علاج للأكزيميا الحساسيه مضمون بإذن الله

1. وجلس الحرق بيدها سنه ماطاب ..ونفس الشي يحكها وناشف وقاسي ..


2. ان شاء الله للي يعانون من الحساسيه يفيدهم هالعلاج ..


3. وهذا رد من الردوود

السلام عليكم ورحمة الله بوركاته ..
اخباركم بنات ان شاء الله بخيرر
طبعا هذا اول موضوع اكتبه انا بالمنتدى وعشان اكون صادقه معكم الموضوع منقول من منتدى ثاني
وسبب النقل ان قبل يومين قريت موضوع لإخت ان ولدها يعاني من حساسيه الاكزيما وكنت ناويه اكتب الموضوع ذا على شكل رد بس مالقيت الموضوع حقها عشان كذا نويت اكتب الموضوع هنا
واتمني من الكل الي يستفيد يدعي لصاحبه الموضوع الاصليه
راح اكتب الموضوع على لسان صاحبته
لاحظت في المنتدى كثره الاسئله والبحث عن علاج للكزيميا ..
انا عانيت منها ولقيت حل الحمدالله ..
وانا كانت عندي اكزيميا بأصبع يدي الكبير ..حول الاظفر ..جلد قاسي واسود ومتجرح وينزل منه دم وفوق كل هذا !!
يحكني ..ومااقدر طبعا احكه بسبب ان الجلد متقطع ..كنت اروح للدكتور كان يعطيني مراهم فيها كورتيزون استخدمه طبعا اسبوع فقط يروح وبعد فتره يرجع ..
طبعا انا ماستخدم اي ادوات نظافه مثل كلوركس ولا اغسل مواعين ..ماغسل يدي الا بغسول للوجه ..حتى الصابون العادي ماقربه ..بس كان يزيد ويعذبني مرا
المهم ..من فتره جدتي الله يطول بعمرها ..احترقت يدها ( لطعها القدر على قولتها للمتحدثين بالنجديه خ )..

وجلس الحرق بيدها سنه ماطاب ..ونفس الشي يحكها وناشف وقاسي ..

جابو لها علاج من " جنيد " ..طبعا جنيد عطار ثقه ومعرووف من زمان ..هو عباره عن مرهم تحطه مره او مرتين باليوم ..
طبعاً سئلته ماما ..هل يحتوي على كورتيزون ..قالها لاء وعلى ضمانتي ..وان شاء الله يكون صادق ..لو كذب في ناس فيهم حساسيه من الكورتيزون ولو مانببهم راح تكوون له مشكله كبيره وضرر للناس ..غير كذا تاجر كبيير يعني ماراح يلعب بسمعته ...
وطبعا جدتي شفا حرقها بفضل الله ثم بفضل هالمرهم ..وانا جربته ..وجاب معي نتيجه تجنن وسريعه بعد
الحين اصابعي ماافي احلى منهم ..وراحت الاكزيميا والجروح ..
وللامانه : قال لماما تحط مع الكريم زيت حبه سودا وتشرب منه مقدار ملعقه كل يوم بس انا ماسويت كذا ..
مكتوب عليه " دهان الحساسيه والصدفيه الفعال "

ان شاء الله للي يعانون من الحساسيه يفيدهم هالعلاج ..

وهذا رد من الردوود

فعلا يالغالية اختي استخدمته لولدها وفعلا جاب نتيجه وفعال ولدها عنده اكزيما مشوهه وجهه ويحكها حتى يطلع دم ولا تخليه ينام ولا خلت مستشفى ولا دكتور ولا كريم ولا مرهم ولا جابت نتيجة ومن اول ما استخدمته وهو الحمد الله بأذن الله متعافي
واستخدمته شغالتنا كان في يدها اكزيما وجبناه لها والحمد الله ما فيها شي الحين
اما اذا فيه كرتوزون والله ما ادري وحدة تقول ان ريحته تشبه ريحه مرهم شميته قبل كذا فيه كرتزون
وللمعلوميه :
اللي كان تستخدمة اختي غطاة اسود ومرة خذت واحدغطاه كحلي
وهذا رد ثاني
اختي استخدمته وتمدحه
كان عندها ثواليل بوجهها وراحت الحمدلله
واستخدمه ولدها كان عندها حساسيه بايده وراحت والحمدلله
وتمدح مره بهالكريم
بس بنات انتبهوا فيه اصلي وفيه تقليد
والظاهر من كلام البنت انه موجود ..في الشرقيه ..عند سوق الجمله للعطور والمكياج
مقابل المجد الكبير ..واذا ماعرفتي محله دقي عليهم ويوصفولك المحل
الي تبي رقمه تدق ع الاستعلامات تستفسر عنهم ويوصفون لها وين مكانه بالضبط
كذا يكون انتهى الموضوع اتمنى من اي احد يستفيد يدعي لي
ويابنات انا قلت لكم الموضوع منقول يعني الله يوفقكم لا تجي وحده تقولي وين الاقيه بالرياض ولا جده ولا كم سعره او تقولي ان فيه كيرتيزون او من ذا الكلام
انا من البدايه قلت لكم الموضوع منقوول وانا نقلته زي ماهو دون زياده او نقص
والله يشفي الجميع