عروس حايسه في الجهازتعالي أساعدك

آسفه على التأخير لأسباب خارجة عن السيطره
نرجع لموضوعنا
أول شي راح أعطيك ياعرووس نصايح أتمنى تستفيدي منها:
1)أذا بتشتري أي لبس خذي أكبر من مقاسك بنمره
يعني اذا تلبسي سمول خذي مديم
واذا تلبسي مديم خذي لارج
طيب ماسألتيني ليه؟؟
عشان اذا حملتي او تخنتي تكون ملابسك في خدمتك وماتكون ضيقه علييك
2)أبدعي في الألوان الأحمر..الأسود الأخضر بدرجاته...الأزرق بدرجاته..الوردي بدرجاته.. الأورنج ..الموف يعني خليك علبة ألوان (عشان تهبلي بعريسك )
يعني لاتحصري نفسك على الوان محدده
بسم الله نبدأ الجهاز:
¨°o.O (أطقم الملابس الداخليه) O.o°¨
طبعا هذي أهم شي في ا لجهاز
وراح تحتاجينه كثير
لذلك نصيحه من قلب أخت محبه لك:
1) كثري منها
2)نوعي في الأشكال مابين(قطنيات+دانتيل+شفاف وغيرها كثير راح تشوفيها بنفسك)
3)لاتكثري من الماركات يعني خذي 7 اطقم ماركه والباقي من الرخيص والسبب(عشان تقدري تجددي من فترة لفترة) 4)نوعي في الألوان
وراح تحتاجي إلى:
ملابس مريحه للنوم شفافه وخفيفه
ملابس داخليه للطلعات والدوام
ملابس خاصه باالدوره الشهريه (كلوتات بلاستك من الصيدليه تسويلك حمايه وتحافظ على ملابسك
أطقم سنتيانات للبيت (غير مبطنة
أطقم سنتيانات سهرة
كلوتات انفرادية ألوان متعددة
¨°o.O (ملابس النوم) O.o°¨
خذي قمصان نوم طويل بروب وبدون يعني حوالي 3 او 4 ولاتكثري منها لأنك ماراح تلبسيها بعدين لكن وجودها لازم ليسعفك في الأيام الأولى لأنك ياقلبي مستحيه ولكن بعد اسبوع<-----مشفر خ
وكمان خذي عدد من قمصان النوم القصيره ونعومه
وبالنسبة للبجايم :
خذي بجايم ساتان
وبجايم قطنيه مثل هذي وراح تنفعك في أيام الدورة( وانتي بكرامه )بحيث تكوني قدام زوجك نعومه وحلوه في جميع الأوقات
وكمان نوعي بيجامات برمودات وشورتات(ياشيخه أنتي عروس فدلعي نفسك وأكسبي زوجك )

¨°o.O (ملابس البيت) O.o°¨
طبعا هذي مايحتاج أبدعي فيها
خذي تنانير قصيره
ونوعي يعني:
1تنوره قصيره تحت الركبه
تنوره قصيره فوق الركبه
تنوره قصيره لنص الفخذ
وطقمي عليها كم بديهات حلوه وطعومه
عاد ماشاء الله السووق غرقانه من هالبديهات
ومثل ماقلت نوعي في الألوان
وكمان لاتنسي تشتري لك شورتات جينز
وعاد البناطيل والبرمودات شي لابد منه
وخذي لك كم بنطلون جينز حلو وشيك
وكمان بناطيل قماش عادي مو جنز مثل هذا مثلا:
وبصراحه البناطيل راح تحتاجينه أكثر شي في شهر العسل بسبب الطلعات والخرجات فبيكون البنطلون عملي ومريح لك في المشي
وكمان خذي لك فساتين نعومات وقصيره تعطيك منظر خرافي
ومااجملها لو تلبسيها يوم صباحيتك وقتها تاخذين عقل ابو الشباب صح
وكثري من ملابس البيت لأنها هي اللي بتستخدميها أكثر شي
ولاتسمعي للي يقولون لك لاتكثري لأنك في اول ايام شهر العسل ابو الشباب عينه عليك فماأجمل انه يشوفك كل يوم ورده جديده كل يوم بلون جديد كل يوم بلبس غير شكل فبكذا أضمن لك(بإذن الله قلب زوجك)
¨°o.O (ملابس الطلعات والعزايم) O.o°¨
طبعا بماأنك عروس الله يعينك على العزايم
لكن طبعا نبغى عروستنا تطلع بأجمل حله لذلك أتبعي الخطوات التاليه:
خيطي لك فساتين سهره هاديه وشيك
ولكن لاتكثري منها 3 كفايه لأن والله حرام تخيطي وتتكلفي وأخرتها مرتزه في الدولاب يعني مابتلسبيها إلا اول ايام زواجك وبعدين ماراح تحتاجيها
أشتري لك تاييرات وخذي كميه معقوله يعني حوالي 8 او أكثر ونوعي في ألوانها
وأذا كان عندك تاييرات حلوه وجديده من أول خذيها معاك وراح تنفعك

المهم نرجع:
نكمل ملابس الطلعات:
أشتري لك كم جلابيات حلوه ونعومه وشيك..بحيث تقدري تلبسيها اذا جوك ضيوف أو رحتي عند ناس وتكوني خفافيه
وخذي لك تنورتين جينز<--لونين مختلفين
وأشتري لك بلايز بأكمام طويله وكم حيران ونص
وهالشي لا تغفلي عنها أبدا
وخلصنا الحين من الملابس وندخل على الأكسسوارات :
أشتري أشكال وألوان واذا بتشتري الأكسسوارات خذي لكل لون نوعين
يعني اذا بتشتري لون سماوي خذي اكسسوارين سماوي
والسبب عشان تنوعي في ا الأكسسوارت وأشكالها وتحسي بالتجديد في كل مره
ولاتنسي تشتري من هالأحزمه اللي تلبس على الخصر مع البناطيل يطلع شكلك روعه
والخلاخل لاتغفلي عنها
ونيجي الحين للتسريحة حقت والأشياء اللي تحتاجيه فيها:
طقم أمشاط شعر
أستشوارين<---لازم تشتري اثنين عشان اذا احترق واحد يكون فيه غيره
بكر أو لفافات الشعر
الشباصات <===أشكال وألوان صغير وكبير ووسط نوعي فيها
بنس الشعر<===كبير وصغير
مكياج<=== راح نرجع نذكره بالتفصيل
كريم للشعر
كريم للجسم
كريستال سيريوم للشعر لتحمي شعرك من حرارة الأستشوار
طقم مقص أظافير
ننتقل للمكياج:
طبعا شي مهم كريم الأساس والبودره وخذيها من ماركة معرووفه
واهم شي تكون افتح من بشرتك بدرجتين او درجة
الكونسيلر لإخفاء السواد تحت العيون
أرواج <------- نوعي مابين الأولوان الفاتحه والغامقة ( وردي فاتح .. أحمر .. عنابي .. ترابي ... بني غامق .. موف على زهر .... اورنج ..)
محدادت بنفس ألوان الأرواج
كحل العيون الجاف<===أهم شي الأسود وجميل جدا جدا التركواز و الأخضر و السماوي و الكحلي والبني يعطي العيون منظر جنان
الكحل السايل(الآي لاينر)
الماسكرا<==خذي الوان مثل ا لأسود و البني و التركواز روعه
بالنسبة للظل خذي اللي يعجبك وأشرح تاخذي اللي تيجي في شنطة سوداء وتكون شامله لجمييع الألوان
وخذي علبة ثانيه صغيره عشان تخدمك في السفرات او اذا روحتي فندق <==وهنا أرشح علبة الظل اللي عند مكياج اللي تيجي في كل دائرة تدرجات الألوان
فرش مكياج <===مهمه جدا جدا
تونيك+كريم تنظيف الكياج <===ضروري
منظف أذاني
قطن
مناكير <==أفضل الألوان البني غامق وفاتح..وردي..أحمر ..أورنج وماأحب اللي يجي لونه سماوي و أخضر أحس انه بشع(لكن انتي وذوقك ياقمر)
وننتقل لطقم الحمام (وانتوا بكرامه)
أنتي بحاجة إلى طقم أرواب <==اللي يجي فيها روبين لك ولزوج
وكمان خذي من الأرواب اللي تيجي نص مثل المنشفة إذا لفيتها حولك
خذي كم منشفة أحجام كبير ووسط وصغير
خذي طقم حمام كاامل مشتمل جل الأستحمام+ البودره+الكريم+ العطر
وأرشح لك: زهرة الكاميليا والمسك الأبيض من زهور الريف خرافه وتحسسك بالأنتعاش والنظافه
وهنا لا بأس لو تاخذي 4 طقوم منوعه للتغيير والتجديد
فرشاة أسنان+ معجون أسنان
حمام زيت
أمواس ورغوة حلاقه<==مهم جدا جدا
العطورات:
خذي عدد من العطورات الفرنسيه وعدد من العطورات العربيه
ولاتنسي تاخذي تولة دهن العوود وكمان تولة المسك الأبيض
لأنك عرووس ولازم ريحتك تكون ريحة عرووس بجد
وطبعا شي رئيسي تاخذي عوده ولازم يكون أصلي وريحته حلوه وقوية
وكمان البخور شي مهم
وخذي معطرات المفارش
وأشتري لك المبخرة اللي تشتغل بالكهرباء لأنها راح تسعفك وقت الزنقات واذا قدك مستعجلة

وراح نكمل بإذن الله ما بدأنا
¨°o.O (المفارش) O.o°¨
بالنسبة للمفارش لا تغلطي غلطتي
لأني اشتريت 5 مفارش طلعوا في الأخير كلهم فيهم اللون البيج وكل ماأفرشها ماأحس بأي لون من أولان التغيير
لهالسبب نوعي فيألوان مفارشك
وبالنسبة للعدد شاوري أهلك وشوفي وش بيقولوا لك
¨°o.O (الذهب) O.o°¨
أشتري طقمين من الكبار
وكذا طقم ناعم
وأساور نعومه وحلوه
خواتم
ونصيحة لاتكثري منها لأن الهدايا راح تغرقك بالذهب
¨°o.O (الأحذية والشنط) O.o°¨
خذي لك عدد من طقم الجزم والشنط
وهذي اللألوان الرئيسيه:
الأبيض....الأسود....البيج...البني
والألوان الباقية أختاريها على ذوقك بحيث تناسب ملابسك
ولاتنسي تاخذي البوت الطويل شكله كول على تنوره قصيره
تطلعي واو
وكمان خذي لك بوت رياضي شيك <===وهذا بيخدمك كثير في شهر العسل وبعد شهر العسل في التماشي لأنه مرن وراح يخدمك كثير

¨°o.O (نصائح متفرقة) O.o°¨
يالغاليه خذي مني هالنصايح:
1)حاولي تبتعدي قدر الأمكان من المشروبات الغازيه واستبدليها بعصيرات طازجه واذا مافيك حيل روحي اي سوبر ماركت واشتري لك عصيرات من :3_10_6: هناك
2)شيلي الشعر اللي بجسمك قبل زواجك بيومين أفضل لك وأريح عشان أخر يومين خليها فقط للراحة و الأسترخاء وخليك ريلاكس
3)حاولي تغذي نفسك بالأكل المفيد ليغذي لك شعرك وبشرتك
لأن مهما حطيتي من زيوت وأقنعة ماراح تفيدك إلا اذا غذيتي نفسك من الداخل لأن الأنسان مثل الشجرة لازم تتغذى من الداخل لتثمر أشجارها<== ياهوه ياللي يشيبه
وأتمنى يفيدك هالرابط
كلي وتجملي بماخلقة الرحمن لك
4)لا تشيلي هم الزواج نهائي عشان مايطيح الشعر والوجه كله حبوب والعيون سوداء وحالتك حاله
وأتمنى يفيدك هالرابط
عروس على وشك زواج وخايفه؟؟ ياحبيلك تعالي اواسيك بكلمتين ( اللي تبي الرساله الخاصه في هالموضوع ترسلي عالخاص هنافي الفراشه )
5)حاولي تبتعدي قدر الأمكان من المشروبات الغازيه واستبدليها بعصيرات طازجه واذا مافيك حيل روحي اي سوبر ملركت واشتري لك عصيرات من هناك
وبأذن الله راح تكون لي عودة لأضيف بعض الخلطات للجسم والشعر
نصائح لك في شهر العسل:
1)حاولي يالغاليه انك تجددي في لبسك كل يوم
بمعنى اليوم لبستي تنوره قصيرة بكرة البسي بنطلون جينز بعده البسي شورت بعده ا لبسي تايير بعده البسي فستان ناعم
بحيث كل يوم يشوفك زوجك بطلة جديدة
كمان اليوم البسي ازرق ..بكره البسي اورنج..بعده البسي وردي ..بعده البسي اسود ...بعده البسي اسود<---------كوني في عيونه فراشة ملونه
2) أذا صحيتي من النوم :
حاولي تصحي قبله عشان يمديكي تصلحي نفسك وتمشطي شعرك وتسنعينه وحطي روج فاتح ومسكرة بس وشوفي الجمال
3)ايام شهر العسل:
الله يعينك لازم في اليوم تلبسي 3 او 4 مرات يعني في الصباح لبس..وفي العصر لبس..واذا رحتوا تتمشون ورجعتوا على طول بدلي ملابسك وفي الليل مايحتاج<-- وش تشفرت القناة

هلا وغلا
ياحبي لكم والله ياحلوات
وأخيرا فضيت لكم وجيت لكم بالخلطات اللي قلت لكم عنها:
بالنسبة للجسم هذي خلطة أخذتها من هالمنتدى ومااتذكر منهي صاحبة هالخلطة لكن الله يوفقها ويحفظها ويغفر لها على خلطتها الرهيبه وكانت نتايجها قمه في الخيال وهي كالتالي:
2ملاعق كبيره زيت زيتون
3ملاعق كبيره زيت اللوز
3ملاعق كبيره زبادي
عصير ليمونه واحده
تخلطيهم وبعدين تحطيها على كامل جسمك وخليها لين ماتنشف اشوي يعني بعد 5 دقايق
وأبدأي أفركي جسمك براحة اليد وشوفي وش رايح يطلع منك وهذي الخلطه ممتازه لتوحيد لون جسمك وتبيضها وأسألوا مجرب ولاتسألوا طبيب
واستخدمي هالخلطه يوم ويوم لا
بعد كل استحمام لك خذي لك سكر وزيت عافيه وادهني بها جسمك كله وبعدين اشطفي جسمك بالمويه وبعدها شوفي جسمك كيف ناعم مثل جسم البيبي وخاصة يوم الزواج لازم تسوي هالخلطة عشان تذوبي بعض الناس بالنعومه
الحمام المغربي لاتنسينه لازم تسويه على الأقل مرتين في الأسبوع ليوحد لك لون بشرتك ويجدد لك خلايا جسمك
بالنسبة للشعر:
حطي في شعرك مايونيز والمايونيز غني عن التعريف في قدرته(بأذن الله )في إعطاء الشعر اللمعان ويساعد على تغليظ الشعره نفسها
كثري من أكل الجرجير لأنه له مفعول عجيب في وقف تساقط الشعر بأذن الله
ولازم تاكلي كل يوم صحن سلطه لأن الخضار كثرتها تعطي نضاره في البشره وجمال في الشعر بأذن الله
الوجه:
هذي الأقنعه ممتازه جدا جدا وناسبتني
فخذي منها اللي يناسبك أو أستخدمي الأقنعه اللي انتي متعوده عليها
لكن للأفاده راح أكتب اللي استخدمتها:
قناع الليمون + حليب بودره
قناع النشا + ماء الورد
قناع ملعقه صغيره خميره +ملعقه زبادي
قناع عسل+ليمون
العيون:
حطي على جفون عيونك وانتي مغمضة<-----طبعاًمغمضة اجل مفتحه
أما:
ورق الشاي يعني خذي لك لبتون أو شاي الربيع وحطيه في مويه حاره طبعا يكون مر مافيه سكر وطلعيه وخليه يبرد اشوي وبعدين مرريه على جفونك ليبعد اثار التعب والأرهاق عن عيونك
خذي بطاطس( ني مش مطبوخ ) وقطعيه قطع صغيره وحطيع تحت عيونك واسترخي عليه
خذي قطع خيار وحطيها على عيونك

نصائح متفرقه لفترة التجهيز وشهر العسل وبعد الزواج:
1)في الفتره اللي قبل زواجك بتيجيك الوان الهموم والكلام الفاضي من خوف وغيره( وهذا شي طبيعي ) فحاولي قدر الأمكان أنك قبل ماتنامي يكون معاك مسجل صغير وحطيه عندك وشغلي شريط قرآن لقارئك المفضل وأبدأي أسمعي الآيات وأسترخي وريحي جسمك كله وتأملي الآيات وأطردي الدنيا من بالك وحلقي في السماء راح تشوفي راحه عجيبه
وعلى فكره اذا أتبعتب هالطريقه راح اضمن لك انك راح تحفظي( بأذن الله ) بعض السور بسبب تكرار سماعك لها <-----وهذي عن تجربه والله
2)أذا كنتي متملكة أو بعد الزواج أحذري ثم أحذري ثم أحذري تحكي لأي أحد عن حب زوجك لك ولاحتى أخواتك ولا اقرب صديقاتك بقولك فلان يحبني يموت فيني جنني برسايل الغرام يشتاق لي 24ساعه و...و....و....ألخ لأن العين حق وهي اسبق من القدر فلا تظهري حبك لزوجك أمام اي احد ( وداري على شمعتك تضوي )
3)اذا كنتي ماتعرفي تطبخي فحاولي تتعلمي أهم الأشياء مثل :
ا لشاي
القهوه
الكبسه
الإيدام
كم صنف حلى قهوه و عشاء
لأن هذي هي اهم الاشياء اللي لازم تعرفيها وتتقنيها ولابأس من انك تتعلمي بعض الأشياء الخفيفه
لكن أنصحك تتعلميها بدري عشان ماتحصلك احراجات قدام ابو الشباب واهله بالعكس تعلميها عشان تكوني دائما في كل لحظة واثقه من نفسك
4)بعض البنات يشتكون من بعض التشققات والسواد في بعض المناطق واللي من الصعب القضاء عليها وهذا يسبب لهم احراج قدام الزوج :( فأقول لهم لا تخجلي من اي شي في جسمك بالعكس كوني واثقه من نفسك وتقبلي جسمك بعيوبه وميزاته يتقبلها الزوج
5)في شهر العسل وبعد شهر العسل حاولي ان الأبتسامه ماتفارقك أبدا لأن سبحان الله الوجه البشوش له جمال وضياء : اكثر من العبوس :( وكوني مرحه معاه أ ضحكي وسولفي وحكيه عن مواقفك المضحكه احكيله عن سعادتك معاه العبي معاه تسابقي وياه ولا تجلسي ترزي عمرك وتسوي حالك رسميه وعاقله لأن شباب هالأيام يبون وحده مرنه
تعالي أضرب لك مثال:
تخيلي ان عندك صديقتين
الأولى:
دائما مبتسمه : :a_smil17: بشوشه تسمعي منها أحلى الكلام فرفوشه تحب تضحك :scream: تعاملك باحترام وتحكيلك دائما عن مواقفها المرحه و,,,,و,,,,,و,,,,الخ
اما الثانيه:
عبوسه.. مقطبه جبينها24 ساعه تلومك على كل صغيره وكبيره بس متذمره كل اشوي تشكيلك وتبكي وتسمعك أمر الكلام رازه عمرها
فسؤالي أيهما تحبي تعيشي معاها دائما
طبعا واثقه أنها راح تكون الأولى لروحها المرحه
فنفس الشي ينطبق على الزوج
ولاحظت هالشي في بعض اقاربي متزوجين اجنبيات ويموتون في حريمهم(ماشاء الله ) وأكتشفت ان السبب هو ضحكهم وروحهم المرحه
6)وقت الجهاز أشتري لك من التوتو (الطبعات اللي تنحط عالجسم) والكريستالات وحطي منها على أماكن مختلفه في جسمك في الرقبه او في اعلى الصدر او في خصرك يعني انتي اشتريها وراح تبدعي فيها وراح تجنني الرجال فيك
7)لاتنسي تشتري لك شموع وورود مجففه وحاولي ان الوانها تناسب وتمشي مع الوان مفارشك اللي اشتريتيها
8)ثقفي نفسك في كيفية كسب الزوج وراح تلاقي مثل هالمواضيع مغرقة المنتدى الحياة الأسريه
وعندك مجلة الفرحه رائعه للمتزوجين والمقبلين على الزواج
عندك اشرطة كيف تكسبين محبوبك للدكتور/صلاح الراشد
شريط فهم النفسيات للدكتور/جاسم المطوع
شريط السحر الحلال لأبراهيم الدويش
وغيرها الكثير
9)أكثري من هذا الدعاء:
اللهم سخر قلب زوجي لي وسخر قلبي له ... اللهم أظهر له محاسني وأظهر لي محاسنه ..اللهم أستر عنه عيوبي وأستر عني عيوبه ...اللهم أجعله قرة عين لي وأجعلني قرة عين له... اللهم حنن قلبه علي وحنن قلبي عليه ...اللهم أجعله لي سكناً وأجعلني له سكناً...اللهم ألف بين قلوبنا..واكفنا شركل من فيه شر..وأرزقنا الذرية الطيبة الصالحه
آمين
10)احرصي على تحصين نفسك قبل الزواج وبعد الزواج وحطي جوالك على المنبه ليذكرك بالأذكار صباح ومساء هذا اللي في بالي الآن وأن تذكرت شي رجعت لكم
وأرجو من اللي اتفادت من موضوعي ماتنساني من صالح دعواتهاcolor]

الف الف شكر يااطياف وانا سبق وقريت الموضوع
وتصدقين لو قلت لك أننا في مركزنا استفدنا كثير من الافكار النيرة منكم ياالبنات الذوق

أم صُهيب
الله يسعدك يأم صُهيب ومشكوره على ردك