عطوني رايكم

1. هلا يا فراشات كيفكم ....


2. بكتب لكم قتصي وعطوني رايكم >>>> مالي في المقدمات

هلا يا فراشات كيفكم ....

بكتب لكم قتصي وعطوني رايكم >>>> مالي في المقدمات

أنا تزوجت زواج حب يعني ولد عمي يحبني هو يقولي يوم كنت صغيره استحي منه ما اجي عنده ولا اكلمه ولا شي هو يقول عشان كدا حبيتك ومرت السنين و كبرت وصرت تاني متوسط و حبني اكتر وهدا كلو أنا ما أعرف انو يحبني ويبغى يتزوجني وصرت تالت متوسط وعرفت أنو يحبني بنت عمتي قالتلي وحطيتو في بالي ماشاءالله على طول ههه سن المراهقة تعرفون كيف.... وبعد فترة بنت عمي تجبلي اخباره من عند عمتي وعمتها نفس الوقت ونفس الشي.......... هو يدرس في الجامعه اخر سنه له وأنا أولى تانوي يعني هوا ماشاءالله يعرف عني كل كبيرة وصغيرة (يحبني لازم يعرف كل تفاصيلي ) هو جالس في بيتهم يشوف جات الساعه وحده يقوم بسرعه يصلح شعره و يركب السيارة كنت اجي من المدرسة في الظهر كان يستناني عند البقاله بالسيارة بس يبغى يشوفني وانا كمان اشوفه من بعيد وما انتبهلو أساساً ما اطالع في السيارات امشي في حالي كل يوم على هدا الحال و ما انتبهلو ............وخلص الجامعه وصار مدرس وقدم على وظيفة بس ماجاه الموافقه وجاء خطبني كنت تاني تانوي بس أبويه قال خليها تخلص دراستها اول قلنا طيب خلصت التانوية وبنت عمي تزوجت إلى تجبلي اخباره وبعد فترة بسيطه تشرعت يعني تزفت مرا تانيه في زواج بنت عمتي وقالتلي أنو هوا وابوه جو خطبوني وقلت لا ما صار شي قالت إلأ بس شكلو اهلك ما علموك يمكن والهرجه التانيه ما قدرت تعلمني لأنو جو الحريم عندها ماشاءالله واليوم التاني كلمتني وقالت فلان يبغى يكلمك موافقه ولا لا وأن من الغباء الزايد وافقت على طول (حبيته ) أيش سوي .. وكلمني وأنا وجهي ألوان لأني طبعي خجوله جداً هو يتكلم وأنا ساكته بالقوا الكلمه تطلع مني كلمته مرتين أو تلاته وعرفو اهلي خاصومني بهدوء مو ضرب و هواش لا بكلام طيب.... لأنو هو يكلم بنات كتير وبعدها خفت يقول عني كلام مو حلو وأنا والله طيبه جدا وعلى نياتي وما اعرف الكلام الوسخ مرا وترى طول المكالمات تقربياً ساكته هو يتكلم بس ... وبعد شهرين جاء خطبني رسمي وافقت وصارت الملكه الحمدلله وبعد شهر الشبكة وجات المكالمات وطبعاً أنا ما اعرف ولاشي إلي يصير في الزواج مفهومه .... هو علمني مستغرب وفرحان عشان يعلمني الي يبغاه بس وكان كل أسبوع يجني مرا يجلس 5 أو6 ساعات ماشاءالله وبعدين يروح وجبلي هدايا ( عطر وبودره جسم - خاتم دهب - تعليقه دهب - جوال جابه يوم الشبكه) وجاته الوظيفة بعد الشبكة ..... المهم اتفقنا بعد ازواج نروح الطايف يومين والمدينة تلاته ايام وجدة يومين عشان اجازة اسبوعين بس موظف جديد ما يعطونو اكتر من كداقلت طيب وجاء الزواج الحمدلله كلو تمام و حلو ..مر اسبوع من الزواج ما شفت إلى أتفقنا عليه كلمته يقول طيب أو بعدين سكت بعد كم يوم تكلمت يجب اي عذر انو ما يبغى يوديني كنا بس نروح نتغداء في المطاعم والعشاء احياناً .... كلمته قلتلو شرايك خلينا نروح البحر قال لالا ... ليش .؟ بس كدا قلي خلاص وعد الخميس الجاي اوديك وجاء اليوم هدا ما وداني دايم يوعدني وما ينفذ كلامه وبعد شهر راح مع اصحابه البحر و زعلت جلست ابكي وهو ولاشي يضحك وراح ولا فكر فيا كل ما اقوله ابغى اتمشي بغير جو يا يقول طيب أو بعدين أو مو فاضي أو ما عندي فلوس أو و المهم أي عذر يجب عشان ما يوديني أنا ابغى زي البنات حتى السوق مايوديني يقولي روحي مع اهلك احيانا ابغى اخرج معاه انا وياه بس نغير جو يقول روحي مع اهلك ادا فيه خرجه يقول مع اهلك يعيد نفس الكلام أما هويخرج يتمشى عادي انا لا ممنوع مر من المرات قبل فترة قلتلو اليوم عندك شغل قلي ليش ..؟ بس كدا بعرف ... ايوا عرف قصدي ابغى نتمشى طفشت ...... صدفه نفس اليوم اهلي راحو البحر فجىء انا رحت جلست بيت اهلي وهو كلمني عالجوال جالس يقول يا حرام اهلك خلوكي ما كلمو شفتي كيف ما يبغوكي يا حرام ضعيفة شفتي اهلك طنشوكي راح يتمشون وانتي جالسه لحالك و أنا خلاص عيوني غرقانه دموع قهرانه منه ماسكه نفسي عشان اهلي لايجون ويشفوني ابكي لنا تقربياً سنه وكم شهر ماشاءالله متزوجين..... ما عمره قلي هيا نتمشي اليوم ......... صح ما يوديني اي مكان بس يحبني موت ويخاف عليا وياغا ار جداً عليا لو رجال طالع فيا يتجنن يجلس يهاوش فيه افرح إدا شفته يغار شكلو توحفه ههه هو مو مقصر ولا فشي ماشاءالله بس ابغى يتعود يمشيني ................... كل الصفات الزينه ومو زينه فيه
سامحوني الكلام مو مرتب أول مرا اكتب قصتي
(ادعولي )
اكمل الباقي مرا تانية لأني تعبت