عذبتني ذليتني دسة بكرامتتي آخرتها تقول لي احبك

قعدت وهي خايفة أنا شلون وافقت على نواف
اريام : ندى في وين سرحانة ؟؟
ندى تغير الموضوع : امم وين نور
اريام : مدري عنها من عرفت انه نواف تقدم لك وهي بغرفتها
ندى : طيب انا رايحة اشوفها
((في غرفة نور))
نواف انا ابيك طلعت تبي اختي ليه مكتوب لي الهم في هالبيت المكسر دق باب غرفتها ومسحت دموعها : تفضل
ندى : ممكن ادخل
نور تبتسم : اكييد
ندى : ليه الحلوة زعلانة
نور : ندى عن جد فرحت لك تستاهلين
ندى تبتسم : آآآآه إلا نواف ما توقعته
نور : شفتيه
ندى : لأ
نور : مره يهبل يخبل الله يهنيك يا ندووش
ندى رفعت حاجب : وانتي في وين شفتيه
نور : يوم كنت صغيرة شفته بالصدفة بس اذكره
ندى : انا خايفة عبد العزيز يقول حددون الملكة يوم الاربعاء
نور
نور: أي وليه خايفة
ندى : ماعندي شي البسه
نور : افا عليك الحين نروح السوق واشتري لك ك
ندى تقاطعها : نور انتي عارفة ماعندي فلوس
نور : ندى حنا خوات وانا عندي كم فلس
ندى تجمعت الدموع بعيونها ضمة نور : نوور مدرس شسوي بدونك
نور ابتسمت وقعدت تمسح شعر ختها الله يوفقك بحياتك
بيت ابو نواف
نواف منصدم : شنو
أم نواف : أي خطبتها لك وازيد الشعر بيت يوم الاربعاء الملكة
نواف بقهر : يمه انتي عارفة اني ما ابي اتزوج
أم نواف بصراخ : نواف انت عارف كم عمرك عمرك 26 وماتزوجة والسبة هالجنان (( وبحنان)) يا ولدي مو كل الحريم مثل بعض
نواف : الله يعميني قبل لا اشوف هالندى الله يعميني بس (( وطلع))
علياء : يمه انتي استعجلتين
أم نواف : ما استعجلت وانا ابي افرح فيه
ريمه : آآه لو ماخذين نور كان احسن
أم نواف : انتي سكتين احسن
ريمه : اووف ياربي منكم
في السوق
قعدوا ثنتينه يدخلون من محل لمحل كانوا مضايقين الأسعار غاليه بنسبة لميزانيتهم قعدوا بالكوفي
نور : ولا شي رخييص شهالعالم كل ماجا له غلا
ندى : اكييد راح يحرجوني بنات عمي
نور تغير الموضوع : طيب انا رايحة اطلب لي تبين شي
ندى : ابي قهوة
وقفت نور من الطاولة وهي منزلة راسها تحس بالضيق على ختها حتى انها نسيت هي شنوو راح تلبس اصدمت بشخص
نور بعصبية : يو انتم ما تشوفون
أحمد ببرود : احترمي نفسك تصدم وبعدها تهزأ
نور رفعت راسها وانصدمت منو هذا سرحت بعيونه إلا سحرتها وبملامحه
أحمد بقرف : هي انتي يا القرف تأسفين لي
نور بصعوبة نطقت : شنوو انا اتأسف (( ومشت بغرور)) آآه منو هذا منو
أحمد عصب وطالعها من فوق لتحت ومشى لطالولة
طلبت الطلب وانتظرته يخلص
نور : بكم
العامل : ب ......
نور : تفضل
اخدت القهوة والعصيير ومشت حتى هذولي غالين
مرت من طاولة احمد وريان
احمد : اوريك الحين شلوون تتعاملين معاي
تسند على الكرسي ومد رجله نور ما حست على نفسها وتعرقلت وطاحت غمضت عيونها مو مصدقة بالصار شالت يدها من الارض إلا تغرقت بالعصير والقهوة رفعت راسها وهي تناظر السخرية والضحك من الناس تجمعت الدموع بعيونها وقامت وهي تمشي وكل مامرت من طاولة سمعت الضحك فيها مرت من طاولة فيها مجموعة بنات
البنت الاولى : ههه يع يع لا تعبرين تحتي
البنت الثانية : يو هاذي الموضة ان العباية يكون لونها اصفر من العصير ههه
حست بالذل توجهت لندى وسحبتها من يدها
نور : يا الله نطلع
ندى شهقت : نور
نور تبكي : سخييف حقير منوو هاذا
ريان يبتسم : يا حرام ليه تسوي معها كذا
أحمد بسخرية : ههه حتى تعرف منو انا
ريان : حرام عليك إلا البنالت ماارضى عليهم
أحمد : وأحلا شي عندي ذل البنات
ريان ابتسم وهو يناظر بجواله : آآه من هالبنت عذبتني
أحمد : تقصد منو غرور
ريان : ههه الغبية تافه بس جمالها
.....................
نزلت من الدرج بكسل وهي تتثاوب رفعت شعرها وخصلاتها المتانثرة
ريناد : صباح الخير
زياد : صباح شنوو صباح حنا ليل
ريناد : زيود ابي شي منك
زياد : ريناد ترى مللتيني من طلباتك
ريناد : انا حياتي كلها ملل متى بس تتزوج غرور وتجي معي البيت
زياد ابتسم : ريناد خلك في احلامك انا طالع
ريناد : اوف ياربي متى يجي الاربعاء واشوف خطيبة نواف
............
في شاطيء البحر والامواج تتضارب رفع راسه حس انه مهموم من كل شي قطعه صوت جواله
متعب : هلا سوسن
سوسن : متعب متى راح ترجع ابوي يسأل عنك
متعب بضيق : سوسن بتأخر شوي
سوسن : متعب انت عارف ان ابوي راح يعطيك تهزيئة محترمة اقول لك تعال الحين احسن
متعب : سوسن قولي لأابوكِ شروق راح اطلقها لاهي تبيني ولا انا ابيها
سوسن ملت من نفس الموضوع : اقول باي باي
حس متعب بالحقد من ابوه زوجه بالغصب من وحدة غنية عشان ياخذ فلوسها مغرورة ودلوعة وما يتحملها وقف بصعوبة وتوجه لسيارته
يوم الاربعاء ((في ملكة نواف وندى))
نور : ياي ندى تجننين
ندى : الحمد الله لقينا ثوب
نور : سكتين لا يسمعونك
ندى : نور طالعة حلووة اووه اموت واعرف انتي شلوون طلعت عيونك رمادية
نور بغرور : احم احم الكل يغار من لون عيوني
دق الباب
نور : تفضل
دخلت اريام وهي مبتسمة : ندى يا الله اطلعي للناس
ندى : خايفة ياربي تعالين بيت عمي ماسخرون من بيتنا
اريام : والله هم كل شوي يطالعوا بقرف بس يا الله
نور بعصبية : والله بيتنا ما في احلا منه
حست بقهر وطلعت للناس وقعدت جنب هبه
نور : يا ليتك يا هبة بنت عمي انتي
هبه ابتسمت : نور شقاعدة تقولين
نور : منوو إلا قاعدة جنب غرور
هبه : مدري عن عيلتهم بس على ما اضن ريناد
واخيرا دخلت ندى وعيون الكل عليها حست بالاحراج توجهت للمكان إلا لها وقعدت
مر الوقت بسررعة وكل ماجا لها قلبها يدق اكثر متى راح يدخل نواف هذا
ريمه : ماراح يدخل نواف
غرور : شنو !!!!
ريمه : أي ماراح يدخل
رينادما استغربت لأن حتى خطيبها رياض ما دخل ولا شافها ولا شافته (( رياض اخو غرور))
نور بقهر : ريمه ليكون اخوكِ ما يبي اختي و
ريمه تقاطعها : شهالكلام يا نور
غرور : طيب لا تتزاعلون على فكرة يوم الخميس الجاي عازمتنكم على مزرعة ههه اقصد على مزرعة ولد عمي احمد
نور دق قلبها احمد اخيرا راح اشوفه هالاحمد
ريناد : واي يهبل هالاحمد
غرور : بسك انتي الحين مخطوية
ريناد : أي صح قولي لأخوكِ هاذا
غرور بأحراج من اخوها البارد : ام
......................
في صباح جديد وبعد مرور الايام قعدت ندى وهي مبتسمة لكن تلاشت ابتسامتها من شافت اخوها عبد العزيز
ندى وقفت : عبد العزيز
عبد العزيز : أي عبد العزيز وبعدين حبيت اقول لك ترا
قطعته اريام : عبد العزيز مو وقته
عبد العزيز : لا وقته وحبيت اقول لك يا ندى إذا سمعتين الخبر لا تسوين نفسك متفاجأة وماراح يغير راي انتي لنواف وغصبا عنك
ندى بخوف : اريام شصاير
اريام نزلت راسها وحزنت على ختها
عبد العزيز : خطيبك نواف صار له حادث وفقد بصره
اتمنى الجزء عجبكم
انتظر ردودكم وتوقعاتكم

واو الرواية روعة كمليها

لولو المرجان
حبيبتي رواية رائعة ومشوقه كملي واحنا معك
يلا ننتظرك حبيبتي
مدى الاصوات

خطيبك نواف صار له حادث وفقد بصره .. خطيبك نواف صار له حادث وفقد بصره ..بصره .. بصره
هزت راسها بألم لا لا انا احلم احلم ماابي نواف ما ابيه ما ابي اعيش مع اعمى ما يشوف
دق الباب رفعت راسها بحزن : قلت ما ابي اشوف احد
نور : ندى انتي بخيير صار لك اسبوع وانتي بغرفتك
ندى : نور شتبين
نور : ابيكِ تزورين نواف
ندى انصدمت : ها
نور : أي يا ندى إذا ماوقفتين معاه الحين متى راح توقفين
ندى بكره : انا ما ابيه ما ابي واحد اعمى ما يشوف شلوون راح اعيش معه
انصدمت نور من كلام ختها لا هاذي مو ندى
نور : ندى
ندى : إي إلا سمعتيه قولين لعبد العزيز ما ابي نواف واحد اعمى مايشوف الدنيا (( وبكت وقعدت تصارخ))
اكره ما ابيه هو مايبيني وما دخل في المل . ماقدرت تكمل كلامها لأن صفعت نور سكتتها قعدت مصدومة حطت يدها على خدها : نور (( قعدت تبكي بحضن ختها الصغيرة))
نور وهي تمسح على شعر ندى : سمعين يا ندى نواف خطيبك الحين واكييد محتاج حد يوقف معاه سانديه وكوني معاه وانتي تعرفين منو هم عيال عمي اولاد العز مستحيل يسكتون اكيد راح يتعالج ويتشافى توعديني يا ندى انك تكوني الزوجة المخلصة لزوجها إلا تسانده بكل شي
دموعها ما قدرت نزلت آه يا نور احبك انتي اختي الصغيرة إلا علمتيني اشياء انا ما اعرفها
ندى وقفت : نور انا رايحة بيت عمي
نور ابتسمت : هاذي ندى إلا اعرفها
بيت متعب
فتح باب البيت وهو يحس انه منهار مشى للبيت الكبير إلا ماحس انه في يوم بيته
شروق تكتفت : لا لييه مانمت برا البيت
متعب طنشها ومشى
شروق : هي انت انا اكلمك
متعب ضغط على يده من يومه مستحملها عشان ابوه وانها بنت عز لا يامتعب مو هاذي البنت غلا تذلك عشان فلوسها
شروق : الاخ سرح مع فارسة احلامه
متعب ماسك اعصابه : احترمين نفسك
شروق تبتسم بسخرية : والله ههه
متعب : أنا طالع غرفتي انام
شروق : قول والله من تزوجنا وانت بهالغرفة
متعب ركب للغرفة وتركها : اكررهههك يا متعب يا الغبي
حست بملل ابوها شلون وافق عليه تدري انه فلوسها هي إلا مسكتنته هاذي مو عيشة معاه
...................
فتحت دفترها الوردي وكتبت مذكراتها ونزلت من غرفتها
هبه : كيفك خلود
خالد : هبه لعبين معانا
علاء : أي لعبين معانا
هبه : بودي العب معاكم بس علي بكرا ختبار
علاء : ماعليكِ منه من راح يحاسبك بدرجاتك
حزنت هاذا اخوها الصغير ويقول كذا فقدت الحنان من صغري انا واخواني بسبة هواش امي وابوي إلا مايخلص
هبه وقفت : طيب انا راح اذاكر وبعدها بذاكر لكم
خالد : ما نبي
هبه : لا تبون ابي درجات ترفع الراس
خالد : ومنو إلا منرفع راسه امي ولا ابوي ههه ولا انتي
هبه بحزن : خالد إذا نجحت راح اطلعكم الملاهي
ناظروا علاء وخالد ببعض اول مره هبه تفكر تطلع مع اخونها برا اسوار البيت المغلق عليهم : ياي هبه بتطلعنا (( وتركوا العب ))
هبه ابتسمت : ولا راح اطلعكم معي مزرعة حلوة وكبيرة
علاء فتح عيونه وضحك : احبك ماما هبه
فرحت كثيير من ماما هبه ((لو تعرفين بيأثر بشنوو مافرحتين))
..............
(( ريناد))
قعدت بالصالة متمللة اووه متى اخلص من الدراسة لا لا متى اطلع للمزرعة متحمسة لها كثيير احس بيصير لي شي ههه دق التلفون رفعته بسرعة وهي تضحك
ريناد بصوتها الناعم: الو
....صوت منوو هاذا الناعم
ريناد : الو من معي
رياض : هلا لو سمحتين موجود الاخ زياد
حست انها تعرف هاذا الصوت : لا مش موجود من يكلمه
رياض : قولي له رياض كلمك مع السلامة
دق قلبها بسررعة رياض وبتهور : رياض لحظة بس
رياض : هلا زياد رجع
ريناد : لا بس ماعرفتني
رياض : لا انتي منو
تحطمت هاذا باين عليه مو مهتم وبقهر : معاك خطيبتك إلا ما تدري عنها ريناد
انصدم كلامها صدمه ريناد انا شلوون نسيتها انا نسيت اني خاطب وبخجل : هلا ريناد
ريناد : تو الناس طيب يارياض إذا جا اخوي زياد اخليه يكلمك
سكرت السماعة وهي مبتسمة طيب يارياض إذا ما خليتك تنام وانت تنطق بسمي ماكون ريناد بنت عمك
بيت ابو نواف
نواف : يمه قلت ما ابي حد يدخل
ريمه دخلت وهي متأسفة لحال اخوها : نواف
نواف : وانتي شتبين بعد
ريمه قدرت اخوها الوحيد تجمعت الدموع بعيونها وهي تطالعه هو نواف ما تغير شكله لون عيونها كل شي فيه بس فاتح عيونه وهو مايشوف غير السواد
نواف بهدوء : ريمه تبين شي
ريمه حاولت انه مايحس بدموعها : أي في بنت تبيك
نواف : بنت أي بنت
ريمه ابتسمت : ههه راح ادخلها وبتعرف
سكت نواف وهو كاتم حالته بنفسه سمع صوت خطوات تتجه له شم ريحة عطر نساه حزنه
ندى بتردد وتوتر : نواف (( سكتت )) الحمد الله على سلامتك
نواف : انتي منوو
ابتسمت اول مره اشوفه عن جد يهبل انا شلوون كنت ابي افرط فييه يا حلوو عيونه من ذكرت عيونه رجع لها حزنها
نواف : بتظلي ساكته انتي منوو
ندى : انا ... انا .. ن دى
نواف بعصبية : لييه جاية ها لييه جاية تشفقين علي ولا تناظريني وتبي تذليني ولا جاية تبيني اطلقك وبعدين أي سلامة تتكلمين عنها
ندى خافت من ردة فعله بس اخذت نفس : لا يا نواف لا تقول كذالا انت راح تشوف
نواف : انتي السبب في إلا انا فيه
انصدمت : انا السبب
نواف : ندى طلعين برا
ومن جهة ثانيه من البيت كانت نور قاعدة لأن ختها خلتها تجي معها حست ان مالها داعي
نور : ريمه ابي ادخل الحمام
ريمه : الحمام تمشين سيدة ولفين على اليسار وراح تلاقينه
نور ماسمعت ولا شي بس قامت وراحت سيده سمعت صوت رجولي وقفها تلخبطت وما عرفت تتغطا منوو هاذا الرجال احس انه كله غرور وشموخ
ابو احمد يطالعها من فوق لتحت : لا انتي مش ريمه
نور تغطت بسررعة : لو سمحت ممكن تبعد
أبو احمد : انتي منوو
نور : ياربي انا نور طيب
أبو احمد انصدم هاذي نور بنت اخوه إلا تزوج بنت فقيررة وسبب لهم مشاكل : طيب يا نور لييه تتغطين مني
نور : لأنك رجال غريب عني
أبو احمد : انا عمك يا نور عمك ابو احمد
نور : احمد
أبو احمد : لو ما إلا سواه ابوك
نور : لو سمحت لا تتكلم عن ابوي
ندى : نور
التفتوا لها
أبو احمد : وهاذي اختك
نور : أي هاذي ندى
ندى خافت على نور منوو إلا قاعده تكلمه : نور يا الله نمشي
نور : يا الله
طلعوا من البيت الكبير وهم يمشوا ركبوا سيارتهم القديمة
نور بهمس : شفتيه
ندى بحزن : ايه
نور بفرح : هاا وشصار
ندى بكذب: ههه جلست معه وتكلمنا ما شاء الله عيه حبوب ورومانسي
نور فرحت لختها وابتسمت عقبالك يا اريام وتسكتين الناس بكلمة عانس هاذي
.......
فتح علبة الزجاير وسحب منها دق جواله
احمد : الو
ريان : هلا احمد
احمد : هلا
ريان : احممد راح تروح مزرعتكم يوم الخميس
احمد : أي ابوي يبي يحتفل بمناسبة
ريان يقطعه : طيب طيب ما يحتاج تذكر لي الاسباب
احمد : راح تجي صح
ريان : مدري
احمد : لا لازم تجي انت عارف ان علاقتي بأهلي ضعيفة وما اعرف حد منهم
ريان : راح اجي وببعد موعد مع بنت للأسف عشانك
احمد : تخسي هالبنت تروح لها تجي معي احسن لك
ريان : لا هي بعد قالت راح تروح مزرعة يوم الخميس
(( يوم الخميس ))
في المزرعة
بمجلس البنات
ريناد : واو الجوو مرره حلو
ريمه : ههه ايش رايك نطلع نتمشى بالحديقة
ريناد : يا ليت
غرور : هبه ماراح تجي
نور : للأسف ماراح تجي
غرور : ندى لييه ساكته
ندى : لا بس ماعندي شي اقوله
ريمه : والله فكه من هالمدرسة الهم
غرور : أي والله احلا شي انه راح ننام يومين بالمزرعة
ندى ونور انصدموا : شنو !!!
ريمه : ههه ما تدرون
ندى : ههه لا بس حتى ولو حنا ماراح ننام
غرور : شنو ماراح تناموون لا ياقلبي طلعة من هنا ماراح تطلعون وعلى هم الملابس ريمه ما تقصر
ريمه ابتسمت : حتى غرور
نور : لا مشكورات حنا ما نبي (( ووقفت)) ريناد راح اتمشى معك
ريناد : يا الله تعالي
نور لبست عباتها وحطت شيلتها على كتفها
ريناد : ما يحتاج تلبسين عباية حنا في قسم البنات
نور : ههه لا بس كذا ابي عباتي تطيير
............
مرام : سعود
سعود : هلا مرام
مرام : انت مشغوول
سعود : لأ
مرام : ام ممكن تط
قطع صوتها صوت جواله
سعود : الو .. اووكي ... ها شلون .. طيب انا جاي (( وسكر)) مرام اكلمك بعدين
اوه ياربي وانا كل مابغيت اتقرب منه بعد عني
بيت ابو محمد
كانت سنين قاعدة جنب فرح وفرحانة انها ببيت حبيبها مازن
فرح : بس لا تفشلينا كل شوي تلتفتين
سنين : ههه شسوي ابي اشوفه حتى لو بالصدفة آه لو آخذه يا حظنا تكون كل وحدة متزوجة واحد
فرح دارت عن احلام ختها الوردية دق جوالها ووصلها مسج من زوجها راشد ابتسمت وقامت
سنين : وين رايحة
فرح : طالعة
سنين : وبتتركيني
فرح : اوه سنين دبرين حالك (( وترفع صوتها )) مي يا الله تعالي البابا جا
جت مي وهي مبسوطة وهي تذكر ان ابوها وعدها يطلعها اليوم
طلع الكل وبقت سنين اتصلت لأي احد ماكان في احد قادر يوصلها
أم محمد : سنين
سنين : هلا مرت عمي
أم محمد : شبلاكِ واقفة
سنين : لا بس مافي عندي حد يوصلني و
أم محمد تقطعها : ههه ولا يهمك الحين اقول لسواق يوصلك افا عليكِ ك
قطع كلامها صوت مازن وهو نازل من الدرج : يمه كنت اب انتبه لوجود سنين نزل راسه ومشا
....................
ريناد : نور شنو شعور اختك اتجاه نواف
نور ابتسمت : الحمد الله انا اشوف علاقتهم صارت احسن بكثيير
ريناد نزلت راسها اتمنى انا ورياض نكون بع كذا ناظرت اتجاه مجلس الشباب الحين شقاعد يسوي
نور قعدت تلتفت يمين ويسار مشت وهي ماحست لنفسها رفعت راسها و لفت انتباها صورة معلقة داخل راحت تشوف صورت من لكن انصدمت من إلا تشوفه هذا احمد حطت يدها على الصورة وقالت بصوت عالي : الغبي هاذا إلا ذلني قدام الناس آآآه هاذا احمد غبي سخييف راح تش
قطع كلامها صوت من وراها خلا ها تجمد
.....: شقلتين ؟؟؟

دخلت مجلس البنات وهي تلهث وتشهق
غرور : ريناد شبلاكِ
ريناد : نور دورتها في كل مكان مالقيتها
غرور : نور وين راحت
ندى خافت على ختها : انا طالعة ادورها
................
حست ان حركتها انشلت قلبها دق ودق لحد ماحست انه راح ينفجر عليها من الدق حاولت تتشجع وحطت شيلتها على راسها وتغطت وهي تشم ريحة العطر الرجالي إلا وراها
نور بخوف : ا ا اخ و ي م مكن ت بعد
....... : اكييد تفضلين بس حبيت اقول لك لو سمعك احمد رحتين فيها
خافت ومشت بأسرع ماعندها وهي مو عارفة وين تروح بدت دموعها تتجمع لقت نخلة وقعدت جنبها وتكورت على نفسها آه يا غبائي ليه تركت ريناد وبعدت عنها المزرعة كبيررة قعدت تبكي هاذا إلا قدرت نور تسويه في هاذا الوقت حست ان الشمس بدت تغيب ارتخت شوي من شدها على يدها وغمضت عيونها ونامت
......................
في جهة ثانية من المزرعة
في مجلس الرجال
زياد دخل وتمدد : رياض
رياض : نعم
زياد : تصدق مو ناوي انام معكم الليلة
رياض : ليه
زياد غمض عيونه : بس كذا
رياض ابتسم : افا اقول إذا تبي تروح روح بحالك انت بس
زياد فتح عيونه : شقصدك
رياض : لا بس افهمها يعني
زياد : فهمتك لا تخاف ريناد مستحييل تطلع من المزرعة
رياض : ومنو قال اني اقصد ري
قطعه صوت ريان
ريان : السلام عليكم
رياض وزياد : وعليكم السلام
ريان : وين احمد
زياد بقرف من ريان : طلع يتمشى
وقف ريان وطلع
زياد : والله هاذا الولد انا ماراتاح له مدري ليه احمد مصادق هالاشكال
رياض : ههه احمد ماتدري عن مزاجه
زياد : لقيت بنت بقسم لرجال
رياض : ها !!!!!!!!!!!!!!
زياد : كانت تسب في احمد والله مدري شسوا لها
رياض : احمد هذا في احد وماضايقه بحياته
...................
(( احمد))
قعد يتمشى حس بملل من الكل كلامهم كله ما يطاق هم كلهم اغبيا كل واحد خاطب له وحده انا لو اخطب راح اسوي لها
سكت لما لقى وردة بيضا قدامه ابتسم بستهزاء وقعد يدوس عليها لحد ماحس انها تناثرت اوراقها عن بعض ابتسم راح ادوس على كرامتها ههه من قال اني راح اخطب أصلا مشى اكثر لحد ما وقف شاف شي اسود يتحرك تقرب ولقى بنت نايمه منو هاذي إلا جاية قسم لرجال (( ناظرها بأحتقار)) تبي تلفت النظر ولا تبي يقعدها واحد وتغريه غبيه لقى يدها البيضا على الارض (( وابتسم وهو يتذكر الوردة داس على يدها ))
نور فزت : آآآآآ آآآآآآآآآآآآ ندو يا الغبية شسويتين
احمد وكأنه سمع هالصوت من قبل : أقول إذا تبي يلقاكِ فارس احلامك ترا نص إلا هنا مخطوبين
نور رفعت راسها وهي ماسكة يدها انصدمت من إلا تشوفه احمد!!! ماتماسكت نفسها وحست انها تبي تبكي دق قلبها حست انه يسمع دقات قلبها القوية تشجعت : غ غبي وعقلك فاضي ((ووقفت))
احمد كان راح يرد لكن سكت وهو يناظر عيونها الرمادية هاذا الشي الوحيد إلا شافه من وجها المغطى (( نور كانت لابسة نقاب))
حس بشي غريب
نور حست بأحراج من نظراته نزلت عيونها ماحبت تناظر فييه تحس انها راح تضييع وهي تناظر فيه : لو سمحت اخوي احمد وين مجلس البنات و و ممكن تبعد عني وما تن ن ظرني كذاا
احمد حقرها ومشى حست انها معصبة انا اكلمه وهو يمشي طيب يا احمد ان مااحرجتك في يوم ماكون نور
قعدت تمشي وتمشي وهي معصبة سمعت صوت ضحك بنات ابتسمت واخذت نفس واخيرا لقيتكم يا بنات
.................
(( هبه))
فتحت دفترها الوردي الناعم مسكت قلمها وكتبت مذكراتها بعد ما انتهت من كتابة الكلام اخذت الدفتر وحطته بالطاولة واستلقت على سريرها حياتي مالها معنا عايشة لييه عايشة بس عشان اخواني نزلت دمعة من عيونها مسحتها بسرعة قطع صمتها صوت مسج من جوالها يو من المتفرغ إلا راسل اخذت جوالها وفتحته وانصدمت من الكلام المكتوب فييه
{ حبيبتي ... اعذريني على كتابة هذه الكلمة ولكنكِ قد ملكتي قلبي ووجداني احبكِ نعم هذه الكلمة التي خبيتها كثيرا ولكنني لم استطيع فأقولها لكِ اني احبكِ
حبيبكِ غ }
سكت جوالها وهي منصدمة منو هاذا شيبي مني اكلمه لا لا خايفة ماتعرضت من قبل لهذي المواقف هاذا شلون شافني وانا ما اطلع من البيت قطع تفكيرها صوت ختها اسماء
اسماء : هبه اقرين لي حكاية
هبه ابتسمت بخوف : اسماء حبيبتي بقرا لك بكرا
اسماء بزعل : لا انا ابي الحين
هبه شوي وتبكي : اسماء والله ما لي خلقك
اسماء بهدوء : هبه فيكِ شي
هبه : ل
قطع صوتها صوت مسج ثاني اخدت جوالها بسرعة وفتحته
{ محتاج اسمع صوتك كلميني }
دق قلبها هاذا شيبي مني
اسماء : هبه
هبه فزت : ها نعم شصاير شتبين
اسماء تضحك على ختها : ههه مو شي تصبحين على خير
ودفنت نفسها بحضن ختها وهي دقايق قليلة حتى نامت اسماء
مسحت هبه على شعرها وفتحت جوالها ودقت على الرقم وهي متوترة ومترددة
دق الرقم دق
ودق
ودق
ودق
وآخر شي عطاها مشغول ملت وسكرته ونامت تحت ختها اسماء والخوف مالي قلبها
منو صاحب الرسايل ؟؟؟؟؟؟؟
شلوون يعرفني ؟؟؟؟؟؟؟؟؟
شراح تخبي لي الايام ياربي ؟؟؟؟؟؟؟
اسئلة سألتها هبه وتبي جوابها لكن جوابك يا هبه ماراح يطول
.........................
(( شروق))
في الساعة 2 ليلاً كانت متمددة على السرير وتناظر بأظافر يدها فتحت الدرج إلا جنبها وطلعت رواية تتسلى فيها رواية لقت رواية عن الانتقام آه يا ليت اجربها فيك يا متعب يا الغبي طيب انا اوريك ان ماذليتك الحين ماكون شروق بنت ال........
فتحت دولاب ملابسها ولبست ثوب احمر فوق الركبة وفكت شعرها الناعم وخلته على طبيعته وحطت لها كحل اسود واحمر الشفا احمرر صارخ وتعطرت ونزلت للصالة وهي تغني ومبسوطة بحالها قعدت وحطت رجل على رجل وقعدت تناظر بساعتها الألماس اووف تأخر حست بالنعاس لا قاومي يا شروق راح اخلي متعب يحبني واذله بحبه لي
راح اخليه ينام معي الليلة مو بغرفته هاذي
مر الوقت
ساعة
ورا ساعة
وشروق تفتح عيون وتغمضها ماقاومت وقعدت تتثاوب تمددت ونامت
(( نور))
حست بخوف من الظلام قعدت تتقلب وتتقلب الكل نايم إلا هي انا السبب انا إلا نمت لبست عباتها وحطت شيلتها على كتفها وطلعت برا استنشقت الهوا البارد ابتسمت وباعدت شعرها الطاير عن وجها مشت ولقت باب مفتوح وسمعت صوت فيه توجهت نحوه (( يا لقافتك يا نور)) ولقت ريناد حاطة رجلينها في الماي وتلعب ابتسمت وتقدمت تحتها

نور : ريناد شتسوين
ريناد حست بصدمة وخاف ونقزت في الماي
نور بخوف : ريناد
لكن ريناد ماقدرت تسمع نور لأنها ماتعرف تسبح حاولت تتكلم
نور الثانية بعد ماتعرف تسبح في برك
نور بغباء : ريناد شسوي
نزلت يدها وحاولت تمدها لريناد لكن ماقردت لأن ريناد كانت بعيدة
ريناد : ن (( وغرقت بالماي))
نور بصراخ واقوى صوت عنده : رينا اد
حست ان حد فتح الباب لقت شاب متجه لفت شيلتها وتغطت مامداها تتكلم إلا لقته في الماي
رياض طلع ريناد وحطها بالارض : رينااد تسمعيني
ريناد : كح كح كح
وضمت رياض وهي ما تدري منوو قاعدة تضم : خايفة لا تبعدي عني ي
ماكملت جملتها ونامت في حضن طلال
اما نور حست ان مكانها غلط خطيب وخطيبته انا شمقعدني انسحبت بهدوء بدون ما يحسوا لها
ابتسم رياض وهو يناظر ريناد اول مرة يشوفها حس برقتها ونعومتها
عرفها من نورلا نادة بأسمها
شكر ربه ان كان يتمشى قرب مجلس البنات
حملها وطلعها من المسبح مشى معها ووصل لغرفتها فتح الباب وحطها على سريرها وغطاها كان راح يطلع لكنه شاف يدها متمسكة بيده ابتسم لها وقعد تحتها
..........................
(( متعب))
وصل للبيت وقعد يطالعه بقرف اووه راح ألاقي العلة شروق متكتفة لي وبتبدأ محاضرتها
نزل من السيارة وتوجه للبيت الكبير المكتوب بأسمه فتح الباب ابتسم لأن مالقاها في الوجه رازة نفسها كان راح يواصل مشيه لكن وقفه صوت التفت لورا ولقاها نايمه بهدوء تقرب منها وحس بدقات قلبه اول مره يلاقيها متزينه قعد يتأملها معقولة ياشروق انتي حلوة بس انا مو حاس فيكِ يوه انا شقاعد اقوول
فتحت عيونها الساحرة وفزت وهي تلاقي متعب قريب منها : متعب !!!!!
متعب بتوتر ابتسم ومايدري لييه ابتسم إلى يشوفها غصب عنه يبتسم : ا ا لقيتك نايمة ف
شروق قطعته وبعتاب : تأخرت ميمو مليت ونمت
انصدم من طريقة كلامها
حتى هي استغربت من نفسها وقعدت تناظر بمتعب اول مرة تتأمله كذا ياه طالع جنان يوه شروق شقاعدة تقولين ولد الفقر هاذا جنان
متعب توتر من نظراتها وبعد وجه يتجاهلها : انا رايح غرفتي
شروق : متعب
متعب وهو يناظر بالجرة إلا تحتها حتى ما يناظرها : هاا نعم في شي
شروق : ها لا ولاشي ولا شي
متعب : براحتك (( وقام عنها))
شروق ابتسمت : يا حلاتك اليوم
متعب التفت : قلتين شي
شروق انتبهت لحالها : هاا لا سلامتك تصبح على خير
متعب : تلقين الخير
شروق ابتسمت وهي تناظر متعب يمشي وتلاشت ابتسامتها فجأة لا يشروق كنتي تبيه يحبك وتذليه شكلك انتي إلا راح تحبيه
............................
في اليوم الثاني وفي صباح جميل ومشرق تغرد به الطيور قعدوا البنات من النوم
غرور : اوه راح نفترق بنات
ريمه : أي والله
نور ابتسمت :ندى يا الله لبسين عباتك عبد العزيز جاي
ندى خافت من عبد العزيز وكلامه إلا ما يخلص : طيب
دق جوال غرور ابتسمت وطلعت تكلم
غرور بدلع : آلو
ريان : هلا با الدلع والغرور كله
غرور : ريان حبيبي خلاص
ريان : عيديها مره ثانية
غرور كانت طيبة القلب مرحة ولكن انغمست في الفساق جلست تكلم الشباب لتتسلى هاذا هو مايحصل في تلك الفتيات هذه الايام وكل ما تقوله هو اتسلى غرور كانت تعرف نهاية المكالمات ولكنها تعلقت كثيير بشي اسمه ريان وحبته من قلبها ووثقة فيه فما حبت تقطعه
ريمه : يا الله يا نور ندى راح اشتاق لكم
نور : لا ما اتقد بتشتاقين لي كل يوم راح تشوفيني بالمدرسة العلة
ريمه : أي والله وانتي يا ندى راح اقول لأخوي يستعجل العرس انتظر اليوم إلا اشوفك معي بالبيت
ندى خجلت ونزلت راسها
نور وريمه : ههه
ندى تغطي الموضوع : وين رينااد
نور تذكرت الموقف إلا صار لها ياا الولد إلا بقسم الشباب سمعها وانتوا إلا معانا يا غافلين لكم الله
...................
(( ريناد))
فتحت عيونها وابتسمت قامت من سريرها لكنها انصدمت وهي تشوف الشاب إلا قاعد تحتها
ريناد : ا
رياض فز من صرختها : ريناد شصاير
ريناد : منو انت
رياض : رين
ريناد قاطعته : بعد عني شلوون تسمح لنفسك تدخل غرفتي
من حقك ياريناد ما تعرفيني وش هالخطيب إلا ماخلا حتى خطيبته تشوفه
ريناد : اطلع برا
رياض : ريناد انا رياض
سكتت وهي مصدومة وقعدت تتذكر إلا صار امس وهي تذكر ان شخص انقدها بس ماشافته عدل بس تذكرت انها نامت بحضنه
انا انا وبسرعة كبيرة صار وجها احمر من الخجل بلعت ريقها : انا انا آ آ
رياض حط يده على فمها : خلاص ياريناد لا تقولين شي فاهمك انا طالع تبين شي
ريناد ودرجة حرارتها ارتفعت : لا لا ما ابي شي
طلعت من غرفتها إلى نور : نورو لييه ماقلتين لي اني ضميته
غرور و ريمه وندى ناظروا ببعض شتقصد هاذي
نور : والله انا مدري عنكم طلعت لأني حسيت موقفي غلط
ريناد شوي وبتبكي : آآآآآآه يا للأحراج
غرور : بنات يا الله انا رايحة اخوي رياض ينتظرني براا سي يو
ريناد بخجل : مع السلامة
مشت غرور وهي مبسوطة من بعد مكالمة ريان اصدمت بشخص : او انت اعمى ما تشوف
زياد : ........ مدري (( وبعد عنها))
التفتت تناظر يمين ويسار وانصدمت وهي تشوف ريان راكب سيارته ياي احبه هالريان
زياد : لو سمحتين اختي بعدين ابي اعبر
غرور : او صدق انك علة يا كرهي لك
ريناد : غرور ممكن تبعدين ابي اروح مع اخوي
انصدم زياد هاذي غرور إلا الكل يبيه ياخذها عن جد قليلة ادب وكاشفة وجها بعد مشى عنها شنوو يا يمه هالأختيار
طلع الكل وبقى احمد وفهد
نور : تأخر عبد العزيز
ندى : شوفين على ما اضن ان هاذا هو
عرفوه من سيارته القديمة انحرجوا واولاد عمهم كل واحد سيارته تنافس الثانية
عبد العزيز : يا الله امشون قدامي اشوف
احمد : عبد العزيز
عبد العزيز خاف من ولد عمه إلا اصغر منه بس يشتغل عنده بالشركة : هلا هلا والله ب تحب اسميك ولد عمي ولا المدير
احمد بأستهزاء : اكييد المدير ولا منوو انت انا اصلاً ما اتشرف يكوون عندي ولد عم مثلك
انصدمت نور من كلامه ياربي مغرور غطت نقابها ماتبيه يعرفها انها اخت عبد العزيز
احمد يناظرهم : ماشاء الله خواتك شكلهم قرف مثلك
عبد العزيز خاف يرد عليه ويسوي له شي بالشركة : استاذ احمد احنا طالعين عن اذنك
نور مسكت اعصابها كانت بترد بس خافت من اخوها عبد العزيز عن جد مغرور وغبي شنو هاذا يضن ان مافي حد وسييم وغني غيره
احمد : اقول اخوانك على ما اشن مشون عنك بالسيارة ولا تبين تاخذين توقيعي
نور بقهر مشت طيب يا احمد راح تشوف منوو تكون نور

في يوم جديد وممل بالنسبة للبنات
وفي المدرسة
غرور : يااربي ما حليت الواجب بيبو بليز حلين عني الواجب
ريمه : وانا بعد
تركوا في طاولتها دفاترهم ومشوا
نور : شنو هاذا ياربي
هبه بطيبة قلب : لا عادي اتسلى بحل الواجبات
نو ابتسمت : الله يخليكِ مثل ما انتي طيببة يا الطيبة يا الله راح اساعدك لأن الواجب طوييل
هبه ارتاحت لنور تحسها متواضعة وطيبة : نور
نور : هلا
هبه : ممكن اكلمك بموضوع
نور انبسطت لأن هبه تقبلتها وكلمتها : اكيد
هبه بحزن : امس وصل لي مسج خلاني اخاف
نور : كيف ومن منوو
هبه بدت تبكي : والله مدري كلمته بس هو مارد علي
نور تعاطفت مع هبه وحطت يدها على كتف هبه : لا تخافين يا هبه قوين ايمانك بربك اكييد واحد فاضي وسخييف يبي يلعب عليكِ احقريه وماعليكِ منه
هبه مسجت دموعها : آسفة نور ماكنت ابي اضايقك مع مشاكلي
نور ابتسمت : افا لييه تقولين كذا انا صاحبتك صح
هبه ابتسمت وبنعومة : اكييد
ريمه : ها هبه حليتين
هبه تذكرت انها نست تحل لهم : بالصراحة لأ
ريمه وغرور : شنو
......................................
(( نواف))
قعد وهو مخنوق الكل يقنعه انه يسوي إله عمليه بس كان يرفض خاف تفشل ويتحكم من داخله رفع يده آآه كل شي ماعاد اشوفه ولا شي ولا شي انا ماكنت ابي اشوف ندى بس بس مو كل شي ياكرهي لك يا ندى ولا امي تبي العرس الاسبوع الجااي
علياء : شتفكر فيه
نواف : بسم الله انتي الباب ماتعرفين تدقينه
علياء : ههه حتى زوجي يقول لي كذا
نواف : وانتي مبسوطة
علياء بحزن : لأ راح انبسط لما اشوفك تسوي العملية
نواف بعصبية : علياء رجاءاً لا تدخلين بخصوصياتي
علياء : ومافكرت بندى زوجتك ان يكوون زوجها اعمى
نواف : إذا ما تبيني خلها تقول وانا مستعد من الساعة هاذي اطلقها
انصدمت علياء لهدرجة متخلي عنها وماتبيها طيب ليه السبب امي إلا استعجلت بتزويجك
نواف : وين ريمه
علياء استغربت ان نواف يسأل عن ريمه : في المدرسة
نواف : طيب تبين شي مني ولا بس تتفرجين
علياء : لا عن اذنك
طلعت علياء
وقعد لا تطلعين يا علياء بودي اتكلم مع أي احد حاس اني بوحده مل وقرر يكلم صاحبه متعب
.............................
متعب : في شي
شروق ابتسمت وقعدت تلعب بأصابعها ومنزلة راسها : متعب بتطلع
متعب : أي في شي
شروق : لا بس راح تتأخر؟؟؟
متعب : لييه تسألين يهمك الجواب
آآه يامتعب لييه انت قاسي كذا اكيد يهمني
متعب : لييه ساكته
شروق انتبهت لنفسها : لا بس كنت ابي اعرف لأني لأني ا ابيك توصلني لبيت صاحبتي
متعب : عندك السواق كل يوم تروحين معاه ماصارت إلا اليوم تبيني انا اوصلك
شروق بقهر : خلاص ماصارت هاذي (( ومن ورا قلبها)) ياكرهي لك
ركبت لغرفتها وقعدت على سريرها وقعدت تبكي تذكر اول ما قال لها ابوها متعب خطبها حست بالكره لأنها تحب ولد خالتها غصبها ابوها بالزواج لأنه يبي الراحة منها ومن مشاكلها اول ماتزوجت متعب طالعته بكره وكل يوم تسبه وتشتمه وهو متحمل كل إلي تقوله كانت تذله وماكانت تبي تنام معه بغرفة
تذكرت كلامها
شروق : وع انا انام معك تخسي
نزلت دموعها اكيد يكرهني ما يبيني وانا الحين بديت بديت زاد بكاها وصياحها بديت احبك يا متعب
قعدت تصارخ وتبكي دخلت لها خدامتها
الخدامة : ماما شروك شروك وسفيه
شروق تصارخ : تركيني بحالي
الخدامة خافت وطلعت نزلت وهي خايف : هاذا مجنون مجنون مره
متعب : منو المجنوون
الخدامة خافت : بابا متأب !!!!!!!
متعب : ايه فيني شي تطالعيني كذاا
الخدامة خافت منه ونزلت راسها
متعب : منو المجنون
الخدامة : لا مافي اهد مجنون بس بس شروك
متعب يقاطعها ك مافي حد غرك مجنون تتكلمين مع نفسك
فتح الباب وطلع
شروق كانت نازلة ابتسمت آآه متعب دافع عني
تدري انه مو قاصد إلا قاله ولا يدافع عنها بس كذا تبي توهم نفسها وتعيش بالأحلام
..........................
ريناد : زيزو ايش رايك تطلعني اليوم المطعم
زياد : ليه مطعم
ريناد : بس كذاا ابيك تعشيني
زياد : طيب انا الحين طالع الساعة 9 اشوفك جاهزة
ريناد نطت من الفرح : اوكي
زياد : طيب ريناد لا تطولين هرج رياض ينتظرني برا
ريناد بخجل : هاا روح له لا يصيبه بررد
زياد : ههه
ريناد استحت : اوه زياد خلاص
زياد : خلاص اوكي
ريناد ابتسمت : مع السلامة يا احلا اخ بالدنيا
زياد : يا لله باي
طلع اخوها ابتسمت لييه ما اكلم رياض واعتذر عنه بس لا اخوي معاه اكييد بيحرجني معه
بيت ابو محمد
قعد مازن وهو يناظر بأخوه محمد صار عمره 39 وما تزوج مايفكر بالزواج حتى
مازن : محمد
محمد : نعم
مازن : انت كم عمرك
محمد عصب : او مازن انا ما ابي اتزوج طيب
مازن ابتسم : طيب طيب لا تعصب بكرا تلقى وحدة وتقول ابي اتزوج
محمد : مازن تبيني اتزوج تزوج انت بالأول
مازن : محمد انا للحين ما كونت نفسي واحس اني مو قد الزواج
محمد : مازن طيب سكر الموضوع
مازن : اوكي
محد طالع في مازن وبسررعة تغيرت ملامح وجه مازن فاهك يامازن فقدت ذاكرتك ماعنجم ماضي نسييت ماضيك كله متي يجي اليوم وتتذكر
انت بالصعوبة تعرفت علينا وحنا اهلك : مازن
مازن التفت له : نعم
محمد : ادري ان نفسيتك تعبانة بس صدقني بيجي اليوم إلا بتذكر كل شي
مازن بحزن : ان شاء الله
..................................
طلعت معه وهي مبسوطة وتضحك
ريان : يا الله غرور وصلنا المطعم
غرور : اووكي يا الله ننزل
نزلوا مع بعض وهي بقمة فرحها لأنها مع ريان
دخلوا المطعم مسكت يده وجلسوا بالطاولة
ريان : شنو تبي تاكلين
غرور : أي شي من ذوقك حلو
طلب لها وجلس يناظرها هانت ياغرور كم يوم واخلص منك
تفكيير طبيعي ياريان هاذا هو الواقع ياغرور مافي شاب يطلع مع بنت يحبها ويرضى عليها من كلام الناس
تلفتت غرور ولكنها انصدمت وهي تشوف زياد داخل مع بنت
غرور بخوف : زياد

ريان : حبيبتي شبلاكِ منصدمة
غرور حست بقلبها يدق من الخوف بحركة لا إرادية منها تغطت بسررعة
اما ريان استغرب منها لييه تتغطا معقولة جت لها التوبة فجأة
حست انها مرتبكة وحاسة انها كاتمة شي نزلت راسها بالطاولة وهي تسمع خطوات إلا يمروا بجنبها زياد معقولة يطلع مع بنات لييه ما اخلييه يشوفني وإذا كشف سري راح اهدده اني اكشف سره انه يطلع مع بنات
ترددت تفتح الغطا ولا لأ
غرور : ريان
ريان ابتسم : هلا
غرور : بطني يألمني ابي اطلع من هنا
ريان بنفسه : انتي كلك اليوم على بعضك غريبة شسالفتها هاذي اليوم
ريان وقف وسوا نفسه خايف : يا قلبي شبلاكِ يا الله خليني اوديكِ المستشفى
غرور فرحت من اهتمام ريان فيها : لا لأ مايحتاج الم وراح يخف بس ابي اروح البيت
وفي جهة ثانية بالمطعم
زياد : الأميرة ريناد شتبي اطلب لها
ريناد ابتسمت : ام ابي ابي مكرونة وابي بيتزا وابي ابيي سلطة و ابي بعد عصير فراولة وابي امم بعد شنو أي أي ذكرت ابي تبولة لا طلبت سلطة زيززو آخذ تبولة ولا سلطة (( ابتسمت)) ولا اقول اثنيناتهم
زياد يهز راسه بأيه وهو عارف ان ولاشي من إلا طلبته راح ياخذه لها : أي صح صح اوكي اوكي الحين اطلبه لك
ريناد : شنو تطلب لي اقول لك ان البنت إلا كانت هنا لو مو متغطية قلت انها غرور احس نفس المشية نفس العباية
زياد تضايق : طيب وحنا شدخلنا في غرور ولا غيرها يا الله حياتي رنو راح اطلب لك ونطلع لأن المكان مو عاجبني كثير
بيت ابو عبد العزيز
كانت نور تنظف غرفتها وهي مبتسمة لكن لما فتحت دولابها هي وندى طاحت على الأرض صورة رفعتها لكن سرعان ما تلاشت ابتسامتها وهي تشوف الصورة لقت صورتها هي ويا ندى يضحكون بسرعة نزلت دمعة من عيونها راح تتركيني يا ندى تتركيني مع اخوكِ عبد العزيز ومع اريام إلا ما تفهمني وهي همها ومو قادرة تشيله شلوون انا اشكي لها همي ضمت الصورة بأقوى ماعندها حست بدموعها كل ماجا لها تنزل
لكن ارتبكت لما حست بفتحة الباب حطت الصورة مكانها ومسحت دموعها : تفضل
ندى بأبتسامة حلوة : نو
قطعت كلامها لما لقت وجه ختها الأحمر : نور انتي تبكين
نور ابتسمت : لا انا ماابكي
نجى : نور انتي تكذبين طالعين انفك الأحمر وعيونك لا لا انتي تبكي لييه يا نور
نور انفجرت بكا وضمت ختها : ندى ابيكِ معي لا تتركيني بعد ثلاثة ايام عرسك يا ندى كيف تقدرين تتركيني
هاذا إلا ماكانت تبيه ندى حد يذكرها بعرسها هي بعد الثانية ماقدرت وانفجرت بكا مع نور ظلوا ثنيناتهم يبكون
لكن ندى قطعت بكاها ومسحت دموعها وابتسمت : نور نسيت صاحبتك تبيكِ على التلفون
نور تمسح دموعها : أي صاحبة
ندى : مدري تقول انك تعرفينها
طلعت نور من الغرفة وهي تمسح دموعها بأكمام بلوزتها رفعت سماعة التلفون
نور : الو
غرور : هلا نورر كيفك يا حلوة
نور ابتسمت : هلا غرور انا بخير وانتي
غرور : تمام نور حبيبتي شنوو راح تلبسين في عرس ندى
نور بحزن : بالصراحة راح البس الثوب إلا في خطوبتها
غرور انصدمت : نور شنوو هاذا
نور بإحراج : لا بس
غرور : نور انا برا وين بيتكم ؟؟؟
نور : غرور شنوو تبي تسوين
غرور : ابي امرك ونروح السوق تشتري لك ثوب
نور انصدمت وحست ان حد قاعد يتصدق عليها : لا مشكوررة غرور ماابي شي
غرور : نور وين بيتكم
سكتت نور شوي وبعدها وصفت لغرور وين بيتهم وسكت السماعة ولقت اريام وندى يتكلمون
نور : شنو تقولون
اريام : نورطلعين برا اكلم اختك بأمور خاصة
نور بفضول : شنوو
ندى : نورر قلنا لك طلعين
طلعت نور وهي تتأفف ياربي هذيلا شفيهم علي
((غرور))
كانت تناظر من النافدة الحي القديم بيوت متكسرة وبيوت قديمة ياربي نور شلون عايشة هنا
وقفها السواق تحت ممر ضيق كان فيه بيت نور نزلت من السيارة بقرف وعيون الكل عليها البنات والشباب إلى بالشارع يناظروها بنت منوو هاذي الغنية إلا عندها هاذي السيارة.. منوو الحلووة هاذي ... ياربي طالعين عباتها
هاذي كانت أسألتهم مو متعودين ناس أغنية يجون عندهم
حست بغرور دقت الباب وفتحته لها نور
غرور : يا الله نور
نور سكت باب بيتهم : يا الله
كانوا يمشون متجهين لسيارة لكن واحد من الشباب وقفهم : يا حلو بنات ألغنا
طلعته غرور بقرف دخلت السيارة
تضايقت نور من قرف غرور إلا كل ماجا له ويزيد لكن ما حست بالإحراج لأن هي فقيرة وماهي منحرجه أبدا بالعكس كلها فخر وعزة
غرور : نور فين سرحانة يا الله وصلنا
نور : هاا (( ابتسمت)) يا الله ننزل
بيت سعود
استلقت على سرير ودموعها ماجفت كل مالها وتنزل اكثر شلوون ياسعود تقولها بوجهي شلوون غمضت عيونها بكل حزن وهي تذكر شنوو صار لها امس
مرام ماتحملت إلا بداخلها وصرخت على سعود القاعد ومو حاس فيها وإذا ناداها يناديها بمنار :سعود خلاص انا تعبت انا اسمي مرام انا غير عن مناار الهم
سعود يعصبية : وانتي لييه تصارخين بوجهي
مرام خافت فنزلت راسها : اسمع ياسعود إذا انت ماتبيني لييه تزوجتني
سعود : اقول يا مرام (( شدد على اسمها)) ما اسمح لك تنادي منار بالهم وإذا مو عاجبتك العيشة معي روحين بيت اهلك يابنت العم
فتحت عيونها نزلت دموعها اكثر وأكثر لييه يا سعود لهدرحة تحبها لهدرجة انا حمل ثقيل عليك لهدرجة تبي تتخلص مني
قامت من سريرها وطلعت من الغرفة وهي ببجامة النوم وشعرها الطويل الناعم مبعثر على وجها الناعم
نزلت من الدرج وغمضت عيونها اصدمت بشي فتحت عيونها بسرعة
سعود بأستهزاء : تمشي وانتي نايمه هه
حست بالقهر لييه كذا ياسعود بودي آخذ ماضيك وامسح شي اسمه منار
سعود رفع راسه بيكلمها لكنه سكت وهي يطالعها بتأمل أول مرة يتأمل فيها حس نفسه سرح بعيونها
اما هي حست بالإحراج شنو هاذا امس يصارخ واليوم يطالع والله انك غرييب : سعود ممكن تبعد ابي انزل
سعود بدون مايحس : لأ
مرام استغربت شفيه متغير اليوم : شنوو إلا لأ
حس لنفسه وبعد عنها نزلت بسرعة وقلبها يدق ياربي منك يا سعود شلوون اتعامل معاك بس
................
غرور : نور ايش رايك بهاذا الفستان
نور طالعته وانبهرت من جماله بس من شافت السعر بلعت ريقها : ها لا لا مو عاجبني
غرور حست بأنبهار نور وابتسمت : لو سمحت هاتي هاذا الثوب
البايع : اوكي
التفتت نور لها بسرعة : غرور
غرور : نور هاذي هدية من عندي وابيكِ تقبليها وإذا انا كنت محتاجة اكيد انتي راح تساعديني صح
نور حست ان دموعها بدت تتجمع عن جد غرور صاحبة حقيقية
غرور : يا الله نمشي باقي نشتري الاكسسوار و
قطعتها نور : خلاص يا غرور مشكوررة كافي الفستان
غرور : نور شهاذا الكلام
مشوا ونور مش متعودة على المجمعات إلا كذا دوم تروح اسواق عادية ورخيصة وبالنسبة لها بعد غالية
مرت حوالي ساعتين وهم بالسوق شروا كل شي وطلعوا ونور مو عارفة شلون ترد الجميل إلا غرور
بعد ثلاثة ايام
(( عرس ندى ونواف))
هبه
حطت لها ماكياج ناعم ولبست ثوب وردي
ولبست ختها اسماء ثوب مثلها وابتسمت لها ونزلوا
خالد : واو هبه صايرة حلوة
هبه خجلت وانبسطت لأن اخوها الصغير عجبته
علاء : واسماء صايرة تجنن
خالد : هبه ليه مانروح معكم
هبه : لا هناك بس بنات
خالد : طيب هبه نبي نطلع
هبه ابتسمت : طيب اوعدكم بكرا اطلعكم الملاهي
ماكانت ردت فعلهم الفرح
علاء : انتي وعديتنا من زمان ولا طلعتينا
هبه : لا هاذي المرة وعد حقيقي
باستهم على خدهم وطلعت مع اسماء لكن استوقفها إلا طول عمرها تخاف منه
أبو خالد : على وين
هبه بخوف : ا ا رايحة عرس خت صاحبتي
أبو خالد : واخوانك
هبه : هنا بالبيت
أبو خالد : وين امك
هبه : طلعت
أبو خالد : طيب طسين عن وجهي الله ياخذك
طلعت بسرعة من الباب تحس بالحزن
ركبت السيارة وتوجهت لصالة العرس الكبيرة
..................................
حاسة بتوتر مو طبيعي وحاسة بالخوف قلبها يدق بسرعة
نور : خلاص يا ندى بسك خوف
ندى : خايفة خايفة يا نور
نور: خلاص والله بينجن لما يشوفك
وبعد ثواني انتبهت هي شنوو قالت : آسفة يندى والله مو قصدي
ندى نزلت براسها : لا انا عارفة ان مو قصدك
سكتوا اثنيناتهم سرحانين بالحياة الجاية لهم شنوو راح يصير لهم
قطع صمتهم دخول اريام : يا الله يا ندى طلعين للناس برا
ندى حست ان خوفها رجع ودقات قلبها تزيد
وقفت لكن مو قادة توقف رجلها مو شايلتها
مسكتها نور ووقفتها ومشت معها واخير دخلت وانظار الناس كلها عليها هي ونور كل بنت منهم اجمل من الثانية
تركت نور يد ختها وصعدت ندى المسار واخيرا وبصعوبه وصلت وقعدت على المكان المخصص لها
قعدت نور على كرسي الطاولة إلا فيهم صاحباتها
غرور : ماشاء الله اختك تهبل
ريمه : مو بس ختها إلا انتي يا نور طالعة قمر نور عطيني عيونك وخذين عيوني
نور : ههه ... هبه لييه ساكته
غرور : هبه دووم ساكته مو او ل مره
هبه : لا بس ابي اطلب منكم طلب
كلهم قعدوا يطالعونها : تفضليي
هبه : ابيكم بكرا تروحون معي الملاهي لأي ابي اطلع اخواني
غرور اعجبتها الفكرة وتذكرت ريان إلا قال لها راح يروح الملاهي مع صاحبه احمد : اكيد راح نروح معكم
نور ماكانت تبي تروح بس لأنها ما تبي ترفض لهبه هاذا الطلب : انا بعد راح اروح معك ياهبه
ريمه : وانا اكيد معكم
هبه ابتسمت لهم وشكرتهم
بيت متعب
متعب : شروق
شروق نزلت بسرعة من الدرج : نعم
متعب : يا الله لبسيين
شروق ابتسمت : لييه
متعب : ابيكِ تروحين معي عرس صاحبي
ابتسمت حست بالفرح لأنها اول مرة راح تطلع مع متعب
متعب : ههه اوه علافت اضن انك ما تين تطلعين مع واحد ما يشرفك
صدمها هالكلام لييه تقول كذاا يا متعب صدقني تغيرت
متعب : ابي ردك
شروق بحزن : ا بس ساعة واكون جاهزة
متعب : اوكي
صعدت غرفتها وهو قعد ينتظرها لازم القى حل واطلقها
البنت مجبورة علي وهي ما تبيني الكل يعرف انها لولد خالتها انا السبب إلا فرقت بينهم صرت اكرها واكره كل شي فيها دلوعة
قطع تفكيره شروق وهي نازلة
صد عنها وقام : انتظرك برا في السيارة
شروق : ان شاء الله
انصدمت شروق من نفسها لهدرجة يا متعب خليتني اطيعك بكل شي خليتني غرقانة بحبك وانت مو داري عني
............................
الكل لبس عباته وتحجب وهم يسمعون ان نواف داخل
نور كان قلبها مع ختها خايفة عليها اكييد خايفة الحين يا ندى
الكل قعد يطالع نواف إلا دخل
البنات انجنوا عليه كلهم اعجبوا فييه بس ماكانوا يدرون ان نواف هاذا إلا قدامهم مايشوف واخته ريمه وعلياء هم إلي قاعدين يوصلونه لندى
(( ندى))
ارتبكت قلبها دق بقوة لو كنت يانواف تشوف راح تشوفني اليوم وتقول لي رايك فيني اخذت نفس ودقات قلبها كل ماقرب نواف منها خطوة زادت دقات قلبها
واخيرا قعد نواف جنبها ارتبكت ونزلت راسها
ريمه : مبروك واو اوخيرا بتجين البيت معنا
علياء : ريمه عيب هذا الكلام مبروك ندى مبروك نواف
ثنينهم ساكتين سرحانين وكل واحد يفكر بحياته مع الثاني حتى انهم مو حاسين بأحد من الناس إلا يطالعونهم
مرر الوقت وبدا الناس تطلع ولقى بس الاهل
ريمه : طالعون منوو هاذي البنت الحلوة
غرور : لا انتي من تشوفين وحدة حلوة تبي تصاحبينها
ريمه : ههه
نور : طالعوون جاية لنا
شروق : السلام عليكم
الكل : وعليكم السلام
شروق : منو خت العروس
نور :انا
شروق : مبروك
نور : الله يبارك في حياتك
ريمه : نور انتي تعرفينها
شروق : اكييد راح تستغربون بس انا زوجت صاحب نواف
انصدموا كلهم : انتي متزوجة !!!!!!!!!!!
ريمه : احس ان عمرك 16 17 كذا
شروق ابتسمت : لا
نور : الله يهني زوجك فيكِ
ابتسمت شروق لهم لو تدرون ان متعب حتى بوجهي ما يطالع
ظلت سرحانة لكن قطعها صوت جوالها رقم غريب
شروق : الو
متعب : شروق يا الله طلعيين انا برا
شروق : ها
متعب : شنو اقول لك انا برا
ابتسمت وسكرت منه وسجلت اسمه ب"حبيبي"
غرور ابسمت : اكيد هاذا زوجك
ريمه تغمز : ها اعترفين لنا شقال لك
شروق انحرجت وابتسمت لهم : يا الله مع السلامة
البنات : الله يسلمك
غرور : طالعون ندى ونواف باين عليهم انهم راح يطلعون
نور طاللعت ندى السرحانة وهي قايمة مع نواف : الله يسعدكِ يا ندى
شروق
طلعت ولقت سيارة متعب ابتسمت آآه يا متعب فتحت الباب وقعدت : السلام
متعب بهدوء : وعليكم السلام
سرحت فييه طالع اليوم حلوو يا ليتني اقدر اقول لك هاذي الكلمة
متعب كان يمشي بالسيارة وشورق كانت حاطة يدها قريبة من متعب بدون ما تدري
حتى متعب بدون مايدري مسك يدها
سحب يده مها بسرعة
شروق حست بالخجل ووجها صار احمر قعدت تطالع بيدها بعدها بمتعب رجعت مره ثانية لسرحانها
متعب : ههه اطلعيني اكيد اطلعيني بقرف لأني مسكت يدك لا تخافين مو متعمد لأني ما احب اوسخ يدك بيدي
خلاص ما قدرت تسمع هاذا الكلام ونزلت دموعها كانت مرتاحة لانها متغطية انا السبب انا إلا كرهته فيني
وصولوا البيت وكل وحد دخل غرفته
متعب اليوم مبسووط لصاحبة انه تزوج
شروق كانت حزنانه على إلا يصير لهاا
.........................
في يوم جديد قعدت ندى من نومها وهي حاسة بالحزن من نواف إلا مانام حتى معها تذكرت إلا صار لها
نواف : لا تقعدين تطلعيني كذا ما ابي الشفقة منك
ندى : نواف
نواف : انتي شنوو تبين مني تبين لفلوس صح
ندى : نواف بسك انا ابيك انت وما ابي شي ثاني
نواف : اقول غرفتك مو هنا باليسار روحين لها وطلعين برا
قامت من سريرها ياربي شنو هاذا لييه يصير معي كذاا
(( نواف ومتعب )) اصحاب كل شخص حياته مختلفة عن الثاني اثنينه ماعاشوا الحياة الزوجية وكارهينها
(( شروق وندى)) قصتهم مختلفة لكن الشبه انهم ثنيناتهم يحبون من كل قلبهم لكن للأسف الطرف الثاني مو حاس لهم
بيت ابو خالد / الليل
هبه : خالد علاء يا الله اسيارة تنتظر
قفزوا بفرح مسكت يدهم مع اسماء وطلعوا برا وتوجهوا لبيوت صاحباتها نور وغرور وريمه حتى يطلعوا الملاهي
وصلت لغرور وبعدها ريمه وبعدها نور
نور : هذيلا اخوانك يا حليلهم
اسماء : اني اسمي اسماء الحلوة
نور ابتسمت : وانا نور إلا احلا منك
اسماء : مافي حد احلا مني غير هبه
البنات : ههه
هبه ابتسمت : يا الله وصلنا
نزلوا كلهم مبسوطيين
غرور فرحت كثيير لأن بتشوف ريان
دخلوا ولعبوا
هبه : خالد علاء يا الله ركبون هاذي اللعبة
خالد : يا الله علاء
ركبونها وهبه تطالعهم وهي مبتسمة
لكن صوت خلاها تلتفت
لقت شاب يطالعها : كيفك حبيبتي هبه
انصدمت منو هاذا
الشاب : اخيرا التقينا انا حبيبك إلا ارسل لك رسايل
هنا هبه تجمدت والتفتت يمين ويسار لكن للأسف مالقت صاحباتها
حاولت تتجرأ : انت منوو وشنو تبي فيني
الشاب : انا احبك وابيكِ
قرب منها اكثر حست انها راح تختنق مشت بكل سرعتها وهو يلاحقها اصدمت بشخص حست انها راح تبكي عمرها ماتعرضت مواقف مثل كذاا
هبه بخوف وشوي بتبكي : آآآسفة
مازن : لا ولا
قطع كلامه هو يطالع الشاب إلا وراها : يضايقك
هبه نزلت راسها وابتعدت عنه لكن الشاب ظل وراها
مازن : انت هي اتركها
الشاب : وانت شدخلك
مازن : شنو شدخلني يا حلوو هاذي بنت عمي وقريبا خطيبتي
انصدم الشاب وبعد
لكن هبه انصدمت اكثر منو هذا إلا قاعد يتكلم ناظرت بشكله تحس انها تعرفه وشافته من قبل
جت لها ريمه غرور ونور
غرور : يا الله هبه حنا طالعين
ريمه : مازن!!!!!!!
هبه : تعرفينه
مازن التفت لها : انتي منوو
ريمه : يا الخبلة هبه هاذا ولد عمك مازن
التفت مازن وهبه لبعض كان يكذب عشان يبعد الشاب عنها لكن طلعت عن جد بنت عمه
هبه انحرجت : ا شكرا اخ مازن .. علاء خالد يا الله نمشي
طلعوا وغرور كانت مقهورة لأنها مالقت ريان لكن سرعان مارفعت راسها ولقته داخل السيارة مع صاحبه
مشت نور اول وحدة لانها لقتهم وقفون يا الله انا ماشية
مشت لكن سيارة احمد اعترضتها كانت تبي تمشي لكن ماعرفت واخير وقفت السيارة مشت من الجهة الثانية بس رجع على ورا وصدمها
نور بلعت ريقها وتجمدت وحطت يدها على رجلها ماكانت ضربتها قويه لكن الشاب إلا ظربها صدمها كثير
نور بصوت عالي : غبي يا احمد مو انا إلا تضربني هاا ولا تلمس شعرة من شعري
الكل قعد يطالعها حتى هي ماعرفت شلوون قالت هالكلام
احمد انصدم منها وقعد يطالع عيونها منوو هاذي إلا تعرفني منو
غرور انصدمت من رد نور وقعدت تطالع ريان
نور مشت عنهم لسيارة وصعدوا البنات معها
انتهى البارت اتمنى يعجبكم