علاج لفقر الدم

ياختي خلوه يآكل اكل فيه حديد زي مثلا الخس وخليه يداوم عالحديد ضروري

هلابك اختي
اول شي الله يشفي اخوكي ومرضى المسلمين اجمعين
احسن شي لفقر الدم الزبيب واعتقد الاسود افضل لكن اذا ماتقبله اعملي عجينه من التمر المعجون وزبيب وسوي كور وغمسيها بالسمسم هذي اكله مفيده ومقبوله وبتعوض الدم كثير والله يشفيه لكم يارب

اول شي سلامة اخوكي والله يشفيه والله يااختي انا كان معايا فقر دم وكنت اتعب منه كتير بس استعملت العسل الاسود تعرفيه وادا ماتعرفيه روحي لاي عطار واسائليه عنو وادا مالقيتي ارسلي على الخاص وانا اقولك على محل بطايف يبيعوه الله يشفيه يارب

بسمالله الرحمن الرحيم 00عزيزتي انا كان معاي فقر الدم قوي والله ثم والله ماكنت احب الزبيب لاكن صدقيني علاج يد بيد سويه عصير افضل شي 0اغسليه قد مثلاكيلو ونقعيه بماء قد10كاسات بعدين لماء المنقع فيه لاتكبيها اطحنيه بطحانه الملوخيه وصفيه زين وضعيه بالاثلاجه بجيك وازمايحب طعمه حطي عليه قليل من عصير التوت وملعقه قرفه مطحونه وادعيلي0000000000000000000

أهليين يااقمر
ربي يشفي أخووك انشالله
والله انا كنت أعاني من فقر الدم والبواسير والحمدلله خفت كثير
وترا حبوب الحديد ماتفيد لاازم تغذيه معاها
شوفي الزبيب الاسود مره كويس وبرضو العنب الأسود
والتين الي يجي مجفف مرره جيد بعد
وفيه الموز بعد حلوو بس يقولون يجيب امساك
وهوا أصلن حبوب الحديد تجيب امسااك ف خليه يكثر اوراق خضرا الكبسه لا ياكلها الا بجرجير ولا خس واي سندويشه لازم يحط فيها خضره تسهل عليه الامسااك وبرضو كويسه فيها نسبة حديد
ربي يشفيه انشالله يارب

اعملي محلى بالتمر والبر يؤكل منه يوميا لمدة شهر والنتيجة طيبة بعد شهر إن شاء الله
الكبدة مشويه او مطبوخة يؤكل منها 3 مرات بالاسبوع وبعد شهر النتيجة طيبة إن شاء الله
وإذا عنده نقص واقل من 9 الدم يفضل يروح مستوصف وبيعطونه ابر حديد
طريقة عمل المحلى سهله باختصار يذوب التمر خلاص كيس كامل في شوي ماء ثم يضرب بالخلاط مع كاس دقيق البر وكوب من الماء ثم يوضع على نار هادئة لمدة نصف ساعة او ساعة ويرش عليه فلفل اسود مطحون وشوي سمنه فارم او زبدة
ويؤكل يوميا لمدة شهر كامل وإن شاء الله بتشوفين كيف النتيجة بإذن الله
دعواتكم
وسلام

كل يوم نقعي بكاسه زبيب أسود من ساعه إلى 3ساعات وبعدها إخلطيه مع مويته ولازم يكون طازج

الأخت دلوعة الأحلام ... تحية ,,,
طبعا الأخوات ماقصرو وعطوك معلومة عن الزبيب الاسود والكبدة وغيره... لكن حبيت اشير لك بأن فقر الدم مو بس من الحديد لكن مرات كثيرة هناك اشياء ثانية.
عموما الحديد لازم يكون مع حمض الفوليك ليساعد على امتصاصه وفيتامين سي ضروري معاه.
شي ثاني لازم تعرفيه ,,, ان هناك فيتامينات كثير نقصها سبب من انواع فقر الدم .. وانا هنا اشوف ان عند اخوك نقص في فيتامينات ب وهذا واضح في الامساك اللي كان يعانيه . ولاتنسي فيتامين هجري اللي نقصه يسبب قتل لخلايا الدم الحمرا .
وعلى فكرة طبعا هو عنده تساقط شعر أكيد .
طبعا ابي منك انك تشوفي بعض اظافر يده إذا فيها نقط بيظاء فأعطيه (بالاضافة اللي الوصفة اللي بقولك إياها )حبوب زنك بمعدل مابين 50 الى 80 ملغرم يوميا . ولاتخلي الصيدلي يعطيك شي على كيفه ترى اغلبهم ماعندهم سالفة.
وكمان اي نقص في بعض الاحماض الامينية تسبب في فقر الدم..
عموما انا ادري اني توهتك.. لكن بأنصحك بالأتي:-
_ تخلي اخوك يوقف اي مشروب غازي ويقلل الحلا بشكل كبير جدا.
_ويستخدم العسل الأسود ( اللي من قصب السكر) ملعقتين ورى بعض... 3 مرات باليوم لمدة اسبوع .. بعد كذا يخليها ملعقة , 3 مرات باليوم.
_ يمتنع عن الشاي نهائيا (حاليا على الأقل) والقهوة التركي اللي تكسر فيتامات ب ,والتدخين يقلله على الأقل بشكل كبير اذا يدخن.
_تشتري حبوب خميرة البيرة(مغذية قوية جدا وطبيعية ) من الصيدلية وشوفي كم مرة يقولك الصيدلي عليها.
_شي أخير ,, تخليه ياكل كل يوم قطعة صغيرة من الكبدة الطازة بمعدل 200 جرام يوميا ( هذا ضروري عشان فيتامين ب12 الهام جدا له)
يجب تباعد فترة استخدام العسل الاسود عن حبوب الخميرة ساعة على الأقل.
( طبعا هذه الوصفة بتجيب نتيجة ان شاء الله إلا في حالة كان عنه تكسر في الدم, أما النقص فراح يشوف بنفسه )
وأدعي لي,,,
( وبأنتظار تعطيني النتائج)