عرووس مصدومه

سلام صبايا
عسى بخير
ضايق خلقي موت ولدرجة اخاف استخف او يصير فيني شي
تو مالي شهر عروس وكلش زين ولله الحمد
البارح وصلنا من السفر
طبعا اليوم سيرو علي اهل زوجي ام زوجي وبناتها تقريبا بعضهم بسني 22 و20 والي 16
الموهيم الا الآن كلش زين
انا جهزت القهوة والحلى وبخرت البيت وللعلم زوجي مقدم على خادمه وانا رافضه ابي اخذ راحتي ببيتي وتو علخدم بدري
ويوم قرب جت الساعه 4 عصرا قلت خلاص بفضا لعمري والبس طبعا زوجي مسنتر بلبيت ماطلع ابدن ولقيته بغرفة النوم وصاحي بس منسدح قلت اص يابنيه عيب تقولين اطلع عشان تاخذين راحتك وتكشخين
تركته عادي وفتحت الكبت ومحتاره شو البس رحت طلعت تنوره برمود ومعها بدي وادخل غرفة الكبت والبس واطلع الا والطامه تصير زوجي بصوت واحد وش ذا روحي نزليه والله والله والله ماتقابلينهم كذا تهء تهء بسم الله شفيه خواته يلبسون كذا وانا دوم احضر عزايمنا جذيه وايام الملكه كذا
عقب سالته ليش قال لا وخلاص
قلت طيب يابنت اسكتي وبدلي الناس بيجون مابقا وقت
واطلع طقم بلوزة وبنطلون هم صرخ وقال لا نزلي
بكيت وقلت وش البس وشو تبي
شرايك البس مريله طبخ
قال دبري عمرك بشي طويل واسع يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ؤؤؤؤ
شدعوه وين هالموديل وليش سوى كذا
بالنهاية طلع لي تنورة موديلها واسع قال لبسيها ودق الباب وقام يفتحه وطلع اهله جو
وانا مب مصدقه الفلم الي صار
ياه توي عروس ابي اكشخ ادري بتقولون يعني الكشخه بس بلقصير والبنطلون ما ادري بس حسيت انه عادي
لبست اللبس الي طلبه وطلعت لهم وكان موجود ماكلمته ولا حرف وكنه مب موجود
ماصدقت طلعوا اهله علمغرب
ورحت اركض مثل الاطفال للغرفه الضيوف واسكر الباب علي وابكي
عقب صار يدق علي الباب ويدق وانا مطنشه لاني شوي واستخف من الي صار
لحد ماصارت الساعه 11 ونص بليل وعقب جاء وجلس يترجاني افتح وقال بكسر الباب لو مافتحتي
فتحت وقال مابي اعتذر لاني ما اخطيت وانتي زوجتي وملكي ما ابي احد يشوفك
وش هالحكي ي
ترجموها شلون محد يشوفني يعني اعزل عمري
انا لو استمر على هالشي مستحيل اقعد عنده ابد
قلت له شلون محد يشوفني قال ممنوع الضيق والقصير والبنطلون والعاري مبي حد يشوفك
بنات فيه حد مثلي لو دريت ان العرس كذا ماتزوجت ابد
نصحوني بنات هو يحبني ليش يتعامل معي بهالملكيه المستعبده
انا كنت بخبر امي بس انتظر ردودكم ولا شرايكم اروح لاهلي واعطيه درس