عرايس المدينه استفيدوا واستفسروا

السلام عليكم ..
عروسآت مدنينتي ..
حبيت اكتب لكم مرجع لكم في اهم الاشياء اللي تحتاجها كل عروس بالتفصيل ..
الموضوع من جُهدي وتجربتي ..
اتمنى لكم الفائده..
فساتين الزفاف ~>اذا عندك ميزانيه مشغل البدويه ممتازه .. وشغلها حلو .. بس غاليه شوي..
واذا ميزانيتك متوسطه .. العمودي اللي فقباء مره ممتاز .. فصلنا عنده اكثر من 3 مرات .. ويسوي لنا حسب مانطلب ..
ويغير لك في الموديل حسب طلبك .. واسعاره بين ال 3 الااف و 7 الااف..
الزفات ~>
لا تفكري تسوي غير عند زفات المدينه ..
بجد ابداع صوت وتنسيق وتسليم في الموعد واغانيهم جديده .. ويكفي انها بدون موسيقى ..
وذحين مسويين عرض 6 اغاني ب 1600 ..
الكوشه والمسكه ~>ديري سنتر شي خيال .. سعره مناسب وعنده اشياء جديده وحلوه ..
وشغله مضمون ..
مكانه آخر خط الهجره الطالع .. بعد سوبرماركت هلاا ..
كمان اسفار اللي بسلطانه شغله حلو ..
بس جربنا ديري سنتر فأكثر من مناسبه مره حلو ..
اسفار ميزته يسوي باقات فخمه .. اذا بتهدي ..
المكياج ~>في المدينه في اكثر من محل تلقي عنده كل الماركات
وجوه في النور وعالية المدينه ..
سيفورا في عالية المدينه ..
فافافوم في النور ..
كريم اساس .. ماكس فاكتور ممتاز .. وايف سان لوران كمان ممتاز وخفيف .. بس سعرها غالي شوي 200 وفوق
نيفيا عندهم اساس حلو وسعره 60 ريال ..
دريم عندهم كريم اساس حلو مره وخفيف ويخفي العيوب ..سعره 60 او 61 ريال .. موجود في سنتر بوينت ..
الشدو .. مكياجي الشدو عندهم حلو وبلمعه .. ولونه يوضح ع الجفن ..
وكمان بودي شوب ..
الأرواج .. مكياجي ارواجهم مره حلوه وذحين منزلين الوان فوشيه خطيره .. وسعرها 49 ع العيد اشتريت من عندهم فوشي كان آخر واحد .. بجد يجنن لا يفوتكم..
لانكوم كمان ارواجهم مره حلوه سعرها 100 وفوق..
ايف سان لوران ارواجهم مره ماناسبتني ماتثبت ..
بودي شوب غلوساتهم مره حلوه ..
وعندهم كمان مرطب الشفايف اللي بالفواكهه مره حلو ..تحطي بعد ماتتحممي يعطي ترطيب للشفايف ولون حلو وريحته كمان واو .. يخبل عليكي الباشا هع..
البلاشر..برجوا البلاشر عندهم حلو مره ..موجوده هجري الماركه في سيفورا ووجوه ..
بلاشر مكياجي مره حلو ..قد ماجربت بلاشر ماعجبني شي زي مكياجي..عموما مكياجات مكياجي مره حلوه .. الكريم اساس تبعهم بس هوا اللي ماجربته ..
الكحل..برضوا كحل مكياجي الأسود مره حلو والآي لاينر كمان مره حلو ..
وعندهم كحل اسود علبته ذهبي .. مو آي لاينر .. كذا مره حلو ما اعرف اسمه .. طرفه مكان ماترسمي عينك كأنه قلم حبر اللي يتعبا..<< سوري ع الوصف بس بجد مره حلو وسواده واضح..والرسم فيه سهل مو زي الاي لاينر..
ولا تنسوا مرسام الحواجب كمان ..
المآسكرا..برضوا مكياجي عندهم الماسكرا اللي جهه بيضاء وجهه سودا .. البيضاء مقويه والسوداء لون اسود ..
حلوه وتثقل الرموش..وسعرها 69 اعتقد مو متأكده..
ماسكرة سيفورا كمان حلوه ..ماسكرة لانكوم كثير يمدحوها انا ماعجبتني ..بالرغم من انها غاليه ..الا انها سيئه وماتثقل الرموش وتنزل بالمويا .. عكس ماسكرة مكياجي ..
خافي عيوب..من بودي شوب .. حطي منه قبل ماتحطي الاضاءه والشدو.. يخفي السواد اللي ع الجفون ويديكي نتيجه حلوه..
الاضاءه برضو من مكياجي حلوه..
العطور ~>انصحك ب عطرين قويه وحلوه للخروج ولأستقبال الضيوف..
من شانيل او ديور او لانكوم ..
ومجموعه من بودي شوب ..للبيت .. بجد حلوه ورايقه ..
الياسمين عندهم حلوه وتوباكو فلاور كمان مره حلوه..
البشره~>في وحده اسمها هدايه تسوي برنامج عروسه .. هيا مغربيه .. شغلها حلو ..
هذا رقمها ..048373793
وفي كمان اليسا فلبينيه.. تسوي برنامج .. ممتازه وفاهمه .. لأنها دارسه هالشي مو خبره .. كانت تشتغل فالمطبقاني ..
هذا رقمها 0502504475
الحلاوه ام عبدالله شغلها حلو 0560255711
فرحين .. تسوي حلاوه هنديه .. 0533979822
دكتورة بشره .. نها شحود .. في المواساه .. مره ممتازه .. وماتديكي ادويه وخلاص لا تديكي اللي محتاجته انتي .. وماتدي ادويه قويه ..
الكشف عندها ب 70
نقش..قد ماشفت .. ماشفت زي نقش ام ماجد .. لأنه رسمتها ناعمه مو عريضه ولون حنتها حلوه..
هيا يمنيه هذا رقمها 0506333414
ام حبيب كمان حلو ..0508159845
التشقير .. نوران تشقيرهم حلو ..
الكوفيرات ~>طبعا للعروسه لمسآت..
المدينه مليانه كوفيرات وفي كثير شغلهم حلو .. بس اظمن شي للعروسه لمسات .. خبره وشغلهم حلو وع الموضه..
مواهب شغلها مو حلو زي زمان ..
رانيا .. سهير مكياجهم حلو مره ..
الأسواق~>القمصآن .. طبعا مو كلها ماركات ولا بتكلفك كثير مره ..
جيبي كم واحد ماركه والباقي من المدينه مول والقمه وستار ماكس..
هذي الثلاثه مليانه قمصان ..
اما البجايم .. الماركات احلى من اوشو في النور .. او لاسنزا برضو في في النور..سنتر بوينت .. سيتي ماكس..
الملابس الداخليه ..نعومي .. سنتر بوينت .. عندهم سنتيانات مره حلوه ..
والسنتيانه الرافعه من سنتر بوينت لا تفوتكم ..
الباقي طبعا حسب ذوقك كم فستان زياره .. وتنانير وبلايز وجنزات وتوبات .. على ذوقك..
شوزات .. شنط على الوان اللبس. بكلات واكسسوارات برضو خلوها آخر شي عشان تطقم مع اللي عندكم ..
الستاندات تبع البكلات والاكسسوارات .. تلقوها في لولو قربان او لولو الهجره..كمان موجوده في سنتر بوينت..
بالنسبه للشوزات .. المدينه مول عنده شوزات حلوه ..
تي شرتات ما انصحكم تجيبوا من النور ..
عندكم تاج توج مليان تي شيرتات اشكال الوان ..
وفاين فير كمآن ..
كلها ماركات مخفضه .. والقوافي..
كلها قريبه من بعض ..
بعد سووق البدر تجيكي اشاره .. ادخلي يمين ..
تلاقي هجري المحلات ..
,,
اتمنى اكون افدتكم لو بشي بسيط .. واتمنى موضوعي شامل لكم..
واي اي استفسار انا حاضره ..
ربي يوفقكم ويسعدكم يارب
دعواتكم لي ربي يحققلي احلامي