عطوني حلول تكفون تعبت

1. أنا صار لي متزوجه 7سنوات. مرت علي ايام حلوه وأيام مره مثل كل الناس.


2. الملخص ابغاكم تساعدوني بهذا النقاط


3. اول شي. كيف اخلي زوجي يثق بقدراتي.

السلام عليكم ورحمة الله وبركاته
تقبل الله منا ومنكم صيامنا وقيامنا
أنا بدخل بالموضوع على طول

أنا صار لي متزوجه 7سنوات. مرت علي ايام حلوه وأيام مره مثل كل الناس.

صارت لي مشكله يابنات مع زوجي من يومين. وجلست افكر ليش مشاكلي معه كثير ليش قلبي ما حبه وليش ما احس بحبه
وليش أطفالي مهبولين ومرجوجين مو مثل اطفال سلافاتي هادئين ويعرفون ايش يبغون أنا الحق بنتي وهي تصيح بس بعرف ايش تبي وبعد ما امتر أنا وياها البيت اعرف انها تبي مويه او عصير. ماعندي نظام ببتي و لا بحياتي عايشين بمشاكل وعشوائيه لأبعد الحدود. بس نصارخ على بعض وعلى عيالنا. ودايم طفشانين ومتوترين واذا جئنا بنطلع نجلس ساعه نفكر وين بنروح. واذا طلعنا تتهاوش او نرجع معصبين لان العيال طفشونا.
أنا قررت اغير أسلوبي. وأحسن بيتي. اول شي علاقتي بزوجي. يابنات زوجي كسول لأبعد حد تخيلو جلست سنه ولمئات البيت خربانه كل يوم يقول بكره.

الملخص ابغاكم تساعدوني بهذا النقاط

اول شي. كيف اخلي زوجي يثق بقدراتي.

تخيلو زوجي ماقد عزم احد يقول ما عندك احد فاهم. بالله ايش رايكم اذا قلت اعزم إهلك ينظر فيني من فوق لتحت يقول أشلون أعزمهم. انتي ماتعرفين تسوين شي. والله يابنات انه يشرب قهوتي ويأكل اكلي وبعدين يسبه. ويقول جاني مغص من أكلك
واذا اتصل احد يصرفه. واذا تهوشت معه قال البيت مايجمل. واذا غيرت ترتيب البيت مايعجبه. للاختصار مايثق باي شي اسويه او اقترحه.
ثاني شي. كيف اخليه يحب اكلي مايعجبه شي ابد مع انه يلحس الصحن. بس عمره ما مدح اكلي. بالعكس يسبه
تعلمت وطبخت وكل اللي ذاق طبخي يمدحه الاهو.
ثالثا كيف اخليه يصرف على البيت اول الزواج كان هو يروح يشتري الطلبات. ومرت عليه سنه كان مشغول فيها صرت اطلب كل شي من البقالة حتى الخضار حتى الصيدليه توصل لي وانا ادفع. أنا موظفه.
الحين اذا قلت ابي شي يقول اطلبي واذا قلت ماعندي قال خذي من جيبي القا جيبه مافيه الا خمسه والا عشره. واذا تهاوشنا قال ما أني جايب تصرفي.
رابعا
كيف اخليه يصير مبسوط معنا. اذا جلسنا بالبيت ازعجونا العيال صياح ومهاوش. واذا طلعنا بروحنا تستأنس بس نرجع وبداء المهاوش طفشتوني ازعجوتني انتي وعيالك. واذا طلعنا مع العيال الله لايوريكم طقاق.
والله يابنات ودي اجلس عصريه على قهوتي معه والعيال حوالينا. ( بعد رمضان طبعا ههه) بكل هدوء بدون مايزعجونا المشكله العيال اذا سمعوه يناتر ويهاوش يزيدون ويلصقون فيه.
الله يسعدكم ساعدوني. بديت احس بالاكتئاب كل حياتي مهاوش وقل تقدير وعيالي راحو فيها لو ترسلين الواحد يجيب اللي وراه متفهم ولا ركز معك. ام الفهاوه أنا وياهم.