طريقتي في صنع صندوق العاب لا يفوتك

السلام عليكم ورحمة الله وبركاته
كيفكم يا احلى فراشات
طبعا هذه اول مشاركه لي في هذا القسم المميز
بعد ما كنت متابعه له من فترة طويله واشوف ابداعات البنات ماشاء الله عليهم
واحدة اروع من الثانيه
فحبيت اني اضع في موضوعي هذا احدى اعمالي اليدويه ان شاء الله تعجكم و اسال الله ان تعم الفائده على الجميع
طبعا الفكرة بسيطه وحلوة وتقدري تستخدمي اي صندوق فارغ حق مكنسه كهربائيه قديمه او حق جهاز كهربائي الخ
انا استخدمت صندوق البامبرز حتى حجمه حلو ومناسب
و تحتاجي الى صمغ باودر تحليه بالماء
ومقص و شفرة حادة
وورق تغليف بالشكل الي تريديه
بما اني بسوي صندوق العاب للاطفال فاستخدمت ورق طفولي
وهذا الصندوق بعد ما طليته بالصمغ جيد
وهذا الصمغ للي ماتعرف شكله
لاحظي كيف يتم تغليف الصندوق لازم كل ما غلفتي تمسحي عشان لا تتركي هواء و بالتالي الشغل يطلع عندك مظبوط
تكرري العمليه بجميع الاتجاهات و طبعا نسيت اقولكم انه الزواءد من الصنوق لازم كلها تنزال
و لا تنسي بعد التغليف تحفري بالشفرة مكان مسك الصندوق كتير مهم ولازم يكون مظبوط وحلو
و بعدي اطوي الزائد و الصقيه من داحل الصندوق كما هو موضوح بالصورة
وطبعا راح يكون هذا الشكل النهائي للصندوق
وهنا بعد ما وصعت فيه بعض الالعاب
حلو صح؟
و طبعا راح اسوي بعد صندوقين ثانين احطهم فوق بعض بنفس الطريقه و يمكن اغير الورق لشكل اخر و بكذا يكون كثير حلو و عملي
و تقدري بعد تسوين نفس العمليه بتغليف صندوق لدولاب غرفة النوم مثلا او اي مكان تبينه تخطين فيه اشيائج
انا زاد معي ورق حائط كثير باشكال مختلفه و قولت راح اعمل نفس الفكرة بس اغير حجم الصندوق
اتمنى موضوعي حظى على اعجابكم و ابي اشوف تفاعلكم معاي وياريت تطبيقاتكم
ودمتن في حفظ الرحمن