عطوني رأيكم الله يعافيكم

كلي حـلا

26-05-2022 - 11:47 am

السلام عليكم ورحمه الله وبركاته
حبيت اسألكم عن..................
مارأيكم أيهما أفضل دخول القسم العلمي أم الأدبي؟؟؟؟؟؟؟؟؟؟؟؟
وماالسبب في ذلك؟؟؟؟؟؟
محتاره ابغى جواب صريح الله يعطيكم العافيه

التعليقات (9)

الكوكب المهجور

26-05-2022 - 03:11 pm

طبعا الادبي
لانة اريح كثير من العلمي
انا من النوع الي يحب يحفظ واكرة التعقيد والمسائل
بعدين الادبي فلة مرة
وانتى وميولك

متمرده عالواقع

26-05-2022 - 04:12 pm

ياقلبي اول شي اسألي نفسك انتي تحبين الحفظ والا االفهم ؟؟
لان الادبي يعتمد على الحفظ
والعلمي الفهم
اناكنت علمي وفليتها لا وكنت شاطره
يعني علىحسب شخصيتك يقيدك العلمي او لا
وبالتووفيق ...

كلي حـلا

26-05-2022 - 05:13 pm

يعطيكم ألف عافيه
ابغى اراء ثانيه لوتسمحون

طموحي نجاح ورجائي الفردوس

26-05-2022 - 06:14 pm

أولاً : الاستخاره .. ادعي ربك يكتب لك الخيره ويسهل لك القسم الي بتكون خيرتك فيه ..
ثانياً : ميولك .. هل انتي مهتمه تحلين مسائل وتفكرين وإلا بس اجوبة حفظ وغيرها ...
ثالثاً : مستواك .. ( شوفي شهادتك اولى ثانوي وقارني درجاتك بالمواد العلميه عن الادبيه )
رابعاً : مستقبلك .. ( ايش تحبين تتخصصين بعد الثانوي )
خامساً : بعد ماتشوفين كل هالاشياء الاربعه ، اكيد بتاصلين بقرار ، فالشي الخامس ( التدوين ) ثم ( المباشره بالدراسه )
وَ ألف توفيق ..

صووصاا

26-05-2022 - 07:15 pm

أنا أولى ثانوي بس حبيت أقولك
لا تقولين ميول و حفظ و فهم
كلهم فيهم حفظ و فهم بس واحد أخف من الثاني
العلمي أكيد أضمن لك و لمستقبلك .. أما إذا كنتي ناوية تتزوجين على طول و مالك بالجامعة و الدراسة ادخلي ادبي
أما لو صدف تبين تكملين حتي لو القسم يدخلونه أدبي
يظل العلمي أضمن و إمكانيات أكثر .. لأن العلم يقدرون يدخلون التخصصات الأدبية ، بس الأدبي ما يقدرون يدخلون التخصصات العلمية لو ايش
هذا رايي و انتي بكيفك ... بس أنا أشوف العلمي حتى لو مو مرة شاطرة هي كلها سنتين شدي حيلك و بتجيبين أعلى معدل

,,أبصرشو,,

26-05-2022 - 08:16 pm

شوفي وين تلقين نفسك
انا طول حياتي وانا اقول لا علمي بدخل علمي وعع وش يدخلني ادبي اتعب وادرس وفي اخر شي نهايتي ادبي
يوم جيت اولى ثانوي وفهمت وش السالفه لقيت نفسي في الادبي اكثرر
ومارح اقولك وش اصعب وش اسهل لاني ماجربتهم كلهم بس الادبي اذا انتي بمدرسه ماتساعد اعتقد انو الجغرافيا موش حلو والنحو برضوا وع هذي كانت اكرهه مادتين عندي في ثالث
وفي النهايه نصيحه ادخلي على ميولك والي تحسين بتتحملينه
وبس

احـــاسيس~

26-05-2022 - 09:17 pm

ياقلبي اول شي استخيري
وبعدين شووفي نفسك انتي قادره ع الحفظ او الفهم
لأن العلمي يعتمد ع الفهم اكثر والادبي ع الحفظ
وكمان شووفي درجاتك بأولى ثانوي ايهم اعلى المواد العلميه او الادبيه ..
وع هالاساس تختاري ..
والاخت اللي تقول العلمي مستقبله اضمن ..!!
يالغلا انا اختي متخرجه تقريبآ لها 4 سنوات تخصص علوم ورياضيات
وللآن مااتعينت !!!
وخالاتي وحده كيمياء والثانيه فيزياء وللآن ماجاء تعيينهم مع العلم انهم متخرجات اكثر من 10 سنووات..!!!!
يعني العلمي والادبي صار مستقبلها واحد وفي النهايه
مالنا غير المدارس الخاصه وان حصل وجاء تعيينك بيودوونك
بآآخر الدنيا ...
انتي استخيري وربي يكتب ك اللي فيه الخير ..

mis_roo3ah

26-05-2022 - 10:19 pm

وانتي وميولك شووفي وش أكثر تميلين له ,,
موفقه يارب ْ ^_^

كلي حـلا

26-05-2022 - 11:20 pm

وه بس يالبى قلبكم ريحتوني
مشكورات يافراشاتي

نقل من غرب آلريآض ل جآمعه آلآمآم بآلبططحآء حيآكم←
عاجل لايفوتكم عميدة كلية الدلم بالخرج→