عطرك مايثبت بالرغم من انه سعره غالي تعالي وأقولك السبب

بعد ماقريت موضوع الاخت بخصوص موضوع العطور تحمست انقلكم هالموضوع اللي قريته من فتره وعرفت معلومه كنت أجهلها وأكيد في كثير مايعرفونها
كيف تعرف الفرق بين العطور‏..؟؟؟
البعض منا يشتري عطر ويتشكى
ويقول مهوب ثابت بالرغم ان سعره غالي....... ونقول .... غاشينا
والسالفة ومافيها ان مانفهم شو العطورات المركزة من العطورات الخفيفة
اولا أسم العطر
Perfume
لما تروح تشتري عطر اقلبه واقرأ من ورا شنو نوعه
اذا كان نوعه
Perfume
فهو عطر مركز جدا ويدوم إلى أكثر من 12 ساعة تقريبا
و نقطه وحده منه تقلب الدنيا . نفاذ جدا
والنوع الثاني
Eau de perfume
وهو عطر متوسط التركيز ..ويدوم إلى 8 ساعات..
والنوع الثالث
Eau de toilette
وهو عطر خفيف ..ويدوم إلى 4 ساعات ومناسب للاستعمال اليومي
ورابع نوع
Eau de cologne
وهو عطر خفيف جدا وغالبا نلقآه بعطور الأطفال ..يدوم ساعتين بالكثير

المشكلة هنا ان المحلات الكبيرة مثل دبنهامز ووجوه وغيرها
يبيعون نوع
Eau de perfume
بسعر
Perfume
ونحن يا غافلين لكم الله ..
شدوا حيلكم على عطوركم قلبوها ههه