علاج فعال للارتكاريا مجرب اكيد وآخر للاكزيما

1. الافضل المكوث في جو بارد يعني مثلا غرفه يكون شغال فيها المكيف

انا كتبت هالموضوع لكثرة الي يعانون منه ولايعرفون العلاج
لانه من جد هالمرض معاناة وهذي نبذه عنه
الارتكاريا او الشرى
مرض جلدي وهو عباره عن حساسيه حمراء تنتشر بالجسم وتصاحبها حكه شديده لاتستطيعين مقاومتها
وتنتشر بشكل مميز يعني مو على شكل حبوب مثل قرص الباعوض لا ، يكون لها شكل مختلف اما على شكل خطوط او بقع كبيره وقد تشمل الجسم كله او تظهر في منطقه ثم تختفي وتظهر في مكان اخر وهكذا
ممكن تسبب ضيق بالتنفس و وتورم بالحلق والام بالعظام
هي تصيب اغلب شي الي تكون مناعتهم ضعيفه يعني لازم لازم اتباع نظام غذائي يزيد المناعه للجسم
المهم نرجع للموضوع
اختي اصيبت بهذه الحساسيه فجاه
وراجعنا الدكتوره ووصفت لها حبوب وكرتزون وابر استخدمتها ومافيه فايده بس مع الابر تخف وترجع مره ثانيه استخدمت 4 ابر بس اخر ابره كان مفعولها احسن من الي قبل
وخلال بحثي بالنت لقيت قليل من التجارب والعلاجات وجربناها
الخل وخللطة القسط الهندي مع العسل والمطهرات ومامنها فايده وقريت مره موضوع لوحده ذكرت ( طين البحر الميت ) فتذكرت محل يبيع عندنا منتجاتهم فشريت منهم الطين + صابونه
واستخدمتها والحمد لله راحت الارتكاريا وراحت الحكه تمام خلال يومين
طريقة الاستخدام :
تدهن جسمها كله بالطين وتنتظر لين تنشف ثم تغسله
هو يسبب جفاف للجلد لكن يمكن الترطيب بكريم طبي غير معطر
ملاحظه :
الي يعانون من هالحساسيه لازم من حميه غذائيه لان فيه انواع من الاكل يزيدها
مثل الشوكلاته والبيض والسمك ...
الابتعاد عن الاسبرين والمضادات الحيويه بتاتا لانهم يزيدو الطين بله
والجو والمكان الحار والرطب يساعد على انتشارها

الافضل المكوث في جو بارد يعني مثلا غرفه يكون شغال فيها المكيف

ونلاحظ انها مع العلاج بالطين تختفي اول شي من المناطق المعرضه للهواء اما المناطق الداخليه مثلا الافخاذ من داخل تحت الابطين وكذا ...... بس يصير تعرضي هالمناطق للهواء يعني البسي شي خفيف خصوصا وقت النوم
والحاله النفسيه لها دور يعني القلق والخوف من انها ماتتعالج لان فيه اطباء يقولون للمريض لازم يتاقلم مع المرض لان ماله حل نهائي وبكذا ياثر على نفسية المريض فيستسلم ، مع ان الرسول عليه السلام قال : مامن داء الا وله دواء
لكن مع التجارب والحرص على مصلحة وصحة الغير احنا هنا نتبادل التجارب للمصلحه العامه والكل يستفيد
وعموما طين البحر الميت ينفع مع جميع انواع حساسية الجلد مو شرط الارتكاريا فقطكمان علاج للاكزيما
انا اعاني من الاكزيما برجولي وكل شي استخدمتها ولا فيه فايده
قريت ان املاح البحر الميت مفيده جدا لها
فبكره ان شاء الله بروح للمحل واشتري منه الامراح واستعملها وباذن الله راح اكتب لكم تجربتي معه
بالنسبه لاكزيما الاطفال بالجسم هذي الطريقه :
تعبي البانيو مويه وتضيف ملعقه من الاملاح وتخليها تذوب بين المويه
وتجلس الطفل فيه اول مره راح يحس بقرصات وحرقان خفيف لكن غير مؤلم
هذا نتيجة دخول الملح للجروح حق الاكزيما الناتجه عن الحكه
بس شوي ويتعود يصير عادي
وكل يوم شوي له هالحمام من بعد اسبوع راح تحسين بتحسن بالحاله استمري لين تنتهي المشكله مره وحده
وبعدها يصير خليه في فترة نقاهه يعني بين فتره وفتره اعملي له حمام الاملاح لين تتاكدي تماما من انتهاء المرض
والف عافيه على الجميع
واي سؤال ان شاء الله انا في الخدمه