عطوني مشورتكم بمخطط بيتي

بنت بطوطه

26-01-2022 - 05:35 am

أخواتي في منتداي الغالي ودي تساعدوني مالي غيركم بعد الله لاتفشلوني مع
أبشركم شرينا أرض مساحتها 400
لكني والله محتاره بالمخطط مالقينا ألي يناسبنا
اتمنى يكون الدور الأرضي أستقبال مجلس رجال ومقلط وصالات النساء يكونن مطلات على حديقه صغيره على قد الأرض ومطبخ مفتوح
ا تكفون عطوني أقتراحاتكم و صور مخططات
واللي بتساعدني لها دعوه بأخر اليل

التعليقات (7)

أخر وحده

26-01-2022 - 09:14 am

حبيبتي فكرتك حلوه بس نصيحه مني احرصي يكون في وجه باب الدخول صاله واسعه افضل من الممرات الضيقه
الصاله تخلي البيت شرح وواسع
كمان المطبخ المفتوح روعه انا مسويه مطابخي الأثنين مفتوحه طبعا اللي في الأسفل في قسم الضيوف والنوم
وعندي ملحق مسويه مطبخ مفتوح على غرفة المعيشه وحمام الله يكرمك وغرفه تانيه شبه مستودع
فيها العاب والكمبيوتر واكوي فيها وكده افضل تلاقي القسم اللي تحت دايما نظيف
وربي ييسر اموركم وتتهنوا يارب

بنت بطوطه

26-01-2022 - 10:15 am

وش دعوى
30 قارئة بدون ردود لاتخيبون ظني فيكم يا أخواتي
الف الف شكر لك (اخر وحده)
على النصايح الحلوه
ربي يسعد ايامك ويلبسك اثواب السندس والاستبرق في عالي جنته والجميع يارب
أقل شي ارفعو الموضوع تراي
ومنتظره ارئكم الحلوه

فراشة سوبر

26-01-2022 - 11:16 am

حبيبتي بنت بطوطة إذا تبغين مخططات رائعة ادخلي على موقع المهندس مروان عاشور
وسوف تجدين مايسرك واتمنى ان اكون افدتك ولا تنسين الدعاء لي بصلاح الابناء

بنت بطوطه

26-01-2022 - 12:17 pm

أفا ا
لرفع

ياقوت الحلوه

26-01-2022 - 01:18 pm

الدور الارضي خليه مجلس رجال وتابعه حمام صغير ومجلس نساء وتابعه حمام صغير ومطبخ مفتوح ومطبخ ثاني صغير بره تسو فيه سمك واشياء وصاله اليكم وحمام وغرفه لجلوس اليكم وغرفة غسيل

((نونا))

26-01-2022 - 02:19 pm

ماعندي علم والله بس حبيت ارفعلك موضوعك

عاطله1

26-01-2022 - 03:20 pm

الف مبروك الارض
تبين التخطيط الي يفتح النفس شفته في فلل الضباط في اسكان الحرس الوطني
اتوقع مساحه الارض نفس مساحه ارضك
لو تعرفين احد ساكن هناك او احد من الفراشات تفيدك
لانه روعه
الدور الارضي الباب الرئيسي في صاله تشرح الصدر وفيها مجلس ومقلط ومطبخ اساسي ومخزن(مستودع)
ومجلس حريم و غرفه طعام للحريم بعد بالحمامات الله يكرمك
الدور العلوي صاله كبيره تفتح في سطوح و 4 غرف نوم مع غرفه رئيسيه بغرفه الملابس فيها والحمام الله يكرمك
موفقه

روعه شوفو هل مجموعة من كنب الزاوية الروعه←
افكار لاستغلال الزوايا الفارغة في منزلك مع الصور روعة→