طلبت فزعتكم يا بنات الشرقيه

ام ميمى ك

20-06-2022 - 01:03 pm

شرقاويات اخباركم
اختكم من الكويت وبجى الاسبوع الجاى الشرقيه
وبسال شنو فيه شارع الحب والثقبه ومنو فيهم رخيص وشنو بضائعهم ابى ملافع رخيصه على 20 و30 ريال وحلوه..........وابى محلات السكر الحلوه والرخيصه.............يعنى ابى شئ للتجاره
وبعد اسال عن ملابس البنوتات انا عند بنت عمرها 4 سنوات وادور لها لبس حلو وراقى البنات يقولون الراشد؟ انتم شرايكم؟
وشنو الشئ الراقى المميز عندكم مو عندنا..............؟؟؟؟؟
وانا ادرى فيكم يابنات اللمملكه اهل فزعه
وسلامتكم

التعليقات (2)

دمع الهدب

20-06-2022 - 04:29 pm

حياس الله في بلادس واهلين وسهلين ماحبيت ادخل ماافيدس مع اني من الحساء بس يمدحون شارع الحب احلي وارخص وكل شي فيه

مئة%مئة

20-06-2022 - 06:31 pm

حياج بين اهلج ......وان شالله تنبسطين ويانا
شارع الحب ......فيه فساتين افراح وحفلات ...فساتين سهرات <==باسعار معقوله مره
وفيه حتى الرخيص
عندج فيه بعد غيره (الهرم بلازا) والسعر المنافس واخر فرصة
الراشد فيه كل الماركات الموجوده عندج بالكويت .....ولا يمكن هنيه عندنا اغلى
تبغين لبنوتتج (الله يخليها) .....الشاطئ مول مره يهبل..... والسيتي بلازا (سنتر بوينت) روعة
المحلات كلها في الدمام
الراشد في الخبر
ومرحبا فيج

بليز ابي مساعدتكم ياحلى بنات←
ماباقي الا يتلبس الشماغ بهذي الطريقه→