عطيتهم درس وشريت كرامتي

1. طبعاً فرحت مرره وقلت طلعه أشوفه


2. طلع القماش مطرز ؟؟؟؟


3. اليوم الثاني

بسم الله الرحمن الرحيم
السلام عليكم ورحمة الله وبركاته
مرحبا اخواتي
كيفكم إن شاء الله طيبين
طبعا هالأيام البنات كلهم محتاسين مع الزواجات والاستعداد لها وأنا مثلكم .....
دورت بالانترنت على موديل يعجبني لأنو ما أعجبني شىء من الجاهز بالسوق ..
ولقيت موديل أعجبني مرة وقلت أنفذة وارتاح
رحت اشتري قماش وطبعاً توجهت إلى (محل بازار بالعليا مول)
وشريت قماش سادة كلفني 1200 ريال ورحت للخياطة معي الموديل المطبوع من الانترنت شافته الخياطة قالت الموديل ماهو واضح خلينا نسوي بدل( التطريز و الشغل اللي في الموديل) دانتيل نركبة على القماش ....
طبعاً أخذت الموديل وسويت جولة على السوق ابحث عن الدانتيل المناسب
وين رحت ؟
طبعاً رجعت لبازار محلي المفضل وطلعت صورة الموديل اللي عندي وقلت له أبغى دانتيل مشابهه للشغل اللي في الصورة
قال لي القماش اللي في الصورة عندي .......!!!

طبعاً فرحت مرره وقلت طلعه أشوفه

طلع القماش مطرز ؟؟؟؟

القماش ما تشترينه ولا بعشرة التل مرة خشن والتطريز مرة شين ماهو زي اللي في الصورة طبعاً الموديل من مجموعة( 2008 )لمصمم معروف والموظف اللي في المحل يستغفلني !!!! يقول هذا قماش المصمم والكذبة الكبيرة إن الموديل في الصورة لونه اسود ومطرز بالذهبي والقماش اللي عنده اللون البني مطرز بالذهبي أما الأسود مطرز بالبيج وأقول ليه الألوان غير؟
يقول لي الصورة اللي معك عاملين لها مونتاج !!!!!!
طبعا القماش سعر المتر( 980 )حسيت العملية فيها نصب واضح واستغفال
طلعت من المحل ورجعت بعد يومين لأني ما لقيت الدانتيل وقلت اخذ منة الصورة أصورها لأنها واضحة واخلي الخياطة تطرزها .
وياليتني ما رجعت...............................
قلت له عطني الصورة قال ما أعطيك الصورة إلا إذا اشتريت القماش الخاص بالموديل . قلت له أنا شارية منك القماش السادة قبل ما أشوف القماش
بس أبغى أطبع الصورة
طبعاً الموظف رفع صوته علي وشوي ويطردني من المحل وأنا أكلمة بهدوء وهو يصرخ تقل أنا اصغر عياله
تنرفزت وقلت عطني رقم صاحب المحل وأنا أتفاهم معه – الأخت عشمانة في صاحب المحل –
رحت البيت واتصلت على الإدارة وقلت له اللي صار بالتفصيل
الرجل اللي كلمني ما قصر وقال لي مالك إلا اللي يرضيك وأرسلي سواقك يأخذ الصورة ..............

اليوم الثاني

رحت اليوم الثاني للمحل اخذ الصورة طبعا الموظف سوى نفسه ما يعرف شي قلت له عطني الصورة رفض طبعا اتصلت على الرجل اللي كلمني في الإدارة وقال لي راعي الحلال بيجي المحل بعد شوي وتفاهمي معه قلت له أنت وعدتني لاتفشلني قدام الموظف قال ما يصير إلا كل خير ....
طبعا جاء راعي الحلال الرجل اللي كان دائماً بالمحل لما كان ما عندهم إلا فرع واحد بالعقارية إذا تعرفونه .
كلمته وقلت له إن الموظف رفع صوته علي وأنا أبغاك تأخذ لي حقي منة أنا أنهنت وتفشلت وجيت بناء على وعدكم وتبيني اطلع زعلانة .....
تملص الرجل وقال أنا مو صاحب المحل أنا مجرد موظف والنظام ما يسمح أني أعطيك الصورة بدون ما تشترين القماش ( طبعا هذا كله كذب ) أنا صلاحياتي اخصم لك 30% تبغين أكثر من كذا ؟؟؟؟؟؟
هذا الكلام لأنة ما يقدر على موظفينة وما يبي يزعلهم بس أنا عميلة المحل نتهان كرامتي عادي .
طبعا أنا عندت الحين ما أبي الصورة أبغى استرد كرامتي قلت له اشتري قماش وتعطيني الصورة قال طبعا .
طلبت متر فقط من القماش (المطرز ,الشين ,التقليد) وعلى طول قص لي متر قماش وطلبت خصم علية طلع قيمة القطعة( 680ريال).
هنا عرفت أنهم ماديين ما يهمهم إلا الفلوس .
أخذت القماش وأخذت الصورة .....................بس وش سويت ؟؟؟؟؟؟؟؟؟
رميت القطعة في وجه الموظف وطاحت في الأرض وأخذت الصورة ومزقتها ورميتها في وجه صاحب المحل
وبردت قلبي فيهم .
أنا ما تهمني الفلوس قد ما تهمني كرامتي ما يهيني الموظف ويرفع صوته علي وأنا ما سويت شي لاسرقت ولاطلبت أكثر من حقي واشتريت كرامتي بفلوسي ..............
واعطيتهم درس في فن التعامل مع العملاء .........
ايش رايكم بنات
يهمني اسمع صوتكم