عروسة جديدة وحابه استشارتكم

اهلا حياتي انا قضيت شهر العسل داخل السعوديه رحت جده والطايف وجلست اسبوعين بعدين رجعت الدمام عشان كان رمضان رجعنا قبل رمضان بخمس ايام تقريبا وطبعا جتنا عزايم من الاقارب واكيد في رمضان بدا الشغل والمسؤليه واكيد شهر العسل مافي مثله اه ياليت شهر العسل يرجع والله حياه مافي مثلها زوجك يشيلك شيل ويدور رضاك اكثر من تدورين انتي رضاه ودجه وصرقعه ووناسه وعادي ماحزنت على اهلي بس وانا رايحه يوم سلمت عليهم بكيت في السياره شوي على امي بس واخواني وكمان رمضان روعه وانتي لسى عروسه تجينا عزايم فطور وبعض الاحيان نفطر برا اما بعدها حملت وجاني وحم الله لايعيده كرهت زوجي وكرهت اني تزوجت يعني فترة الحمل كلها ملل الله يكتب الاجر ولا يضيع التعب واول ماولدت طبعا روعه وعيشه جديده خصوصا الشهور الاولى من الولاده مع ان كان بعض التجريح من زوجي بس عادي كنت مبسوطه ببنتي الله يحفظها والله اني دائما افكر بيوم الدخله وشهر العسل اه ياليت لو نعيدها بس شوي ههه وبس يعني زوجي صار يروح مع زملائه تقريبا بعد زواجنا باربع شهور بالكثير وبالتوفيق
__________________

أولا : تسلمي على الوردة يا أحلى وردة ،،
ثانيا : ربي يوفقك ويسهل أمورك ،،
إن شاء الله عرايس 2010 و2011 يفيدونك
أنا خلاص دقة قديمة ههه
بس نصيحة مني
عيشي حياتك حسب ظروفك أنت !!
وهالشغلات كلها اللي تسألين عنها تراها ديكورات مو ضروريات !!
لا تشغلى نفسك فيها كثير !!
ابحثى عن طرق كسب محبة الزوج ،، وفهم شخصيته ،، أهتمي بالتفاصيل الأساسية جدا جدا
ترى الزواج مسؤولية مو أجازة صيفية تخططين لها وترتبينها وتقضيها مع أهلك وترجعي لبيتكم مخدومة محشومة ،،
ربي يسعدك ويتمم لك على خير ،،

اذا انتي عروسه مااوصيك جنني زوجك بحركاتك وكشختك ودلعك ترى الرجال مايبون الي تستحي وخصوصا في الجنس ومو مره تكون يجريئه عاد ههه الله يسعدك يارب

الله يعطيكم العافية وماقصرتوا..
كمان ابغى اراء جديده

كيفيها بمزاجكم انتوا الاثنين وخططولها سوا

يالله بنات حابه استفيد من خبراتكم
..................

اب

انا اذا تزوجت بقولك
بس ادعولي ربي يرزقني بالزوج الصالح عاجل غير اجل

ريشة فن
صباح الخيرات ياحلوه
يالله ذكرتيني بنفسي قبل 8 شهور
كنت اسأل نفس اسألتك
انا تزوجت وسافرت اليوم الثاني على طول للبحرين وقضيت فيه يوم واحد بس
بعدين رجعت للسعوديه وجلست 3 ايام ورحت بعدها ماليزيا وجلست اسبوعين وبعدها رجعت للسعوديه وبالتحديد الدمام جلست فيها اسبوعين وبعدها رحت لأبها 4 ايام ثم مكه يوم واحد ثم جده 3 ايام وبعدها رجعت للدمام
وبالنسبه للتخطيط للسفر كان زوجي مخطط لكل شي من قبل الزواج من حجوزات طيران وحجوزات فنادق وطيران داخلي في ماليزيا لأن تنقلنا لأكثر من منطقه هناك وهذا شي ضروري عشان تستمتعون بشهر العسل
كل هالكلام اللي فوق كان في شهر ونص وبعدها رجع زوجي لدوام بس لسه مابديت في الطبخ والشغل المعروف قبل الزواج لسه عايشه في شهر العسل تقريباً بدت الحياه العمليه على قولتك بعد 3 شهور لأني بديت استقبل الناس في بيتي يباركون لي بزواجي وببيتي الجديد
انا قابلت الناس بعد مارجعت من ماليزيا يعني بعد اسبوعين ولما رجعت سووا أهل زوجي عزيمه كبيره لنا ومن بعدها جات عزايم كثيره
بالنسبه لزوجي وأصحابه ما كان يشوفهم أو يطلع معهم الا ذا وداني عند أهله يطلع حق ساعتين أو ثلاث ثم يرجع وما عمره تركني وطلع يسهر مع اصحابه الحمد لله يعني لا بد يوديني مكان مثل عند زميلاتي او اهله او اقاربي ثم هو يطلع ويقابل اصحابه
وبجد احلى ايامي كانت ايام شهر العسل احسها مثل الحلم اه الله يسقي
ولحد الحين الحمدلله ايامي حلوه كثير بس شهر العسل غير ليته ينعاد
وماتحسفت على شي بالعكس عشت كل لحظه حلوه ومافوت أي شي
واجمل اللحظات والأماكن كنت اصورها لذكرى
واذا كنتي عروس انصحك عيشي ايام زواجك بكل مافيها ولا تفوتين لحظه حلوه
دعواتك لي بالحمل
الله يوفقك