عزيزتي الطالبة كوني معي هنا عبر هذه الصفحة

ماما بتحبي اساعدك؟
امتحانات امتحانات
اعملك الغبرة
بدك جيبلك اشي من السوبرماركت
انا بروح انا بروح...
بدي اسمع نشرة الاخبار..بقولو في مشاكل بساحل العاج( ويرايفر دات ايز
بتعرف بابا من زمان ما زرت عمتي..بدي اجي معكم ازورها
طبعا هاي الجمل ما منحكيها او منسمعها الا بالسنة مرتين
وقت الامتحانات الفصلية المقرفة
كل شي عالتلفزيون بيصير ممتع
الزيارات العائلية للي منكون رافضين حتى مجرد ينحكى فيها بتصير طلعة
الاعمال المنزلية اللي ما منفكر فيها ابدا بتصير منفذ للتهرب من الدراسة
و هلا فترة امتحانات للكل
و في فترة الامتحانات يحلى السهر و الفرفشة و يحلى الكلام و طء الحنك
الكتاب بيصير العدو الاول
اكتر اشي كنت اكره بحياتي. ما كان الامتحان
كان الموشحات اللي كنت اسمعها قبل الامتحان
من طلب العلى سهر الليالي
(ما هيني سهرانة بتفرج عالتلفزيون
عند الامتحان يكرم المرء او يهان
شو يهان هاي؟
اكتر جملة كانت تمغصني
اتخيل انه اذا جبت علامة ناقصة اني رح اتبهدل من مجلس الجامعة العربية
و كرامتي ينمسح فيها الارض من مجلس الامن و الامم المتحدة
ولا
اللي بيدرس على ضرسه بنفع نفسة
لا هاي كانت لما ما اكل
لخبطت
و بس تخلص امتحانات المدارس بيجي التوجيهي
ولاد الجيران خلصوا امتحانات و بتسمعهم بيلعبوا برة و صوتهم طالع
و انت لازم تدرس
طبعا بتروح بتشكي
بتطلع حامل الكتاب بأيدك (انه عم تدرس
قولولهم يسكتوا مش عارف ادرس
و طبعا مش لازم تكمل عشان الكل يهب لتسكيت الاولاد المساكين
انضب انت وياه في عنا توجيهي
و هيك
بتكون ربحت ربع ساعة شكونة
و كمان نفسيا بترتاح لما ينضبوا و ما يلعبوا
نوع من اللئمنة
و اهم اشي
قدام الاهل انت مسكين بدك تدرس بس مش قادر
طبعا..صرت طالع من الغرفة و طالع
بتكون وصلت عالمطبخ..و مناسبة لساندويشة لانك جعت من كتر الدراسة
(تفشيش..الاهل ما بيقدرو يقولولك ما تاكل طبعا كل وجبة بدها عالاقل ربع ساعة
امك بتقولك روح ادرس انا بعملك ياها
و طبعا بترفض
ما بتحب تغلب الماما
بعد شوي
مش عارف ادرس صوت التلفزيون عالي
ما شاء الله عندك حاسة سمع رهيبة
مين شغل الميكروويف
مش عارف ادرس
انا رح ارسب من وراكم
اما اذا اجا سؤال في الامتحان ما عرفت تجاوبه
فاكيد اكيد بكونوا اخدوه باقي الصف يوم ما سخنت و مرضت و ما رحت عالمدرسة
سبحان الله
بتلاقي المعلمة او الاستاذ مش ماشي بالمادة الا لما تغيب
يا اخي بياخدوا نص الكتاب
و الاشي الغريب لما تتفاجا بالمادة قدامك
شو هدا ؟ داخل معنا؟ خليني اسأل صحابي
طبعا اسأل صحابي تمتد لساعة تلفون
و شو بتعمل يا ولد؟ عم بسأل
كل هدا سؤال؟
م هوة مش عارف بدو يسأل صاحبنا التاني
اما صحاب همل
التلهي بأي اشي بيصير بالبيت
طعميتوا السمكة؟
مين اجا عنا؟ مين
***
بتخلص الامتحانات
و بتيجي الاجازة الصيفية
**
و بتبدا مسلسلات كلمة انا زهئان
مش عارف شو اعمل
اتفرج عالتلفزيون. احضرلك فيلم ما كنت تحضر اخبار ايام الامتحانات؟؟
حضرتهم كلهم (طبعا ايام الامتحانات
زهئت
العب عالكمبيوتر لعبة
خلصتهم كلهم
تروح معنا عند ستك. زمان ما زرتها؟
هلا هاي طلعة؟ حرام عليكم انا متت
زهئئئئان
البلد عنا ما فيها اماكن يلعبوا فيها الاولاد.ما في ملاعب
بتلاقيهم بلعبوا بنص الطريق كرة قدم
و حاطين اكم حجر عاملينو الجول
و بتوقف بالسيارة انو..زيحوا
بتاكل ضربة طابة عالسيارة
اجا الصيف و بوكرا برجعوا اهلنا المغتربين و اصدقائهم من الدول المجاورة
و ما بضل حتى هالمساحة الزغيرة يلعبوا فيها الاولاد
مش عارفة ايمتى بدنا نغير نظام الامتحانات
ايمتى بدنا نخلي الطلاب يحسوا انه الامتحان مش مكان للاهانة
ايمتى الاسئلة بدها تكون بحدود اللي درسناه مش اسئلة تعجيزية لاثبات اننا حمير و ما منفهم
ايمتى بدهم يلغوا هالتوجيهي
فيلم الرعب اللي ما حدا فينا بنسى ايامة مهما طال فيه العمر
(لحد هلأ بصحى مرات من النوم مفزوعة انو نسيت ادرس اشي
بعدين بتزكر اني خلصت دراسة زمان
بس بلاقي قلبي بيضرب
نفس ايام التوجيهي
لما كنت انام و اضل اتزكر .في اشي نسيت اركز عليه في اشي نسيته
رعب اكتر من فيلم سكريم
و بيسألو
ليش الطالب بيكره الامتحان و ليش بخاف منه
***
الي عندو امتحان بقولو الله يوفقك و ترجعلنا بالسلامة

يلا يا صبايا
كونوا هنا معي وفضفضوا ويلي بقلبكن احكينوا
في انتظاركن

جيتكم يا ناس أشكي حالي
ترى الدراسة شيبت رأسي
المدرسة كلها مصايب ومآسي
تشوف أشكال وأصناف على الماشي
طالب كسول ومع الواجبات يقاسي
وطالب ثاني يلعب بالكراسي
إبتدت الحصة الأولى وأنقطعت وياها الأنفاس
دخل مدرس الرياضيات وبدى يوزع أوراق بلا حساس
عندكم أختبار بلا كلام ووجع رأس
وإلي عنده براشيم يطلعهم بلا نحاس
مرت الحصة وفي قلبي حرة
براشيم تخليت عنها بالمرة
تمنيت لو المدرس يطلع برة
تأكد الرسوب وحلفت ما أعيد الكرة
قضيت يومي وكلي حزن وهموم
الي يشوفني يقول الولد مظلوم
وأنا بهالرأس أهز كأني محروم
يحسبوني مريض ما يدرون عن الهموم
راسب في مادة بسيطة وكلها رسوم
ههه هلأ بفضفض لحاليي وما بترك مجال لحدا

من طلب العلا نام الليالي ***وسحب البطانيه وقال انا مالي
خذ الصفر فلا تبالي ***فإن الصفر من شيم الرجال
دخلت الامتحان بلا تحضير ***فوجدت السؤال الاول عسير
والثاني بلا تفسير *** والثالث كاد عقلي ان يطير
اللهم قرب ورقة زميلتي مني ***وابعد أعين المراقباتِ عني
اللهم عليك باستاذة اللغه العربيه *** واجعلها كعمال البلديه
اللهم عليك باستاذة الاحياء *** واجعلها كعارضات الازياء
اللهم عليك باستاذة الكيمياء *** واجعلها سخريه للسفهاء
اللهم عليك باستاذة العلوم *** واحبسها بين الفم والبلعوم
اللهم عليك باستاذة التاريخ ***واحذفها بعيدا عن المريخ
اللهم عليك باستاذة الجغرافيا ***فانها كانت من عصابه المافيا
اللهم اضرب المدرسه بقنبله *** ذريه والطلاب بعطله صيفيه