عروس أو متقوزه أدخلي هنا مب كيفك غصبا عنك هع

1. · شنطات ، نفس الشوزات والصنادل ( وأنتم بكرامه ) بالنسبه للألوان


2. · أبجيب ديشمبرات ومنشفات صغيره وكبيره ومن كل المقاسات

السلام عليكم ورحمة الله وبركاته
كيفكون صبايا ؟
أن شاء الله مناح
المهم
تراني أبسافر بعد أسبوع أو أسبوعين أجهز ،
أو مدري متى
وكتبت أغراضي ، وقلت أنزلها بموضوع
قلت أن شاء الله يستفيدون منها البنات
وإذا ناسيه شي يفيدوني
يلا بسم الله هذي هي الأغراض
تفاعلو مع الموضوع بليز
لا تسحبون علي ، ألا السحب ، بكرهو قدا
وحش أوي أوي
بسم الله مره ثانيه ، هذي الأغراض
،،
· فستان العرس طبعا يعني أبعرس بدون فستان مثلا و أكسسوارات له والصندل ( وأنتم بكرامه )
· الذهب ، أحب الذهب الناعم ، الأبيض تحديدا ، بس أبروح داماس أدور أشياء مثل فرفشه حقت نانسي عجرم ، بس مابجيب فرفشه عندي ، وبس بروح أشوف وش يعجبني ,اشريه بعد من محلات ثانيه
· فستان حفله الصباحيه ، مدري أنتم مثلنا او لا ، بس ثاني يوم بعد العرس بوه حفله ع العصر هيك يعني ؛ في بيت أهل العريس تكون ، أبجيب فستان للحفله ، أنا مفكره أجيب ثوب خليجي ، كشخه وحلو ونعوم ، بس مدري أروح وأشوف وش يعجبني وأكسسوارات له والصندل ( وأنتم بكرامه )
· لانجري ، أنا كل مابحثت بالنت ، قالو نعومي مهوب زين ومدحو لافي أند روز ، وصراحه داخل مخي هالمحل مع أني ماقد شفته ، بس أبروحله أول شي ، وأبجيب من كلل مكان ، وأبجيب أندر وير مهوب القطنيات اليومي ، اللي يكون مزركش ومدري شلون قايل
· أندر وير ، القطنيات أبجيبها من ستي ماكس ولا سنزا ، مرتاحه معهم
· بجامات ، بجيب من كل مكان ، يعني من ستي ماكس وسنتر بوينت ، نعومي ، ومدري أشوف لافي أند روز ، يعني من كل مكان أبجيب ، وبجيب من كل الألوان و الأشكال يعني نص كم ، كم طويل ، بدون كم كل شي ههه
· ملابس كشخه للبيت ، يعني فساتين نعومه وتشيرتات وجينزات و شورتات وتنورات قصيره ووشسمه بلايز ، كل شي نعومي للبيت ، يعني من كل مكان أبشتري ، كمان صنادل نعومه للبيت >> خلاص فهمنا
· ملابس للخرجات ، أنا أبجيب كميه زينه ، لكن مابكثر ، لأن أكيد كل فتره لازم أنزل السوق ، مو أشتري كل شي وبعدين ماألحق ألبسهم وتروح موضتهم
· أكسسوارات وساعات >> تعرفون لزوم التكشخ
· ميك أب ، أكرهه الميك أب ، يوم أحطه تقل بزره لاعبه بمكياج أمها ههه ، بس أبجيب قلوساات وكحاحيل ( جمع كحل يعني ) ،أكثر شي ، وأبجيب كم بلاشر وشادو ( أدري مابستخدمهم بس أبشتري )
· عطور ، شوفو ، أكره العطور الثقيله ، ماأتحملها تغثني وتقلب لي معدتي ، لكن لا بد منها ، أبجيب كم عطر قوي ، والباقي من عند البدي شوب ومكياجي وكذا ، لأني أحب عطورهم ، خفيفه وماتصعرني
· شوزات وصنادل ( وأنتم بكرامه ) ، ماراح أحدد لون ، بس أبحاول أجيب ألوان تليق على كل شي

· شنطات ، نفس الشوزات والصنادل ( وأنتم بكرامه ) بالنسبه للألوان

· أبروح لعبدالصمد القرشي وجيب عود وبخور ومدري وشو ، أي شي يعجبني يعني هع ، وأبجيب مسك أسود وأبيض ، ولو فيه مسك أخضر هم بعد أبشتريه ، وأبجيب للراقل ( المقصود خطيبي ) هديه منه ، وبجيب لأمي وخالتي ( حماتي ) هديه منه بعد ،
· الصيدليه ، أحلى شي بكلل التجهيز أغراض الصيدليه ، أبجيب فرشة + معجون أسنان ، وغسول للفم ، وأبجيب معقم اليد ( هذاك اللي ناخذه معنا للمدارس عرفتوه ) ، شامبو شعر ، كير فري ( غسول ، مناديل ، وشسمه اليوميه ) أم وش بعد وش بعد ، أيه غسول للوجه ، صابونه نايتروجينا الشفافه ، كريم للفيس ، وبجيب لي كم صابونه دوف ( مدري ليش بس أبجيب ) وبجيب كريمات للجسم ( أروح أشم واللي يعجبني أجيبه ) ، بجيب لي كم شامبو جسم ، مرطب براطم ، بنادول ( عشان إذا قوزي صدعني )، وبجيب وشسمه ذاك اللي يستخدمونه البنات ، ونا أبروح للصيدليه وأشوف اللي أحس أني بحتاجه شريته
· بروح للبدي شوب وزهور الريف ، أجيب لي كم عطر وكم قلوس وأغراض العنايه بالاظافر والليفات بعد ، وبجيب فرشه شعر من زهور الريف ( أحب فرشهم ) ومشط من البدي شوب ( أحب أمشاطهم ) ، وأبجيب فرش الحمره ، بجيب قطن بعد ( لحد يقول جيبي مجموعات وكريمات وشامبوهات ، تسبب لي حساسيه مقدر أستخدمها ) ، وبجيب كحاحيل من زهور الريف أحب كحاحيلهم مدري ليش
· بجيب مناكير ، وبجيب مزيل مناكير >> نفسي أعرف وش مفرد مناكير

· أبجيب ديشمبرات ومنشفات صغيره وكبيره ومن كل المقاسات

· بجيب هديه للراقل ( اللي هو قوزي ) ، بالأضافه للعود ، أبجيب له نظاره شمسيه وساعه ، وش رايكم ؟؟ قولو رأيكم هااه ( لاتقولون عطر أو مجموعه من البدي شوب ، أكرههه هالهدايا )
· وبجيب شنطه للذهب ، وشنط سفر عشان أحط فيها عفوشي ، أم وأبجيب علب كششخه عشان أحط اللانجري عشان يوم أرسل جهازي للبيت ، وبجيب الأكياس الشيفون عشان الأندر وير ، وأبجيب لهم أشياء وخرابيط يعني شرايط ومدري وشو عشان التزين وبجيب العلب الصغيره اللي نحط فيها الميك أب و الأكسسوارات ع الدرسير ، فهمتو وش أقصد ؟ >> اللي تعرف كم عشان قلت بالجمله تربح 3 ريال هديه
،،
وبس هذا اللي براسي
مدري إذا ناسيه أشياء ، بس بنات بليز
إذا شفتو أني ناسيه شي علموني
ترى تعبت بالموضوع بالحيل ، ياويلكم ماتردون ، أزعل زعل قامد قدا قدا عليكم
،،
ويارب يوفق كل العرايس
ويوفق كل الناس ،ويبعد عنا أولاد الحرام ويسخر أولاد الحلال لنا
قولو أمين بس
فمان الله