طلبتكم طلبة يابنات ساعدوني

جاوبوني جزيتم خيرا

اولا ادعي من كل قلبك وفي سجودك الحين روحي صلي وادعي
ان الله يسخر لك زوجك وان يلين قلبه لك
ثانيا قبل النوم اذا كان رايق وتحسين انه منجذب لك عاطفيا
وقولي له مثلا ( حبيبي .. قد ايش تغليني ؟؟ بعدين قولي والله احس اني اسعد انسانه بالكون وانت زوجي بس (( فيه شي اتمناه من كل قلبي وكل مافاتحك فيه احسه يضايقك شوي ,, بس والله الشي هذا ماتمناه الا من حبي لك وودي ننفرد انا وانت ببيت واحد اكون فيه ملكه البس مثل ماأبي وأثثه على ذوقي واعيش كل لحظه معك بحريه
والشي هذا اذا مو انت حققته لي ماراح يتحقق لي من غيرك ) وهذا الشي لو تحقق لي راح تكمل سعادتي معك
جربي انتي وشوفي انا هذا اسلوبي مع زوجي
وان شاء الله يفيدك

نسيت اقولك
قوليها وانتي منكسر خاطرك
ترى الزوج يحزن علطول على زوجته

الله ييسر امرك ويكتب لك الي فيه خير

مابيقتنع الزوج بالطلعه من عند أهله الا اذا شاف مشاكل منهم
اما اذا هم طيبين ومريحينكم مابيطلع لو وش يصير

الله يعينك
عليك بالأستغفار ولاتملين مهما طولتي
أختي الحين لها تسع سنوات ماطلعت
وأختي الي أكبر طلعت بعد 16 سنه..

الله يعينك ويفرج همك

انتي قوليله بأدب والله اهلك على عيني وراسي وانا احبهم
بس الصراحه ودي اسكن ببيت لحالي
ومن حق كل مرأه تسكن ببيت لحالها
تاخذ راحتها وتلبس على كيفها
وما فيها شي
واهلك بزورهم ومارح اقصر معاهم
وحاولي معه دايم لا تيأسين
واذا رفض الفكره تماما
اصبري لحد ما يكثرون العيال بعدها بيطلع غصب عنه

الله يعينك ويسر امرك ويحقق لك امنيتك وحاولي بادب وقولي هذا من حقي