عروس زواجها بعد شهر و في امس الحاجه لكم

لهجة العشاق

25-02-2022 - 09:15 pm

السلام عليكم ورحمة الله وبركاته ...
خواتي اعضاء منتدى الفراشه النسائي ...انا طايحه بمشكله وهو انو زواجي راح يكون بعد شهر وكل شئ صار بسرعه وانا الحين بحااجتكم تدلون على كل شئ انتو تعرفونه لاني اول وحده من خوااتي تتزوج ولاعندي اي خبره ...
كل اللي ابيه منكم تدلووني على مشااغل شغلها حلوه وتكوونون انتو مسوين عندهم ...وابي بعد تدلووني على محلات حق فساتين زواج حلوه ..وتدلوني بعد على خياطين شغلهم حلو ...بعد ابي منكم شغله ابي كريم العروس وين الاقيه غير اللي عند العطاارين لان بعضها تجي تقليد ابي الكريماات من مشاغل او اي مكاان تعرفوونه لاكن مجربينه انتو لان انا بالنسبه لي ماعندي وقت اجرب لانو ماقداامي الا شهر ..طبعا انا سااكنه بالدمام واذا فيها ارقام ياليت ترسلونها على الخااص ...وابي بعد زفات حلوه ...واي شئ تقدروون تساعدووني فيه ..والله يشهد على كلاامي انو لثقتي التامه فيكم انكم راح تساعدواهو اللي خلاني اكتب بها المنتدى ...
اختكم / لهجة العشااق

التعليقات (9)

وطــــــــن عمـــــــري

25-02-2022 - 11:37 pm

للاسف والله ماعندي فكرة

* ندوووش *

26-02-2022 - 12:38 am

ألف مبروك حبيبتي والله يوفقك والله ودي أساعدك بس للأسف مأعرف مشاغل بالشرقية ...

ألمتفائلهـ

26-02-2022 - 01:39 am

الف مبروك ياقلبي
بس للاسف ماعرف شي بالشرقيه .. ان شاالله بنات الشرقيه يفيدونك ..

لهجة العشاق

26-02-2022 - 02:40 am

تسلمون حباييبي ...وربي انكم اسعدتووني بردكم وباهتماامكم ...
الف شكر لكم حبايبي

دموع الفرح

26-02-2022 - 03:41 am

لو حبيتي أرسل لك التشكيلات إلي أبيعها
فخمه وراقيه جدا أشحنها لها من أمريكا وتوصل قبل شهر
بس إذا جاده بسرعه عشان لا تتأخر

نهر العطا

26-02-2022 - 04:42 am

عزيزتي
فيه موضوع تجمع عرايس الشرقيه شوفيه
وفيه موضوعين بعد لعرايس الشرقيه
واحد اعتقد اسمه ( عشان نخلي زواجاتنا اسطوريه ..) ماذكره بالضبط بس الكاتبه اسمها money مو اكيد اسمها بس انا بصراحه حافظه شكل الاسم ههه
وفيه موضوع ثاني للكاتبه تعب قلبي# وعنوانه تجمع بنات القطيف والجبيل و .... ماذكر بالضبط
والله المفروض احط لك الروابط بس اعذريني بكره عندي اختبار نهائي بس حبيت اساعدك
دعواتك
وأي مساعده تحتاجيها احنا في الخدمه

لهجة العشاق

26-02-2022 - 05:43 am

اختي دموع الفرح تسلمين ياقلبي وربي ماتقصريين وشاكرتلك هالاهتمام ...
لاكن اختي انا ابيكم تدلوون على مشااغل هنا بالدمام نااس رايحين لهم او يتعااملون معااهم من حيث المكيااج والتسريحاات وكمان من حيث تنظيف البشره وشغلات عروس والكريم الوحيد اللي ابيه اهو كريم العرووس نااس واجد دلوني على اماكن الاقي فيه كريم العروس لاكن يالغلا مو مجربينهم انا ابي نااس مجربين ...وانتي اختي فديتك ماقصرتي لاكن خلطات واشياء ثانيه هااذي عندي لاكن كريم العرووس اهو اللي مو عندي ...بس انا الحين ابي ارقاام مشااغل اسوي غندهم المكياج والتسريحه والحف وهالاموور ..وكمان يالغلا ابي محلات فسااتين زوااج لان انا ماعندي وقت اروح ادور ابي امكن تدلوني عليها وطواالي ...
عموما شاكرتلك يالغلا اهتمامك ومبادرتك الطيبه وان شاء الله يمكن احتاجك باشياء ثانيه يمكن بعد الزواج من يردي ..
تسلمين فديتك ..اختك لهجة العشاق

لهجة العشاق

26-02-2022 - 06:44 am

اختي نهر العطا ...رسيني على بر ههه.
عموما ياقلبي لفيت منتدى العرووس وقاعده ادور على اللي قلتي وان شاء الله احصلهم واستفيد ...والله يوفقك يارب بامتحان بكره وكل المواد..وشااكرتلك يالغلا على هالاهتمام ... وان شااء الله رااح ارجع لك اذا احتجت شئ واطلبه منك بما انك بالدمام ( مو مصدقه لقت لها وحده من الدمام )
اختك / لهجه العشاق

شقاوهـ

26-02-2022 - 07:45 am

في تجمع بنات الشرقيه
لحظه ادوره واحط لك الرابط
والف مبروك
وانا من جده ولا كان افدت ك ياقلبي

حمام للعروس←
لانجري واو→