عروس حيرانة

اولا المهر قليل او كثير البركه اهم شي مو الكثره
اول شي تسويه حبيبتي خذيلك 500 ريال وحطيها عشرات وبعدين خليها بمحفظه خاصه وكلما طلعتي للسوق او اي مكان تكون بشنطتك وتتصدقي فيها بنيه البركه لزواجك وبمهرك والتوفيق
ثاني شي حبيبتي عطي امك وابوك هديه
يعني 500 لامك و500 لابوك
ثالث شي
اشتري لزوجك ساعه تلاقينها عند الركن السويسري ومعها ضمان قيمتها بعد التخفيض 250 ريال سويسريه صناعتها خليها بليلة الفرح اهديها له مع طقم بجامه تلقينها بمحلات بن عبيد تكون علبه كبيره فيها فنيله وشورت وسروال طويل وشبشب مره روعه ب 150 ريال يعني هدية زوجك ماكلفتك الا 400 ريال تقريبا وبنفس الوقت مفيده وحلوه وخذي اكبر مقاس افضل
رابع شي حفله الخطوبه والملكه كلها خليها عائلي والتصوير بالبيت خلي المصوره وتكاليفها بليلة الزواج احسن لانه اهم
بالنسبه للفستان انصحك يكون ناعم وهادئ والمكياج انتي سويه بالبيت والتسريحه سويها بالمشغل تكون ناعمه تسريحه بف من قدام وباقي الشعر مستشور وملفوف بيطلع ناعم وروعه وحلو يكون لون الفستان دافئ يعني بني او فستقي مع ليموني او احمر على برتقالي او ارتكوازي ويكون فيه شك خفيف على الصدر بيكون روعه وبيعطيك اشراق الالوان هذي واهتمي بالاكسسوارات
خامس شي
حافظي على وردك وصلاتك وربي يوفقك ويسعدك
سادس شي
ابدي بالمقاضي وسمي بالرحمان
اول شي ابدي فيه ملابس البيت خذيلك كم شغله ماركه من الريس او ايتام او نعومي وباقيه خذيه من النوع الرخيص لان الرجال مايعرف الماركه وغيرها يهمه الالوان بس
وبعدين ابدي بفستان الزواج روحي للمتنبي هذا بالرياض وفصليلك مايتعدى 2500 ريال
مع الشرعه
وبعدين خذيلك كم تيور للخرجات وكم بنطلون للبيت وكم بودي وتي شيرتات
وخذيلك مبخره وشنطه عود ب 200 ريال فيها كل شي
وخذيلك فستان فخم عشان الصباحيه او عزومه يسوونها لك ومع فستان الملكه يكفي وبعدين ياقمر راح تفصلين مع زوجك حسب الظروف
وخذيلك طقمين ذهب ابيض واصفر ناعمه الي تجي اطقم صغار لاتاخدي كبار لان يمكن تجيك هدايا وعشان فلوسك ماتكفي للاطقم الكبيره واحلى شكل للبنوتات وخذيلك ساعه فضيه الماس تلاقينها عند الحميضي مسوين تخفيض ب 1700 ريال او اقل عشان تلبسيها مع فستان فرحك
وبعدها خذي كم صندل وكم شنطه واهم شي خذي اسود وفضي وذهبي وكل صندل مع شنطتها طقم لانك بتحتاجيها كثير
وخلي 1000 ريال خذيلك فيه برنامج عروس عند اي مشغل يسوولك ليلتها تسريحه ومكياج وحمام مغربي وحلاوه وفتله للوجه وخليها تسويلك بروفه اذا ارتحتي لها عطيها عربون
ونسقي مع مصوره رخيصه وحلوه
ونسقي مع طقاقه رخيصه وتكون اسلاميه يعني تطق بالدفوف وتغني نفس ايقاع الاغنيه بس تبدل الكلمات واحسن لك وربي يرضى عنك ان شاء الله تقريبا اسعارهم ارخص 3000 ريال او 4000 ريال بس
والمسكه خذيلك ورد بكرستال عشان الطبيعي تذبل وماتستفيدي لكن هذي ممكن تستفيدي بعدين منها لتعيدي ذكرى زواجك او تحطيها باي مكان ماتروح عليك قيمتها
وخذيلك عطورات فخمه مثل نارسيزو قيمته ب 280 ريال
ومعطر فراش وفواحه وروب واجهزه و
اختم كلامي بدعواتي لك بالتوفيق والسعاده
ودعواتك لي حبيبتي وارجوا انك استفدتي من هالنصايح لانك مثل حالي وحسيت فيك
شكرالك
اختك
ريناد

صراحه الفراشه تفاحه 143كفت ووفت وأنا أأيدها في كل اللي قالته أما من جهة الطقاقات فإحنا حاجزين طقاقه إسلاميه لزواج أخوي 2500ومعروفه ومجربه عند ناس نعرفهم إذا بغيتي رقمها راح أرسلك والله ييسر أمرك ويفتح عليك

الله يتمم عليك ان شاء الله ..
وربي يسعدها تفاحه 143ماقصرت كفت ووفت ..
وكل كلامها هو الصح ..
ياقلبي لاتتكلفين بحفلة المكله .. خلي كل الاشياء ليوم الزفاف ..
خلوها عائليه وبسيطه بدون ماتتكلفون كثير ..
اما تجهيزات الزواج الله يجزاها كل خير تفاحه
ذكرت لك كل شي بالتفصيل وان شاء الله راح اسوي زي هيك ..
الله يوفقك ويوفق كل العرايس

للرفع
وربنا يوفقك ويوفق كل العرايس يارب
ويتمم لكم على خير

وربي قسم بالله ان 25 الف ماتكفي انا يخطبوني كثير والسبب انه مابي اتزوج 15 او 25 او 30 الف ابي 70الف مثل اختي بس شكلي بوافق بس ياليت وحده تراسلني على الخاص ابيها تشرحلي بالتفصيل الممل وش اشتري وش مااشتري لانه بيدفع بس 25الف وانا كشيخه ولبيسه بتاعت ماركات وحركات يعني اكيد لامسكت المهر بقش السوق قش فياليت وحده تساعدني وتقولي وش اشتري وش مااشتري لان زي ماتعرفون اهله مااتوقع يعطون هدايا ولااهلي ماعندنا هلعادات ياليت تعلموني طالبتكم

الله يسهل عليكم وادعولي انخطب واتزوج في القريب العاجل

التفاحه الله يجزاك كل خير عن النصائح الحلوة زيك والله استفدت مشكورة قلبو الله يرزقك كل ماتتمنينه يارب
امال الطفوله مشكورة قلبي وماقصرتي بس انا من مكه
يتيمه بدونة سما السعوديه والفراشه مشكورات حبيباتي على مروركن
وعد الايام الله يرزقك الزوج الصالح عاجلا غير اجلا تفرحين فيه ونشوفك كل يوم بهالقسم ان شاء الله يارب

الله يسهل عليك ويسير امورك
ويسعدك ويوفقك في حياتك والاخت كفت ووفت
الفراشه انا مثلك كنت ابغى مهر مثل اختي
وظليت ارفض واعاند وبكيت بعد ( كاني بزره ) خ
بس في النهايه اشترط عليهم المهر 50000 ومايقل واختي كان مهرها60000 وان شاء الله يكفيني
والحمدلله كل شي تم على خير
بس لاتصير مثلي لان في النهايه
حنا البنات راح نرضى بكلام الاهل وسلوبهم في الاقناع
بالنسبه على الاشياء اللي تاخذيها شوفي اللي كاتبة
الاخت راح تفيدك كثير
وابتعدي عن اسواق الاحساء مره البضاعه زفت روحي الرياض او الدمام بتلاقي بسهوله
بالتوفيق للجميع

وانا بعد مهري 20 شي يقهر تهيئ تهيئ تهيئ