طلب للغاليات بنات الفراشه

انا بكون اول وحد ترد
تشتري بعض الاجهزه الكهربائيه تسهل عليها الشغل
اول شئ غسالة الاواني
غسالة الملابس الاتوماتيك اللي تادي بكل الوظائف
ومكواة البخار اللي مثل كواية المغاسل
وتقسم اعمالها كل يوم عمل
يعني غسيل الحمامات الله يكرمكم تكون كل يوم الحمامات اللي ما تستعمل
فتكون مرتين في الاسبوع
ويكون ثلاثة ايام لغسيل الملابس
ويومين في الاسبوع تمسيح الطاولات والمكاتب
وفيه طرق تسهل عليها تغطي كنبات مجلس الرجال
ومجلس النساء اللي ما تستعمل وطاولاته بقماش
تحميها من التراب ولا تستعمل
اذا بغت تجيب شغاله اجار بالساعه كل شهرين
تنظف المطبخ بجميع دواليبه والشبابيك والستائر

مهاوي
ماشاء الله الأخت وفت وكفت ماعلى كلامها زود والله يمتع أختك وعيالها ببيتهم ويعطيها الصحة والعافية لها ولعيالها

مشكورات حبيباتي ماقصرتوا الله يكثر خيركم
طيب اولادها مافيه اعمال تناسبهم ممكن يساعدونها فيها
الله يجزاها خير اللي ترد وينولها اللي في بالها

من الممكن تسوي لعايلها
اللي عمرها اربع سنوات لتجميع الالعاب
تعرفين الادراج البلاستيك او المكان اللي
تحط فيه العابهم تلزق على كل درج صوره
مثلا درج عليه صورة سياره فتعرف البنت انها
تجمع فيه السيارات وصوره عليه عرايس ومثل كذا تتعود البنت
واللي كبار بتجميع الاحذيه وترتيبها في مكانها
وتجميع سلات المهملات ترتيب غرفهم اول ما يقومون الاسره
وتجميع ملابسهم الوسخه ويحطونها في السله
بس ادعيلي بان الله يرزقني بالذريه الصالحه

شوفي زوجت اخو زوجي بيته كبير وعنده عيال وماشاء الله لوتدخلين عليه باي وقت لقيته بيته نظيف ونظافه سنعه مو أي كلام كل شي يلمع من السقف للارضيه وسالته وعلمتن طريقته وجربته قسم بالله بيتي صار بقمه النظافه وبنفس الوقت ثلاث ارباع اليوم فاضيه
عاد الطريقه إتبعيه انا ابقولك طريقتي وتشوف
اول شي لازم أقوم الساعه 10 او10,30 السبت والاحد للدور الفوقي و الغسيل بس انا اقسم يوم للملابس البيض ويوم للملونات وعندي مجفف الملابس احط الملابس واجلس انظف لحد مايخلص الغسيل بعدين احطه بالمجفف لخلصن على طول ارتب الملابس واحطن بالدواليب لانه بعضهن مايبي كوي اما اللي يبي كوي اخليه لبكرى اما باقي اليوم بس يكون شغلي بالمطبخ يعني طبخ وغسيل المواعين يوم الاحد اقوم نفس الموعد واكمل باقي الغسيل واجلس اكوي باقي الملابس وانظف الدرج والدرابزين امسحه يعني اشيك على الفوقي كله بعدين لاخلصن الملابس من الغسيل والتجفيف على طول ارتبهن واحطهن بالدواليب خلاص اكون بهاليومين رتبت الفوقي كله وخلصت الغسيل
يوم الاثنين اجلس انظف الظاهر بالبيت يعني امسح الرخام واغسل دورات المياه والمغاسل وامسح المكاتب واكنس السجادات يعني اجلس اشتغل لحد مايجي زوجي من الدوام بعدين خلاص اوقف الشغل
يوم الثلاثاء انظف عاد الاشياء الدقيقه مثل امسح المكيفات والشبابيك والابواب والتحف والشجر اغسلهن امسح المراوح واللمبات
يوم الاربعاء عاد اجلس انظف الكنبات من الغبار وافرش السجادات
يوم الخميس إجازه مع الناس
يوم الجمعه المطبخ مره انظف نفس الدواليب حقات المطبخ الجمعه الثانيه اجلس انظف المستودع والثلاجات
وكذا موالي قسم بالله من بعد ماجربت الجدول بدا بيتي يشع نظافه واغلب اليوم بس اكشخ واجلس لانه ماعندي شي كل شي مزينته الصبح
حتى احيانا مالقى شغل لانه بعض التنظيف مايستاهل إسبوعي اجلس اسوي حلى او معجنات واحط بالفريز علشان لاجاء احد مابتلش والله ماتصدقين الوناسه بيت نظيف من إلى ومن الظهر إلى الليل فاضبه يعني بس اطبخ وإذا جاء لمي احد الحمدلله يكون تقديمي على احسن مايكون
اتمنى يعجب إختك لاني انا شايفه بيت حماتي قبل وهي نفس إختك فله وعنده ولد بالمتوسط وبنت بسادس وولد بأول
والتجربه خير برهان

مهاوي آنسه نمله
ربي يوفقكم وانا اشهد انكم ماقصرتوا كفيتوا ووفيتوا
مهاوي الله يرزقك الذريه الصالحه اللي تملى عليك البيت
ويحقق لك اللي تمنيتي ياعمري

الاخوات ماقصرو جزاهم اللة خير الجزاء
لكن عندي مساعدة بسيطة ومفعولها عجيب
أختي العزيزة
دعيها تكثر من قول
لاحول ولا قوة الا بااللة
فهي خير معين

تسلمي أم شهد على المرور
الله يوفقك ويخليك