طريقتي الخاصة باستخدام المسك لتطهير المنطقة الحساسة وكامل الجسم

أهلين بنات شخباركم
حبيت اليوم أشارككم في طريقتي الخاصة باستخدام المسك لتطهير المنطقة الحساسة وكامل الجسم...طبعا هي ما تختلف كثير عن الطريقة اللي قالوها البنات الله يجزاهم خير بس أنا غيرت فيها شوي..
نجيب:
مسك حجر من عبدالصمد القرشي
مسك العروس أو المسك العادي من عبدالصمد القرشي
علبة بخاخ فاضية
نجيب الغرشة او القنينة أو اللي تحبون تسمونها ونملي تقريبا ربعها ماي ونخلطه مع شوي ماي ورد ونحط عليهم المسك الحجر بعد ما نطحنه(انتي قدري الكمية حسب قوة الريحة اللي تبينها بس انا ما افضل أن يكون كمية كبيرة لآن الريحة بتكون فواحة في كل الآحوال ولآننا بنسهخدمه للمنطقة الحساسة فيفضل ما نكثر ) وبعدين نضيف كم نقطة من المسك السائل
وخلاص سكري الغطا ورجي العلبة زين قبل كل استخدام ولما تخلصين الشاور رشي على كامل الجسم بما فيها المنطقة الحساسة وتحت الابط وشوفي الريحة الجنان
بس اهم شي توازنين المقادير يعني اذا كثرتي الماي كثري المسك...يعني كل وحدة حسب حجم العلبة والكمية اللي تبينها بس يفضل ما تكثرين الماي عشان تبان ريحة المسك