علاج لتساقط الشعر والشعر الخفيف من اخت ناصحه

1. مراحب حبيباتي


2. راح اقولكم قصتي من طأطأ الى السلام عليكم


3. ماء الحناء:


4. الان نجي لزيت وهاذي اهم نقطه:

مراحب حبيباتي

راح اقولكم قصتي من طأطأ الى السلام عليكم

احنا عندنا مشكله وراثيه بالعائله ككل وهي الوحده وهي صغيره يكون شعرها تمام التمام كثيف وناعم وحلو بس تبدا تدخل العشرينات يبد الشعر يتساقط تدريجيا الى ان تبان فروة الراس من كثر ماهو خفيف وهذا شي يتعبنا نسيا بصراحه مانعرف نسوي تسريحات مثل العالم والناس مانعرف نقصص شعورنا يعني تكون حالة شعورنا الله اعلم فيها....
طبعا حنا ماقصرنا مابقينا مستشفى سواء صغير او كبير مارحنا له مابقينا استشاري ذكر لنا مارحنا له مابقى طب شعبي ماجربناه يعني بالعربي كل دواء جرباه مافاد ماعدا طريقه وحده هي الي فادة اول شي سوته وقفت التساقط بشكل نهائي ثاني شي بدا الشعر لمعان ونعومه وبدا يطول ويكثف لدرجه ملحوظه والكل لاحظ وقام يسأل
ماودي اطول عليكم راح اقولكم وشو الدواء وهي عبارة عن حناء تعجن على ماء وزيت الحين بقول لكم طريقة الماء والزيت

ماء الحناء:

ماء+بصل مقطع+ثوم مقطع+ملعقة زنجبيل+ملعقة مسمار(قرنفل)+ملعقه كبيره ورق شاي+ملعقه كبيره كركديه(غجر)_طبعا تحطين المقادي على حسب حاجتك ونترك المقادير تغلي على النار لمدة ثلث ساعه تقريبا ثم تصفى ويستخدم الماء فقط

الان نجي لزيت وهاذي اهم نقطه:

راح نستخدم دهن الجرجير وهذا يختلف عن زيت الجرجير تلاقينه عند العطارين بقوارير تعبأة باكستان مو جوالين ميزته انه حار على فروة الراس يعني ينشط الدوره الدمويه وريحته قويه مره مثل الفجل يبيلك دواره على العطارين لين تلاقينه
راح نعمل مخلط الزيت وهو:قارورة زيت الجرجير+قارورة زيت املا الاصلي+قارورة زيت الخروع_نخلطهم مع بعض ونستخدم منهم مقدار بياله
اخر شي راح نعجن المقدار الي نبيه من الحنا مع ماء الحناء ومقدار بيالة من مخلط الزيت وتوضع لمدة ساعتين على الشعر كأي حناء عاديه بس من تحطينها راح تلاحظين ان فروة راسك صارت تحرك
جربي هذي الطريقه مرتين اسبوعيا وراح تلاحظين كلامي هو صحيح او لا!!!
بس صدقني راح تدعين لي والتجربه خير برهان.....
ارجوا اكون افدتكم
لا تنسوني من دعواتكم بان الله يصلح لي شأني في جميع الامور وخاصه مع زوجي