عبارات رومنسيه ممكن

1. ابي منكم عبارات رومنسيه تنفع اكتبها على ورق


2. وكذا عزومه حلوه سويتها لان فتره الخطوبه طويله يعني لازم من التغير


3. وجهزت صحون باللون الابيض ومناديل خذيتهم من زارا هوم باللون الفوشي

هلا خواتي

ابي منكم عبارات رومنسيه تنفع اكتبها على ورق

خطيبي طلب مني اسوي له ليله رومنسيه لاني عودته بين فتره وفتره اسوي له ليله حلوه وغير كذه من زمان ماشفته لاني كنت امسافره شهر تقريبا انا قبل سويت له كذا ليله رومنسيه وكانت روعه
سويت له ليله بحريه وكانت روعه لدرجه اني شفته امصورها في جواله استخدمت فيها مفرش بقماشين الساتان الازرق والتل السماوي اللماع ووزعت اصداف واشموع على شكل اصداف واصحون سماويه على شكل نجمة بحر واصداف وسمك كانت روعه
وسويت ليله حمراء بالريش الناعم والشموع والوررد الجوري والترتر الكبير بشكل الورد

وكذا عزومه حلوه سويتها لان فتره الخطوبه طويله يعني لازم من التغير

وودي اسوي شي غير عن اللي قبل سويته له ففكرت اسوي كيكه فيها صورته وشفت وحده بمنتدى امزينه كاسات للشموع بالورد طريقتها روعه في التزيين ان شاء الله اصورها لكم اذا سويتها
لاني شريت ورد باللون الوردي وشريت اللمبات الصغيره الملونه بغلاف حوالي كل لمبه بورق الجلاد الوردي الخفيف علشان اذا ولعتهم يصير شكلهم احلى بحطها على الستاره وبخليه ينزل منها وبغطيه بقماش تل وردي لماع بشكل حلو علشان يكون شكل اللمبات احلى مع الاضائه الخفيفه بالمجلس
وعندي مفرش بالمخمل باللون الفوشي واقماش اورجنزا وردي فاتح وعندي تل وردي لماع بزين الطاوله فيه بطريقه حلوه

وجهزت صحون باللون الابيض ومناديل خذيتهم من زارا هوم باللون الفوشي

وخذيت بالونات باللون الودري واالابيض بنفخه وبوزعه في ارضية المجلس بس ودي بعبارت حلوه اكتبها في ورق واحطها داخل البالون او اكتب عبارات على ورق واللصقه بالاجداراو الارض بس محتااره اي طريقه ينتبه لها اكثر وتعجبه
واحترت شنو اطبخ له لاني لايعه كبدي من اكل المطاعم لاني في السفر كله اكلي من المطاعم وغير كذه هو مشتهي اكلي
ابيه ماينسى الليله هذي لانه قرب زواجنا بعد العيد
قلت لكم قصت حياتي
وبحاول اصورها لكم علشان تشوفوها ان شاء الله
الله يعطيها العافيه اللي تعطيني كلمات حلوه اكتبها واذا عندكم لعبه حلوه اقدر اللعبها معه وتكون خفيف وتسوي جو حلو ضحك ووناسه لان زوجي مهموم اشوي علشان الشقه ودوامه ودي اخليه مبسووط اشوي واخفف عنه
وياليت تعطوني رايكم في الافكار اللي بسويها واذا عندكم اي تغير او اي اضافات او افكار حلوه لاتبخون علي فيها
والله يجزاها خير كل وحده بتشرف موضوعي وتبرد قلبي حتى لو برد بسيط