مجبور يخرجها معايا بدات تتلاشى
في احداث كتيرة مرة مرت عليا
ف من اسبوع انا وزوجي مانتكلم قلبي مليان ولا نشوف بعض ولا ننام في غرفة وحدة مع انو نحنا في نفس البيت واولادي هم المتضررين
انا اول مرة من زواجي اعمل دا الاضراب
انا كل همي بيتي واولادي وزوجي يعني احب خرجتي كاعائلة
يعني 12 سنة ماخليت فيها كل شئ سويتوا
دحين ايش اسوي محتارة اقول لاهلي ولا اكلموا مع اني اتكلمت كثير ومافي فايدة حياتي فجأة اتلخبطت ولا اسكت واكمل
دلوني وقولولي الله يفرج همي وهمكم
ويسخر لي زوجي ويهدي ويسخر لكم ازواجكم
مستنية ارائكم