طريقتي بتعطير الحمامات والمطبخ لمده تطول

هلا وغلا
مرحباً عدد ما خطته الأقلام من حروف
وبعدد ما أزهر بالأرض زهور
مرحباً ممزوجة .. بعطر الورد .. ورائحة البخور..
حبيت افيدكم بطريقتي الخاصه
بتعطير الحمامات والمطبخ
والكل دايم يسئلنا عن ريحتهم000
الحمامات<وانتم بكرامه
اول شي يالغاليه اذا منظفتي المقاعد زين وعقمتيهم بديتول او جل تنظيف
راح تنبعث منهم روائح كريهه تخرب عليك عملية التعطير والتنظيف
قبل تعطرين الحمامات
=اول شي اغسليها بالمويه والصابون لين تنظف الارضيه
واغسلي المقعد
ثم بعدين وزعي ديتول او جل تعقيم
ع الارضيه وابدي اغسلي ونظفيه زين
والمقعد اذا كان متسخ ولونه متغير
قطري عليه افلاش وكلوركس مع بعض<<يعطي بياض ناصع
واتركيه دقائق ثم اغسليه بتشوفين البياض بعينك والنظافه
وبامكانك استخدامه لتبييض الارضيه والمغاسل
وبعدين
افتحي الشباك او شغلي الهوايه
=الحين نظفتي الحمام وعقمتيه
نجي لعملية التعطير
=اخذي اي مخلط عود او دهن عود او عطر عود بس بشرط يكون مركز
وقطري منه او رشي ع ارضيه الحمام
وجدران الحمام
ثم اسكبي عليه مويه خفيفه بس عشان تثبت الرائحه اكثر
ولاتغسلين بعده شي
وسكري الشباك وطفي الهوايه او المروحه
وشوفي كيف ريحة حمامك
=اذا كنت مستعجله
اخذ طشت واحط نصفه مويه واقطر عليه من اي عطورات العود او المخلطات
واسكبه بالحمام وع الجدران
واطلع واصك الباب
=بخري حمامك
بي نوع بخور بس بخور ريحته ثابته اخذي المبخره وحطيها بالحمام
اكتمي الحمام واغلقي الشباك والباب
واتركي المبخره فيه دقائق
راح تجين تلقين الحمام كله بخور وريحته تفتح النفس
التعطير مايتم الا مع النظافه
ولا يجيك الحمام وانتي بكرامه ماغسل وتعطرينه ع طول
الحمام اذا ماغسل وعقم بشكل يومي يطلع روائح كريهه
وانتي بالعطر تمزجين ريحه حلوه مع كريهه وتطلع روائح غير مستحبه
لااحرصي ع الاثنين مع بعض نظافه وتعطير
وراح تلقين الرائحه الحلوه ماسكه بالحمام لمده طويله
مغاسل اليدين تقدرين تعطرينهم بنفس الطريقه
بعد ماتغسلينهم وتنظفينهم
تسكبي قطرات من العطر عليها وترشينها بمويه مو تغسلينها
المطابخ
=نفس طريقة الحمامات بالتعطير تقدرين تستخدمينها لارضية المطبخ
ترشين عطر او مركز عود بعد ماتغسلين الارضيه وتمسحينها
رشي ع خفيف وتكون مخفف بمويه
(ميزي رائحة المطبخ عن الحمام اجعلي المطبخ له عطر هادي وحلو بالفواكه والنكهات تحصلينه كثير)
=وزعي فواحات تحت درج المطبخ والفرن اذاكان فيه فراغ تحت
=لتعطير الادراج اخذي منشفه مبلله بمويه ورشي عليها عطر الفواكه واي نكهه تحبينها راح تحصلين كثير منها اوي عطر حلو وريحته مناسبه للمطبخ
وامسحي بها الادراج من داخل
=وبامكانك تبخير الادراج
=وبامكانك اخذ منشفه مبلله بمويه ورشة عطر ومسح الارضيه بها بس بشرط تكون الارضيه نظيفه
ولاتنسين الجدران
امسحيها
او بخي عليها ع خفيف
للامانه هذي طريقتي في التعطير والكل دائم يمدح رائحة المطبخ والحمام
اختكم:بنت العتيبي