طفله بريئه صغيره خاطرتي الاولى

السلام عليكم ورحمه الله وبركاته ,,,,,
اتمنى من كل قلبي تنال اعجابكم ,,,,,
وانتظر ردودكم على الخاطره
وابغى تقييم وبكل صراحه ومن غير مجاملات ,,,,,,,
وهي مجرد خاطره ولو انها طويله بس للامانه مو فيني مجرد تاليف خيال يعني
مو حقيقه انتظر تعليقاتكم واتقبل النقد برحابه صدر ,,,,,
==================================
لما كنت طفله وملامح الطفوله فيني..
بريئه بالملامح والطفوله ..
يحسبوني غبيه ..مافهم..صغيره ,,
بس كنت ذكيه وفهيمه وصغيره..
يسكتون من الكلام لايسمعوني كلمه تجرح البراءه!!
ومادروا اني اعرف قاموس من الحكي اللي مافهمه !!
طفوله حلوه والحنان اللي حولي من الاحبه ..
كبرت.. وتغيرت ..وكنت حلوه..
بس على كبري فيني من الاحاسيس طفله ..
اسال حالي ليه ليه كبرت وفقدت الحنان والضمه..
ليه يحسبون الحنان للصغار وانا بعدني طفله..
ليه يادنيا تدورين ابي ارجع صغيره ..
ابي ارجع لالعابي لااصحابي للبيت القديم اللي احبه ..
ابي ارجع للحنان اللي فقدته ..ابي ضمه ..
ابي ارجع لماضي البراءه والطفوله ..
ابي عروستي اللي كانت ماتفارقني لحظه ..
ابي الابتسامه ابي الدلع ..ابي ارجع طفله ..
شافوني كبيره بس بداخلي طفله ..
زوجوني وانا لسا صغيره ..
واه من كلمه صغيره ..
حرموني من الايام الجميله ..
حرموني من العلم والمدرسه ..
زوجوني والكل قالوا كلمه وحده ..
ياحرام بعدها ماتفهم صغيره ..
سالوني بتتزوجين ياحلوه ..
وكنت غبيه حسيت باحاسيس غريبه ..
على بالي الزواج تجربه..
وناسه سفرات ..طلعات ..ولعبه ..
في البدايه كنت خايفه ..احاسيس متلخبطه ..
على بالي الحنان اللي فقدته بعوضه ..
على بالي بصير في حضنه طفلته..
على بالي ..على بالي..على بالي ..اشياء كثيره..
بس ماجا على بالي ان الزواج مسئوليه ..
فهموني انها عشره عمر طويله ..
بس في بالي شي جديد ..وتجربه!!
كنت محتاره ..ضايعه ..ومتشتته ..
وصاركل شي محسوب خطوه..خطوه..
وحبه ..حبه ..حسيت بملل وحيره ..
وحسيت باحساس ..غيره ..
صديقاتي ..بنفس سني اخذوا الشهاده الكبيره..
كملوا علمهم ..والمدرسه ..
وانا انحرمت من ..ابسط حقوقي ..المدرسه..
ليه ..ليه ..واسئله كثيره ..
البنات اللي في سني..تمتعوا بايام جميله ..
ماعندهم مثلي ..بيت وزوج..ومسئوليه كبيره ..
ليه انا انحرمت من هالايام الحلوه ..
ودي يرجع بي الزمن لحظه ..
واقول مابي الزواج تكفون يمه..يبه..
تصدقون كنت فنانه ..رسامه ..وشاعره ..
وعندي مواهب كثيره..
وحتى كل من شافني ..اندهش متزوجه ..ليه صغيره ؟!!
تكفون لاتعذبوني اكثر من اللي فيه ..
تصدقون صديقاتي سالوني ..ليه متزوجه مغصوبه ..
قلت لهم لا انا الغبيه ..
والحين انا عندي بنتي طفله حلوه وصغيره ..
وحلفت اني اغرقها بحنان انا فقدته ..
حلفت اخليها تعيش طفوله جميله..
حلفت اخليها تكمل تعليمها والمدرسه..
حلفت ما ازوجها الا هي فاهمه ..وكبيره..
حلفت ماخلي بنيتي محرومه ..
حلفت ازوجها لشخص يحبها ..وتحبه ..
بس في الاخر اكتشفت ان حياتي حلوه وجميله ..
قلت لكم من البدايه ..طفله ..بريئه ..صغيره..
بس فيني عن كل البنات ميزه ..
صحيح انحرمت من اشياء صغيره..
بس ربي عوضني بزوج طيب وطفله جميله..
طفله تخليني اشوف الحياه زينه..
بوجودها جنبي تنسيني الدنيا بكلمه ..
ماما ..فديت عمرك ..يابنيتي الحبيبه ..
احمد ربي ..واشكره ..
انه رزقني ..ببنيتي ديمه ..
=========================
سمو الذوق