عرايس شهر 7 و8

..روعة النسيان..

30-01-2022 - 07:33 pm

.. صباح الخير يا أحلى الفراشات..
اخبار الجميع .؟ خصوصا للمخطوبات وع وجه زواج في العطله الصيفيه..؟
حبيت تكون هالصفحه خاصه لكل فراشه مخطوبه و ملكه وعرسها بكون بالاجازه يعني شهر 7 و8..تقول لنا متى ناويه تتجهز وتتقضى, وش بتشتري ومن هالاشياء..؟ لاني من ضمن هالعرايس وودي نستفيد من بعض ,واللي تتجهز من الحين ماتحس انه بدري ولا افضل خصوصا اللي بالكليه وعندها دراسه...
واتمنى يكون في تفاعل ونشارك بعض..

التعليقات (9)

ريماس الغلا....

30-01-2022 - 10:57 pm

هلا والله وغلا....بالعرايس
أنا بعد زواجي بشهر 7 >>يعني بدري علينا لكن خلينا شوي نفضفض..
أنا بالنسبه لي والله يمكن راح أبد أشتري الدبش بعد الحج..
والأن راح أعدل في أسناني شوي
والله بصراحه محتاره وش أسوي ؟؟؟وحابه أكون مميزه بذيك الليله مع العلم معي عروس ثانيه وذي المشكله>>هع
يالله ياليت كل عروس أو مخطوبه تدخل تقولنا عن
مشاكلها وش صار معها..
وش ناويه عليه>>>أخذت وجه البنت
ولي عوده إنشاء الله

DR.Nona

30-01-2022 - 11:58 pm

اهلين بنات
زين لقيت احد مثلي انا ان شاءالله زواجي 1/8
طبعا ماراح اجهز الا بعد مايعطوني المهر اتوقع بشهر4
بس الحين باديه اهتم بجسمي وقاعده اسوي خلطات الله يعين ان شاءالله..
وخصوصا الطالبات اللي مثلي الله يوفقنا ان شاءالله
والله يعطيك العافيه
لي رجعه بأذن الله
وان شاءالله فيه تفاعل من البنات

<الدنيا حلوة فيني>

31-01-2022 - 12:59 am

الله يوفقكم يارب.................
بشهر سبعه انتم بتكونون عرايس واحنا امهات...ان شاء الله يارب...
الله يوفقكم ويتمم ع خير...

ريماس الغلا....

31-01-2022 - 02:00 am

صباح الخير...
إيه زين لقيت أحد مثلي ..أنا زواجي 26/7
وبعد ماوصلني المهر...واللحين على حسب المزاج أسوي خلطات لذا الجسم..
والله تصدقون عاد..إلي ودي فيه يكون جسمي لون واحد مو مهم يصير لوني فاتح..
أنا من الطائف ..إلي من الطائف وتعرف مستشفى زين للأسنان وتبيضها تقولنا عن تجاربها
أنا أعرف مستشفى إبتسامة اللؤلوه قد جربته هو حلو لكن ماقد جربت التبيض فيه ..
وبعد ياليت كلكم تقولون لنا مغامراتكم مع أبو الشباب
>>>لي عوده....في إنتظارك تفاعلكم

كوكتيل عسل44

31-01-2022 - 03:01 am

نصيحه لا تبداون التجهيز لان الملابس بتطلع موديلات جديده
والمكياج والعطور الوحده ماتشتريها الا قبل الزواج بشهر
لاكن اذا رحتي الوق ولقيتي شي مميز وتتوقعي ماتلاقيها ثاني على طول شيلي
واهتمو اكثر بملابس البيت خليكي عارضة ازياء قدامه واهم شي لاتكرري الالوان
والله يوفق الجميع

تمنيتك لي

31-01-2022 - 04:02 am

ادعولي ان زواجي يتحدد واجي اجهز معاكم
انا عندي المهر بس زواجي ماتحدد وماافكر اشتري الا اذا حددوه
بس يابنات ويش رايكم نبدا بخلطات للجسم من بدري
ياليت اللي عندها خلطه تعلمني

القمر المشاكس

31-01-2022 - 05:03 am

ما شاء الله موضوع قمة في الروعة
وانا بعد زوجي بشهر 8
والله يوفق الجميع
وبالنسبة للجهاز بدري وبقوة
ليش مستعجلين ؟؟ على قولة غربة مسافر خلينا نفضفض شوي
اهم شي الآن خلطات للجسم والشعر اما
الباقي بدري عليها

ريماس الغلا....

31-01-2022 - 06:04 am

ادعولي ان زواجي يتحدد واجي اجهز معاكم
انا عندي المهر بس زواجي ماتحدد وماافكر اشتري الا اذا حددوه
بس يابنات ويش رايكم نبدا بخلطات للجسم من بدري
الله يوفقك يارب ويتحدد زواجك ونفرح فيك
المهم عن الخلطات أنا لي تقريبا فتره أقل من شهر أجرب خلطه لتبيض الجسم والله مدري وين لقيتهاا
<<<<يعني من ذا المنتديات
هي 3/4 حليب الشاهي ((وادي فاطمه_ بوني ..إلي يناسبك))
3/4 فنجال قهوه خل أبيض ونفس المقدار خل تفاح
وملعقه طعام زيت زيتوون
1/2 ملعقه عصير ليمون
نخلطهم وقبل الإستخدام نضيف لهم 5 ملاعق قهوه سوداء يعني البن تبع القهوه التركيه
نخليها على الجسم إلين تنشف ونفركه بس مو بقوه والإتجاه يكون واحد
بالنسبه لي جربتها 3 مرات والله بصراحه تعطي ترطيب للجسم مو طبيعي
وإنشاء الله راح أستمر عليها خصوصا إنها سهله وماتكلف شيء
المهم أنا حبيت أستشيركم بشغله مع شيخ الشباب ياليت إذا تكلمون بعض بذي الفتره تقولون لنا علشان نستفيد شوي
سي يو

كيرلي ناعم

31-01-2022 - 07:05 am

انا ماادري اجي معكم والا مع عرايس شهر 2 و3
مابعد تحدد موعد زواجي
يايكون في عطلة الربيع او في العطله الصيفيه << اختكم في الله تدرس في الجامعه
اعلمكم اذا تحدد زواجي ههه

طلبات فساتين أفراح←
تكفون لاتطنشوني→