ظاهرة غريبة يالفراشات ممكن احصل لها تفسير

انا كمان عندي نفس المشكلة ويمكن اسوا لانه بيبقى امام الكومبيوتر ساعات طويلة ولوقت متاخر كمان وكتير بنعمل مشاكل علشان جلوسه امام الكومبيوتر

بالعكس احسهم في فترة الملجه عقولهم طايره على البنت ويحبون يكلمونها دايما وفي اي وقت
وبعد الزواج كل شي يخف من نفسه خاصه انها في فترة الملجه تكون بعيده والريال في داخله يرقب الزواج ويتمناه لو يكون باسرع وقت
بس تدرين احس ان البنت ما تقدر تجبر الزوج يتصل فيها الا اذا سرقت قلبه وعلمته ان الحياه من دونها مستحيله
يعني لازم تحببه فيها اكثر وتسوي كل شي عشان هالحب يزيد وعقبها اكيد بيحن ويشتاق لها اكثر واكثر

اكيد بعد الزواج الوضع يختلف
وهو ما يصدق على الله يروح لربعه
ولا قلتي له ليه ما تكلمني
يرد ويقول انا مشتاق ما صدقت اخلص شغلي واجي لك ركض
ههه
تحيتي لكي

مشكوريين حبيباتي على المرور..
بس تدرون اظن المشكلة انهم يجبرون ازواجعم او خطابهم انهم يكلموهم..!!
خبروني عن طرق يجذب الشاب حتى يكلم زوجته...
واتخيلوا صديقتي ابدا ما جريئة معه في الكلام..
شو الحل برايكم يا اروع فراشات..؟؟

السلام عليكم و رحمة الله و بركاته ..
أولا حبيت أشكرج عل طرح هالمشكلة اللي ذكرتني بموضوع كان يصير معاي ..
ثانيا الموضوع و هو ..
احنا في عايلتنا يقولون ان الرجال يمل من المرأة بعدين لمن صار يكلمها من فترة الخطوبة و يصير ما لها طعم .. بسرعة تبيخ ..
مع اني أعارض هالفكرة لعدة أسباب منها ...
ان الرجال اساسا بيمل سواء شافها و الا ما شافها قبل العرس الا اذا كانت الزوجة تعرف تجذبه لها لاخر العمر ..
و اسباب ملل الزوج من الزوجة تكمن في الزوجة نفسها .. و احيانا تكون من الزوج نفسه بسبب صحبة رفقاء السوء أو الخ من هالكلام ..
و بما أن في عايلتنا نادر ان الزوج يشوف زوجته قبل ليلة العرس رغم انه حلال و لا بأس فيه ..
حبيت أسألكم انتوا المجربات .. هل تحسون انه فعلا يمل منها بعد الزواج ( لان كان يشوفها ) .. او ان هالشي فعلا عائد على اسباب ثانية مثل اللي ذكرته قبل شوي أو مثلا مشاكل الأبناء و الخ من هالكلام ؟ ...
و الان نرجع لمحور حديثنا ..
تقول الاخت ..
بالعكس احسهم في فترة الملجه عقولهم طايره على البنت ويحبون يكلمونها دايما وفي اي وقت
تماما .. نفس الشي انا كنت اعتقد .. و لكن في أول مرة أو مرتين يكلمونها .. يقولون لها عادي في اي وقت احنا نح نسمع صوتج و من هالكلام ..
لكن بعدين إذا البنت كانت جدا يطغ عليها الخجل و ما تقدر تجذبهم بكلامها و سوالفها فهالشي قد يسبب لهم ملل ..
لكن انا اقول ... احيانا ما تكون الاسباب عند البنت خصوصا ان هو في هالفترة يموت و يسمع صوت بنت .. و فعلا بعض الخطاب قد تكون لهم أسبابهم اللي لابد ان احنا ننظر لها بعين الاعتبار ...
و لكن اللي عنهم وقت فراغ و ما عندهم سبب يمنع .. فليش ما يسأل عنها .. بعدين هي تعتبر زوجته و مأجور على اظهار الحب لها و ادخال السعادة في قلبها ..
تقول الاخت بتو ل ..
انا كمان عندي نفس المشكلة ويمكن اسوا لانه بيبقى امام الكومبيوتر ساعات طويلة ولوقت متاخر كمان وكتير بنعمل مشاكل علشان جلوسه امام الكومبيوتر
طيب ..وين المشكلة ؟ ... انتي جلسي على الكمبيوتر و حطي لج مايك و هو يحط له مايك و كلموا بعض إلين تقولون بس ..
و ما لا داعي تسوون مشاكل عشان تغيرون من عادة الادمان على الكمبيوتر لانه اذا كان مدمن كثير فيحتاج الى شي من الصبر لتغييره .. انتي جلسي و فكري مع نفسج زين بطريقة غير مباشرة تخليه يقلل جلساته شوي شوي .. لا تحسسينه انج ما تتقبلينه بعاداته .. لان الرجال ما يبي يحس ان زوجته تبيه يتغير أو ما يعجبها في بعض الاشياء .. و هالشي يسبب له احباط و بالتالي تزيد الطينة بله ..
طبعا هالكلام مو من عندي .. قرأت في كتاب ( الرجال من المريخ و النساء من الزهرة ) طبعة مكتبة جرير ...
إن المرأة المفروض ما تقول ( ابي أغير من طبعه ) ...
لمن حبت تغير من طبعه عليها بتفكير بأشياء تغنيه عن الشي اللي هو اعتاد عليه .. و شوي شوي بتلاقيه ترك العادة اللي هو عليها ..
و اتمنى اني ما اكون طولت أو ثقلت عليكم في ردي ..
و السلام عليكم ..

مشكورة حبيبتي زهرة الاحساء..
بصراحة كفيتي ووفيتي..
على فكرة كتاب (الرجال من المريخ والنساء من الزهرة)
كتاب رائع جدا...جدا
وانصح كل المتزوجات وحتى المخطوبات او البنات العازبات انهم يقرأوه..
انا بجد استفدت من كثير...
وناوية اهدي وحدة لصديقتي...
ودمتم موفقين..

فعلا أختي سنمار ..
كتاب الرجال من المريخ و النساء من الزهرة .. انا برايي ان المرأة ما تستعيره مجرد استعاره .. تشتريه أحسن لها .. عشان ترجع له في أي وقت ..
و أحس ان احسن و احسن انها تقراه قبل ما تتزوج عشان من البداية ما تقع في بعض الأخطاء ههه ..
بصراحة انا استفدت منه كثير .. و طريقته في سرد بعض الاشياء حلوة و خيالية .. لمن يقول نزل أهل المريخ الى كوكب الزهرة و العكس ... تحسين انه على انه مفيد ممتع كثير ... ينمي الخيال .. ههه ..
أتمنى تقرونه .. و سلام ..

زهرة الأحساء
انا مع هالراي

صحيح غاليتي زهرة الاحساء...
بس حبيت اسألك:
انا عندي جزء واحد فقط
(الي عنوانه لونين احمر وازرق)
وفي واحد ازرق فقط...!!
فهل يناسب الاخر لغير المتزوجين ايضا..؟؟
عزيزتي ام الطيب مشكورة ع المرور..