طرق للتعطير جديدة وحديثة ماتلقونها غير عندي

مرحبا ...
مااحب المقدمات ابد .. <<بلاك ماتعرفين تسوين مقدمه
هذا الموضوع امتداد لموضوع الاخت الي طلبت من العضوات طرق تعطيرهم للجسم ...
اليوم ياطويلات العمر والسلامة بعطيكم طريقتي في التعطير ..
حبيت احطها في موضوع مستقل لأن اعرفني هذرتي كثيرة ..
ولازم يكون لي موضوع باسمي اخذ راحتي فيه <<<
أول شيء نبدأ بالشعر ...
طريقة التبخير الكل يعرفها سواء بخرتي شعرك بعود ولا بخور
ولا مستكة ولا مر <<الأخيرة سقطت سهواً
المهم في كذا طريقة باستثناء التبخير اسويها بحكم اني مااحب الخمريات احس ريحتها ثقيله ومركزة واحسها تتفاعل مع الشعر احيانا ..
ايش سويت ..
بأقولكم ايش سويت <<< تسمع بالتشويق
اشتريت خمرية .. وجبت علبة اسبراي فاضية ...
حطيت شوي من الخمرية وخففتها بموية ..
صرت لما اتحمم ابخ بخ بشعري كله من غير مااركز على منطقة معينه وانا مطمنه
لان الريحة مخففة وطالعه تجنن وتفوح بشكل اهدى وأروق ...
الطريقة الثانية واللي انا اعشقها ...
طريقة التعطير ببودرة الجسم ..
وهذي الطريقة تصلح للي شعورهم دهنية لانها تمتص الدهون من الشعر زي الملح يوم يمتص القهوة المسكوبه على الموكيت .. <<<
ولا الي عندها مناسبة وتبغى شعرها يحتفظ بالريحه الزينه ...
أحيانا حتى لما اتروش مرة ثانية تبخ الريحه وانا اكوون حاطتها لي فترة
بالنسبة لي استخدم بودرة من اجمل سعرها روعه وريحتها اروع
تشبه ريحة كوكو شانيل بس هي لانها بودرة طالعه الريحه خفيفة وحلوة
هذي صورتها
لما اتحمم واغسل شعري بالشامبو واللي علي بالخير
اخفض راسي بحيث ان شعري كله يتجمع على قدام ..
وامسك البودرة وافتح شعري من جهة الاذنين والشعر من ورا واكب من البودرة وافرك في الفروة
وبعدين اغسلها زين عشان ماتتحسس الفروة
وشوفي الريحه كيف
تعطير الملابس ...
مرة جبت بلوزتي حقت العيد ...
وشطفتها بمووية وكويتها وكانت لسه رطبة ...
وعطرتها من عطري المفضل <<عطري المفضل اعجبتني الكلمة احسها ماتجي الا في المواضيع الكشخه
المهم وطبقتها زين وحطيتها بكيس وربطتها زين
وحطيتها بالفريزر ...
والله يابنات لما طلعت البلوزة الريحه ثابته وتجنن
لأن الموية الرطبة جمدت بالبلوزة ولصقت فيها بقوة
وفيه طريقة ثانية تعطر دولابك وملابسك
انا لو ماكان فيني حيل امسك كل لبس واعطرة ..
أخذ بلووزة من البلايز المعلقة في الدولاب
وابخبخ فيها كل عطوري المفضلة <<<جازت لي الكلمة
واعلقها في النص واقرب الملابس الثاانية منها عشاان تعديهم بالريحه الزينة
والدولاب تجلس ريحته حلوة
والتطبيق في طريقة انك تعطرين منديل وتحطينه بين الملابس المطبقة
وفي طريقة انا اسويها قبل لا اطلع ولما يكون عندي زيارة
اجيب اللبس المراد لبسه <<يمديكم على الفصحى
المهم واجيب علبة اسبراي جسم فاضية واحط فيها بخات من عطري واخففه بمويه وارش على البلوزة لما ارطبها
واجيب البخور وابخرها ..
وشوفي الريحه كيف
ماتدرين انتي بخور يمشي على الارض
ولا عطر يبخ على الارض <<ماتبالغ ابد
البلل يمسك الريحه اكثر من لما يكون اللبس ناشف
تعطير فرش السرير
خالتي الله يطول بعمرها تقول انها تحط على فرش سريرها بودرة جسم معطره وتتقلب عليه تعب مع نفسها يعني .. وتصير ريحتها بودرة وسريرها بودره وبعدين تنظف الفرش وتبقى الريحه
اسرع من كذا مافيش ...
وكمان طريقة انك تجيبين شرشف وتشطفينه بالموية وتعطرينه بمعطر الفرش وتبخرينه وهو رطب وحطيه تحت شرشف السرير مباشرة وشوفي الريحه كل ماتبطحتي
وفي نهااية الموضوع في اشياء انا مجربتها شخصياً واعجبتني
تتعلق بموضوعنا اعلاه ...
أول شيء زيت الترطيب من جونسون بيبي اويل الي غطاه اورانج واللي غطاه اخضر
الاثنين هذي مرة ريحتها روعه .. وعطريه وتغنيك عن العطر
ثااني شيء ..
مزيل عرق اسمه ريكسونا .. بنت خالي بشرتها حساسه جداً
وراحت لبرفسورة في جده معروفه
لأن جلدها تحسس من مزيل نكتار وقالت لها استخدمي ريكسونا انا استخدمته وجداً رائع
متوفر بكل مكان حتى ابليس توقعي انه بااسط فيه ويبيعه <<كناية عن الوفرة وكثرة التواجد
فيه طريقة مزيل جنان جنان
وانا سويتها وربي يابنات تخلي ريحتك بيبي ونظافة وطبيعيه وماتضر وتفتح كمان بقوة
تجيبين ربع تولة مسك العروسة من عبد الصمد
وملعقتين نشا .. وملعقتين شبه مطحونه
موية ورد مالها مقدار معين بس صبة بسيطة
كريم دوف المقاس الصغير
تخلطين النشا والشبه مع بعض وتصبين عليها المسك وتصبين عليها موية الورد
بعدين تخلطينها مع كريم دوف وحطيها بعلبة الكريم وخليها في الثلاجه
طبعا الخلطة كريمية حاولي ماتخففينها مرة يعني لتكثرين موية الورد عشاان ماتجي سائلة
عطور اعجبتني
عطر الور
هذا عطري الي خففته بمويه واستخدمته في اغراض كثيرة
لما خليته يكره الساعه الي اشتريته فيه
عطر جفنشي
http://www.wfeet.com/up//uploads/ima...bb6e362df6.bmp
عطر ريتشي ريتشي
عطر اسكادا الفراشة الذهبي
عطر فلور بومب من قوتشي
عطر استيلا
عطر قوتشي الجديد الذهبي<<<يطول الحديث حول العطور
اشياء سمعت انها حلوة بس ماجربتها .. <<صار بحث مو موضوع
بودرة العود من اجمل ..
عطر ديزل
عطر فلورا من قوتشي
ام وبس
واخيرا ومابغينا نخلص
اعتذر عن الاسلووب الطعسي .. انا في مواضيع معينه مااحب اتكلف فيها .. او بمعنى اصح سوالف معينة
اطرحها بأسلوب حريمي بحت <<يعني كاني جالسه اكل مكسرات واشرب شاهي وانتوا متربعات قدامي
ادعولي ربي يوفقني .. حتى لو مااعجبكم الموضوع