عايزه تصبغي بنفسك ادخلي اعرفي الطريقه مع الادوات بالصور

1. كيفكم يا حلوين؟


2. 6 - اقطعي الكراتين و افرشيها علي الارض بجانب الجدران

السلام عليكم و رحمة الله و بركاته

كيفكم يا حلوين؟

انا من اشد المتابعين للقسم و لقيت اسفسارات كتير لاخوات عايزين يصبغوا بنفسهم
اهم شئ تعرفيه ان الصبغ عمليه سهله جدا جدا وماهي اختراع و ما تحتاج لمهاره معينه بدليل ان اغلب الاجانب هما نفسهم اللي بيصبغوا بيوتهم بانفسهم , يحتاج الصبغ لمجهود و لكن لما بتشوفي العمل اللي انجزتيه بنفسك بيروح كل التعب
اولا هنبتدي باهم شئ و هو تحديد الالوان علي حسب المفروشات و اثاثك
الدهان و تختاري الالوان المناسبه اللي اخترتيها
الصراحه انا بخلط بنفسي و الصراحه تخليط الالوان نفسه متعه رائعه و طبعا ارخص بكتير من الالوان المخلطه بالكمبيوتر و طبعا لو هتدهني مساحه كبيره بتكوتون اغلي و اغي
اغلي دهان هو يوتن بس فعلا رائعه والمقارب له في الجوده بس ارخص هو سايبس , انا بستعمل سايبس
كمية الدهان علي حسب الامتار اللي هتدهنيها و علي حسب هتدي كام طبقه , طبعالو الحوائط مدهونه سابقا هتدهني طبقتين فقط اما لو علي المحاره وطبعا دا صعب انك تعمليه لازم تضعي معجون الاول و دي مرحلة تاثيث محتاجه مهاره حرفي متخصص علشان الحدران تكون متساويه و ما تكون فيها اماكن متعرجه
ثاني شئ نشتري ادوات الصبغ
الادوات اللازمه للصبغ:
1- الدهان
2- الرول اشتري 2 رول حجم متوسط
و رول حجم صغير
3- وعاء الصبغ , و انصحك بانك تشتريه لانه بيوفر في الصبغ و ما يهدره
4- فرشاه صغيره لتصبغي الاركان و الاحرف عند السقف و السفل
5- سكينه كبيره و اخري صغيره لفرد المعجون
6- لصق مخصوص للحوائط
علي فكره اللصق دا له استخدامين
الاستخدام الاول للتغطيه
و الثاني لعمل خطوط علي الحائط , كل الصباغين بيستخدموه و يصبغوا عليه لعمل خطوا او مربعات او اي تقسيم انتي عايزاه
7- ورق صنفره خشن
8- قطع مطبخ نظيفه
9- اسفنج لغسل الحوائط
10- تنر
11- المعجون
12- سلم
13- كراتين
14-شراشف قديمه
الخطوات الممهده للصبغ:
اولا قبل اي شئ سمي الله و توكلي عليه
1- اخلي الغرفه من الاثاث و ان كان الاثاث ما تقدري انك تخرجيه من الغرفه , جمعيه في وسط الغرفه و غطيهم بشراشف قديمه
2- غطي النجف باكياس كبيره او بشراشف قديمه
3- صنفري الجدران بورق الصنفره ثم اكنسي الارض من تراب الصنفره
4- اغسلي الجدران بالماء و اسهل لكي انك تجيبي وعاء بجانبك و فيه ماء و تغطسي السفنجه في الماء و تمسحي الجدران
الغرض من صنفرة الجدران هو تهيئتها للصبغ لانك لو صبغتي علي الجدران المصبوغه سابقا بدون صنفره هيكون الصبغ خشن محبب و لو صبغتي بدون غسل الجدران هيكون فيها اتربه و ما راح يلزق الصبغ بالجدران بسبب الاتربه
لذلك عمليتي الصنفره و الصبغ مهميين جدا و تحضير لعملية الصبغ
5- انزعي جميع وشوش الكهرباء و غطي حواف الابواب و النوافذ و فيش الكهرباء و حواف السقف و السفل باللصق و دا بيسهل عليكي لما تصبغي بانك ما توسخي اي شئ بالصبغ

6 - اقطعي الكراتين و افرشيها علي الارض بجانب الجدران

7- اذا كان في الجدران اي شقوق او فتحات صغيره نتيجة المسامير يتم سدها بالمعجون و استخدمي السكنتين المخصصتين في فرد المعجون علي الحائط و احرصي انك تساوي المعجون بمستوي الحائط علشان ما يكون بارز عن الحائط و ظاهر
8- تاكدي من جفاف المعجون و قومي بصنفرته
9 - الان الجدران جاهزه للصبغ
الصبغ:
ضعي القليل من الصبغ في الوعاء المخصص للصبغ
وعاء الصبغ مرتفع من جهه علي ارجل معدن صغيره و الجهه الاخري عميقه
ضعي الصبغ في الجهه العميق و مرري الرول في وعاء الصبغ منالجهه العميقه للجهه الاخري
دا ما يهدر الصبغ و كمان تكون كمية الصبغ في الرول كل مره تمرريها في الوعاء واحده علشان ما تضعي في جزء من الجدران كميه اكثر من جزء اخر و تكون الحوائط كانها مبقع
# عند الصبغ ابدئي من الجهه اليمني من فوق ثم ارسمي حرف w
ثم املئي الفراغات في حرف الw و هكذا الي ان تنتهي من الجهه اليمني من فوق ثم انزلي الي الجهه اليمني من اسفل و هكذا الي ان تنتهي من الجدران كاملا
# عند الاركان و الاحرف استخدمي الفرشاه و الرول الصغير و طبعا بما انك وضعتي اللصق فالعمليه سهله جدا و ما راح توسخي السقف و الكرانشي او السفل
اغلب الدهانات بتجف بعد ساعه واحده و الافضل ان تنتظري ساعتين ثم تبدئي بالطبقه الاخري
ملحوظه: طبعا لو بتدهني علي لون غامق مثل الاخضر الغامق بتحتاجي تدهني 3 طباقات و ليس طبقتين
بعد الانتهاء من الصبغ نظفي الارضيات بالتنر ان كان في اي بقع بسيطه وقعت منك
علي فكره لو عملتوا يحث في الانترنت هتلاقوا فيديوهات لكيفية الصبغ خطوه بخطوه و كمان طريقو عمل التقتيق بطريقه سهله جدا و عمل الخطوط بس باللغه الانجليزيه و انا فادتني كتير الفديوهات دي
و اي سؤال او استفسار ان شاء الله اجاوبكم عليه
و ما تنسوني من دعاؤكم و ان الله يفرج همي و ينفس كربي و يرضي عني و عن اهلي