عاجل افكار لريااض الاطفاال

بحثت بالانترنت ولقيتلك موضوع شامل لاحد الروضات ان شاء الله يفيدك
تغطية معرض
- منتديات النقاش لجامعة الملك فيصل

^
الله ويفقك ويرزقك فردوس الاعلى يارب
مااقصرتي
سبحان الله وحمدلله ولااله الا الله والله اكبر ولله حمد استغفر الله ربي واتووب اليه

يالله يابنات
ابي افكاار غير وينكم اهى

يابنات معذره
لي بتنزل لي رد ياليت يكون افكار يعني يكون كلام هييك
من دوون صور غير رد لي اختي وضعته لي

بحثت لك عن افكار وهذا اللي لقيته
فكرة لحفلة تخرج الأطفال
اول شي لما يدخلون الصاله اللي فيها الحفل تعطيهم اكياس صغيره
هالاكياس يحطون فيها حلاو
والحلاو من وين يجيبونه ؟
طبعا انتم اكيد راح تسوون مسابقات
كل واحد يفوز بمسابقه تعطيه حلاو يحطه في اكيس
وبالاخير وقبل لاتنتهي الحفله تشوفون اكثر واحد جمع حلاو وتعطونه جائزه مميز عن غيره
وبكذا راح تغيرون عن الافكار التقليدية
وممكن بعد تطلبين من كل طفل يجيب صورته وهو صغير يعني صور قديمة جدا .. وتعرضينها بالبروجكتر او اللي يسمونه (( الفانوس السحري ))وتجيبين طفلين .. واللي يعرف صاحب الصورة قبل هو الفايز
تلصقين على الجدار وجه مهرج ما له خشم .. وتجيب طفل وتغطين عيونه
ولازم انه يحط الخشم في المكان الصحيح
وضع فقرات اناشيد الاطفال واحلى نكتة واحلى تقليد ..
تحضرين 4 اطفال وتسألينهم أسألة عادية مثل : وش لون بلوزة امك ؟؟
او كم عدد الجدران بالسطح ؟؟
ومن هالاسئلة .. وتصيرين واقفة على راسه ومعاك بلونه فيها زي اللماع
او الاوراق المقطعة مرة .. وتعدين للخمسة .. اذا ما جاوب تفقعين البلونة
فوق راسه ويخسر .. والبقاء للاقوى
ممكن لعبة السمك وأكثر واحد يجمع سمك له هدية ( للأطفال اللي عمرهم 5 )
وممكن تنثرين مجموعة من الكور وتجيبين سلتين وطفلين
يبدأون بتجميع الكور بوقت محدد
وعلشان تضيفين جو مرح حطي أنشودة
وفيه فكرة ربط الشرائط
اللي يربط شرائط بيده أكثر من الثاني هو الفائز
وممكن لعبة ممرات الصابون هذي بصراحة روعة وتضيف المرح للحفل
لعبة تفقيع البالونات..
نحتاج إلى:بالونات معبأة بالماء + دبابيس + حبل طويل لتعليق البالونات منديل حريري
تعلق البالونات بعد تعبئتها بالماء ويطلب من كل متسابقة من الفريق أن
تقوم بفقع البالون وهي معصوبة العين والأفضل من تقوم بفقع أكبر عدد من
البالونات..
لعبة القربة المخروقة
نحتاج إلى:
سطل مملوء بالماء وواحد فارغ.. المملوء يوضع في أول الملعب
والفارغ في آخر الملعب + قارورة ماء بها خرم أو اثنين بالأسفل..
تحاول كل متسابقة من كل فريق أن تنقل الماء من السطل المملوء
إلى السطل الفارغ خلال 3 دقائق مثلا والتقييم يكون لصاحبة أكبر كمية
لعبة الكلام بالأسئلة فقط:
متسابقتين تقفان متواجهتان، لا تتكلمان إلا بالأسئلة.. الأسئلة لا يهم أن تترابط ببعضها.
مثلاً: كيف كان يومك؟
لماذا تسألين؟
هل أعجبك عملك الجديد؟
وهكذا حتى واحدة تخطئ وتجد نفسها تجيب عن السؤال بدلاً من أن تسأل
لعبه اخرى
اللعبة فريقين.
متسابقتان تجلسان متقابلتان.
المنظمة للمسابقة تكون حضرت عشرين كلمة لكل فريق، كل منها على ورقة منفصلة.
منظمة المسابقة تُري متسابقة واحدة الكلمة وهذه عليها أن تشرح للمتسابقة الثانية الكلمة بلا ذكر الكلمة نفسها. وبسرعة والثانية عليها أن تحزر بسرعة، يعني تتكلمان في نفس الوقت هذه تشرح وهذه تخمن. يجب معرفة أكبر عدد من الكلمات خلال دقيقتين.
ثم الفريق الثاني، ومن ينهي كلمات أكثر في دقيقتين هو الفريق الرابح.
الكلمات تكون بسيطة، مثلاً: فستان، أسورة، كتاب، حصان... أي كلمات، والشرح يكون مثل: شيء تلبسه المرأة ولا يلبسه الرجل...
له أوراق كثير ونقرأه..
ممكن بنهاية الحفل تلبسين تي شيرت أبيض وتعطين المدعوين أقلام
ملونة وثابته يكتبون لك فيها عبارات حلوة أو يوقعون
أو ممكن تحضرين أنتي مجموعة من التي شيرتات البيضاء
وتوزعينها على المدعويين وكل واحد يكتب للثاني عبارة
***********
او
هذه فكرة لحفلة التخرج
المكان / تقومين بتزيين المكان بالستائر الملونة ولنقل مثلا الأحمر والأبيض
أو أي لونين تفضلينهم
وتقومين بتزينها بنماذج من قبعات التخرج
وبالناسبة للكراسي والطاولات تقومين بتزيننها بنفس الوان الستائر
وتنثرين على الطاولة ورد مجفف
ونموذج مكبر من قبعة التخرج بالوسط
تضعين حوله الشوكلاته والتي تكون مزينه بالقبعات أو كتاب أو أي شكل يدل على التخرج
وكذلك الفطائر تستطيعين تزيين سلتها بالقبعات والشرائط
بخصوص كاسات العصير تربط 3 شرائط الأسود والأحمر والأبيض على شكل فله وتوضع بوسطها
نموذج للقبعة
المدخل تزينينه بالبالونات بالألوان الثلاثة
ووممكن تشترين بالونات عادية بالألوان الثلاة وتعبينها هيدروجين
وتتركينها معلقة على سقف القاعة بيطلع شكلها جنان خاصة إذا غطيتي خيطها بالكليم
بيعطيها لمعة حلوة
الفلبينيات ممكن تلبسينهم قبعات للتخرج بتطلع حركة جديدة وحلوة
هدايا التخرج أختاري نموذج مصغر من العرائس أو القبعات على أن تضعي كلمة جميلة
وتربطينها بشريطة على هيئة شهادة تخرج
-----------------------------------------------------------------
ام أفكار للحفلات
أنا مشرفة رياض أطفال ونظمت حفلين تخرج والثالث هالسنة الله يعيني هذاني حايسة ودايسة بالأفكار
خلوني أعطيكم بعض الأفكار السابقة ممكن تفيدكم بس بشرط اللي عندها أفكار جديدة تنورنا فيها علشان نستفيد من بعض
في البداية النشيد الوطني (وهذا دايم نمسكه فصل الروضة لأنهم يتعبوننا بالحفظ وهذا كلهم حافظينه) بس هالسنه ودي أقدم نشيد ثاني عن الوطن وقاعدة أفكر بنشيد (حبي لمملكتي),,, وطبعاً كانوا لابسين ثياب بيض وشرايط وطنية وماسكين أعلام والشعارات الخضراء على رؤوسهم .
وبعدها الفقرة الترحيبية أنشودة (أهلاً أهلاً ) من شريط عصفوريات العم عبدالله , ومرة أنشودة (يامرحبا باللي حلوا علينا ضيوف)وكانت روعة
ومن أحلى الفقرات اللي قدموها أطفالنا عرض أزياء الشعوب وكان كل طفل يدخل القاعه ويسوي عرض للباس وبعد مايصعد للمنصة يقول نبذة بسيطة عن البلد المنتمي إليه مثلاًأنا جمهورية مصر العربية أشتهر بالأهرامات) ويرجع ورا وبعد ماينتهوا يمسكوا يدين بعض ويقولوا عبارة جماعية قصيرة(ناسيتها).
وأيضاً فيه مشهد بين رجل ودجاجته (ولد ملبسينه ثوب وطاقيه وشوارب والبنت لابسه زي دجاجة)
وشغلتلهم أنشودة (ياجماعة عندي حاجة) من شريط عصفوريات العم عبدالله والطفلين فقط يؤدون الحركات وكان من أحلى الفقرات
وفيه فقرة الحروف العربية قدموها كل الفصول كل فصل كان له تقريباً 5 حروف مع الوسائل والحركات لكل حرف وكانت الفقرة متعوب عليها لأنه كان فيه تعاون بين معلمات الفصول بحيث ان كل فصل ينتهي وينزل يطلع اللي بعده ويقدم وصلته ورا بعض بانسيابية وترتيب فخرجنا بفقرة رائعة.
ومن المشاهد الرائعة مشهد عن غياب الأم لقيته وأنا أبحث بالنت وبعد ماانتهى قدموا فصل البنات انشودة (احتاج اليك يا أمي).والسنه اللي بعدها قدمنا انشودة (أمي أمي كلها شوق وحنان) ودربناهم بس على الحركات.
والسنة اللي فاتت قدمو أطفالنا فقرة الزواج قديماً وحديثاً شامل كل شي من " الزفة, الملابس, الكوشة, نوعية الرقص, حتى التوزيعات قديماً أثناء زفتها وزعنا الشعبيات وحديثاً الشكولاته المغلفة" وكل وحده وابداعاتها طبعا الأمهات استانسوا على هالفقرة خاصة الرقص.
ومرة قدمنا فقرة عن أصحاب المهن اخترت 4 مهن وكل طفل لابس اللبس المناسب لمهنته وواقف بركن ومعه الأدوات المناسبة له(شرطي- نجار- ميكانيكي- خياط) وكان بالركن الثاني واقف 4 أطفال آخرين هم المنشدين, طبعاً مشغله الصوت وهم بس عليهم الحركات لأنه ما أمدانا ندربهم عالحفظ بس الأناشيد كانت حلوة ومناسبة للحركات أتوقع من سلسلة يزيد ومنها(طق طق يانجار بالشاكوش والمسمار......وغيرها).
وكل سنه أحب أعرض بروجكتر مرة عرضنا صور عن يوم أطفالنا في المدرسة من ينزل من الباص حتى ينتهي من الدوام وكانت الصور تحكي الكثير من الذكريات وكنت مشغلة انشودة (وين أيامنا وين قضيناها) <<< وأنا خذوها صياح بهالفقرة.
ومرة عرضت فيديو أمنيات الأطفال في المستقبل يعني قبل صورت كل طفل وهو يقول وش يتمنى يكون في المستقبل وعرضناها في فقرة سميناها أمنيات براعمنا.
وفيه فقرة أيضاً عن فصول السنة 4 بنات كل بنت لبستها زي خاص بفصل وفي الخلف بقية الأطفال ينشدون أنشودة (حسن الفصول الأربعة من حولنا ماأروعه) بالحركات طبعاً.
وطبعاً كل فقرة نبدع فيها بالأزياء والبنات أكثر شي نطلب فساتين أبيض سادة ومنفوشة وجزم وشراب (الله يعزكم) بيضاء وحنا نلبسهم شرايط ساتان عريضة على الخصر مع إكليل ورد أوتاج على الرأس ينفس اللون, ويكون كل فقرة لهم لون موحد.بس هالسنة ****لله ناوية أختار فستان من محل في سوق معروف واتفق مع صاحب المحل انه يوفر العدد المطلوب للأهالي اللي يطلبون الفستان بأسم مدرستنا (بنعطيهم اسم السوق والمحل) طبعا بيكون السعر ****لله معقول, أحسن يطقمون ومنها الأم تستفيد من الفستان بالإجازة , وبرضو حنا نريح روسنا.
أم تقريباً هذا اللي أذكره
****لله أكون أفدتكم وان تذكرت شي بقولكم بس تكفون عطوني أفكار لهالسنة
-----------------------------------------------------------------------------------------------------------
السلام عليكم والله أنا ما عندي فكرة عن رياض الأطفال بالقدر الكافي ولا شيء مميز بس إللي تعودنا نشوفه أن الأطفال يلبسوا لبس التخرج مثل خريجي الجامعة والكاب أو القبعة الخاصة بلبس التخرج والوشاح ويكون مكتوب عليه اسم المدرسة وتوزيع شهادات التقدير ملفوفة على شكل رول ومربوطة بشريطة مع إلقاء كلمة للخريجين ويلقيها طالب أو طالبة متميزة مع توزيع حلويات في سلة أو ورود الخريجين يوزعوها على الضيوف وبخور ومرش لماء الورد وفقرات إستعراضية وشعبية ومسرحية وبوفية مفتوح وإستقبال الضيوف على المدخل ويطيروا عصافير أو بالونات يعني على حسب ما أشوف عذراً إذا ما وصلتوا للإجابة المطلوبة أشكركم
-------------------------------------------------------------------------------
شوفي حبيتي انا مره سوينا عن الأركان التعليميه.....يعني مجموعه يسون مشهد في ركن المنزل
تمثيلي..........ومجموعه في ركن التخطيط ويكتبون كلمة روضتي كل طفل حرف ثم تجتمع وتكون روضتي ......وركن الاكتشاف يطبق فيه العلماء يعني يطفو ويغوص حوار بين مجموعه من الأطفال...........ركن الفن ......وهكذا صراحه انا نسيت حذافير الحفله بس كانت مره ممتعه
وممكن تسوين عن اركان الأسلام كل مجموعه حوار عن ركن ثم تختتم بانشودة ديننا الأسلام كتابنا القران
-------------------------------------------------------------------------------------------
فكره سمعت عنها...
قسم التخرج
بمعنى لما يجتمعون طبعا بعبايات التخرج يحطون ايديهم فوق بعض ويقولون
اعاهدك معلمتي ان اكون مطيعا لربي ومطيعا لوالدي ونظيفا ....الخ
اتمنى تعجبك
--------------------------------------------------------------------------------------
أنا حضرت أكثر من حفل أقولك باختصار بعض اللقطات الحلوة
انشودة طائر النورس مع عرض للبوربوينت + تطقيم الأطفال باللبس
انشودة الفراشتان وكذلك النحلة لبس الجناحان مع عرض البوربوينت وتطقيم اللبس للكل
عند عرض الأسماء المتخرجين يتم الدخول من بابين بنفس الاتجاه طبعا ترتيب الأولاد معاهم علم المملكة صغير والبنات معاهم ورود صغيرة ولما يلتقوا في المنصة يترتبوا بصورة سريعة يعني حسب الطول الطوال ورى
ويرفعوا ايدينهنم ثم تعرض الأسماء بالبوربوينت وتقول المديرة الأسماء وكل طفل يسمع اسمه يأخذ هديته ويروح مكانه ويرفع الهدية
....................
في انشودة ياحباب مرة رائعة شفتها مسوينها أطفال نفس العرض اللي يجي بالتلفزيون في حفل بس مو تخرج وفاز هذا المشهد بأنه أحسن مشهد وأروعها فيه البراءة
ربي يوفقك هذا اللي قدرت أساعدك فيه
--------------------------------------------------------------------------------
أختي ممكن يسوي كل فصل فقره معينه مع الديكور والمطويات وهالأشياء
وبالختام يكون فيه مسيره للأطفال ...يآخذون شهادات التخرج وهم لابسين لبس التخرج
وبعدها تصوير جماعي لهم وكل واحد يروح لأمه..
----------------------------------------------------------
افكار حلوه
في البداية شغلي أنشودة ترحيبية بالأمهات وخلي
الأطفال يرقصوا عليها بطريقة حلوة يكونوا لابسين
جلابيات اولبس شعبي والأولاد لابسين ثياب وحولهم
مباخروتلاقين الأناشيد الترحيبية موجودة دايما في اشرطة الأفراح انا مثلا كان عندناحفل شغلت لهم
انشودة(أسعد الله مين جانا0000واللي لبى الله أعانه)
ورقصوا عليها خليجي صفين متقابلة والأنشودة.
مرة تحرك لأنها بدق طيران وغطاريف
وممكن تسوون توزيعات وتوزعوها على الحضور
وانشودة بالأنجليزي000وانشودة صباح الخير ياأمي من أناشيد سنا مرة حلوة000وادخلي موقع اناشيد المجد للأطفال وبتلاقين افكار00وسوي مشاهد تمثيلية كوميدية عن تصرفات صحيحة او خاطئة للأطفال داخل الروضة000وممكن تجيبي طيور وتربطي في ارجلها اكياس اكليل لماع مثقوبة وتطيريها في القاعة فتسيرترش اللماع على الحضور
واستئجروا أجهزة مرشات الوردوالبخار والفقاقيع من برة
منقول
ان شاء الله تستفيدين
^_^

ممكن اساعدك بعمل عرض بوربوينت للحفل
وعمل عرض فيديو للذكرى لصور الاطفال مع تصميمها بالفوتشوب وتحطوها بسيدي وتبااع على الاطفال يوم الحفل

سبحان الله وحمدلله ولااله الا الله والله اكبر
استغفر الله استغفر الله ربي واتوب اليه