طالبه مشورتكم زوجي و بنات الحرام

السلام عليكم و رحمة الله و بركاته ...
السالفه و مافيها اني اكتشفت ان زوجي يكلم بنات مع ان قبلها كنت مكتشفه ان عندها تلفون ثاني ف
الفطر لاني كنت رايحه عند اهلي ف العيد و بعدها كنت اسولف معاه ف التلفون لان كان بين كل فتره و فتره
يدق لي يسال عن اليهال و ف هالفتره اللي كنت اكلمه فيها سمعت صوت جوال ثاني عنده و سالت يا فلان انت عندك تلفون ثاني قال لي لا و تميت اصر عليه 3 ايام و لا اعترف اخر شي اعترف لي ان عنده بلاك بيري امطلعه بالسر قال لي انا باجي بيت اهلج و باعترف لج قلت له انا ما ابيك دامك كذبت علي و انت ما طلعت جوال ثاني بالسر الا انت عندك علاقات بالسر مع البنات تخيلو يا بنات و الله قعد يحلف براس عياله ان ما عنده ع العموم جاني بيت اهلي و شفت الجوال و قال لي اخذيه و الله اني ما اكلم بنات عليه و عقبها تراضينا و رجعت بيتي مع عيالي و صرنا سمنه ع عسل و مرت الايام و الليالي و انا ملاحظه ان زوجي متغير مو اهوه اللي اول ما عرفته و قبل ما اصيده بكم يوم كنا قاعدين انشوف مسلسل و كان الريال يخون زوجته قلت حق زوجي تدري يا فلان ان اكتشفت انك تخوني مره ثانيه و الله لا اخلي لك البيت و اطلع قام يناظرني و يضحك علي يقول لي انتي مب صاحيه انا ما افكر اخونج و انتو اتعرفون الزوجه اذا حست بشي احساسها يصدق و اليوم الثاني وصلني بيت اختي قعدت عندهم و خلصت و بعدا جه خذاني و انا ف السياره قلت له والله يا فلان انا قلبي قابضني مو مرتاحه حاسه ان انت تخوني قال لي لا و قام غير الموضوع و ف يوم من الايام كنت صاحيه من النوم الصبح والله العظيم ان ما كان فينا شي و اهو نايم احذاي والله ما اكذب عليكم ان شي وقظني من نومي و ع طول عيوني ع مفتاح سيارته رحت خذت المفتاح و لبست عباتي و نزلت تحت
فتحت السياره و ع طول ايدي جات ع التكايه فتحتها الا جوال بلاك بيري انا حزتها صرت اكذب ع نفسي اقول ف قلبي لالا اكيد هالجوال مال رفيجه خذت الجوال و تعبثت فيه والله تمنيت الارض تنشق و تبلعني حزتها
انصعقت مت انهرت جسمي قام يرتعش من فوق لين تحت ما عرفت شسوي اكتشفت انه يكلم وحده من سنه و نص و صدته كم مره و كان يقول لي هذي حبيبة ولد خالتي و تخيلو كاتب لها ف المحادثه انا باجيج شنو بتلبسين لي و اهوه يقول لها ابيج تلبسين قميص نوم و من سوالف الحب تخيلو امطرش برودكاست حق الكل فديتج حبيبتي وحشتيني و انا مستخسر يقول لي احبج او حبيبتي تخيلو
و غير صورها مخزنه و علاقات مع اكثر من 6 بنات
مع العلم ان هالجوال اللي اكتشفته عنده انا كنت جايبته له هديه و بعد ما جبته له بكم يوم قال لي انا بعته
لان ما عندي فلوس و احين اكتشفت ان اهوه حاطه ف السياره من 7 شهور
و الجوال اللي جابه لي اول يوم سمعت صوته كان جوال جديد اشتراه و كذب علي فيه ان هو الجوال اللي كان يستخدمه..
انا كلمة تعبت اشوي ما عاد فيني حيل كفايه اني صابره ع ظلمه و ظلايمه و ع فكره رحت اشتكيت عليه ف المحكمه و جلستنا تاريخ 27 الاحد الجاي و رفعت عليه دعوى طلاق للضرر
قلت له انا ما ابيك و دام انك بعتني برخيص يوم انك تكلم بنات الحرام انا راح ابيعك برخص التراب و لا تهمني و قال لي اذا تبين اطلقج تنازلي عن الولد قلت له مو مشكله بس اهم شي ارتاحي من اللي انا فيه مع العلم ان ولدي عمره 8 شهور بس بعطيه اياه بخلي يربيه و يعرف ان الله حق
الحين صار لنا متهاوشين 22 يوم و كم مره جاني يراضيني و ع فكره تره اهوه يكلمني عادي حاليا و انا بعد بس اللي ف القلب قهههر و حزن الله لا يوريكم
و غير اني صبرت عليه ان يمد ايده علي و يذبحني من الضرب و هم ساكته عشان عيالي و مستحمله الاهانات و كل شي بس لاجل الكرامه كل شي يهون والله
شورو علي يا بنات