علبة المناديل الكنب

رديت في موضوع الاخت العزيزه تارت عن طريقة عمل علبة المناديل الكنب من نتيجة بحث للموضوع واتمنى مايكون مكرر بس حسيت مااحد حيستفيد كثير لانه اللي ردوا على الموضوع مااحيرجعوا ويشوفوا ردي فحبيت اعمله موضوع عشان يستفيد الاغلبيه وحانزله زي مااكُتِب
V
v
v
جبتلكم طريقة عمل علبة المناديل
ومشكوره صاحبة العمل
السلام عليكم
بسم الله الرحمن الرحيم
باذن الله هنعمل ورشة علبة مناديل الكنبة من تانى بالصور
صورة العلبة
المطلوب:-
عدد 2 شلة او شلة 100 جرام انا عملتها بخيط الصوف
وفيبر او قطن للحشو وعدد 3 زرار دهبى علشان المخدات
وقطعة استك علشان تتدكى من اسفل العلبة طبعا بتكون مفرغه من اسفل
اخواتى انا هبدا الورشة الان ومتقلقوش انا شرحى مبسط ومفهوم باذن الله امشوا معايا خطوة خطوة
اولا اعملى 45 سلسة+ 3 سلسلة دول بنوع اول عمود يعنى مجموع الاعمدة 45 عمود بلفة وبتشتغلى دايما فى
رأس العمود
ثانيا:- هتشتغلى 8 سطور طبعا العمود بلفة ( الا هو البريد بلفة) وفى رأس العمود
ثالثا :- السطر التاسع هتشتغلى العمود بلفة خلفى علشان يعطيكى حرف العلبة وده فى السطر التاسع بس بمعنى سطر واحد
ودة طريقة العمود الخلفى والعمود الامامى
رابعا:- هتشتغلى بعد السطر الخلفى الا هو التاسع عدد 3 سطور كمان عمود بلفة واحدة( الا هو البريد بلفة)
خامسا:- هتعملى سطر كمان بس دة الا هنعمل فية فتحة المنديل بصى
هتشغلى 12 عمود ثم تشتغلى 20
سلسلة وتعدى عدد 20 عمود من الا موجود فى السطر الا قبله وتدخلى فى العمود 21 وتكملى باقى السطر
والصورة توضح كلامى
سادسا:- هتشتغلى السطر الا بعده عادى لما توصلى للسسلسة امشى عليها ال20 عمود وتكملى باقى السطر
سابعا :- هتشتغلى 3 سطور كمان عمود بلفة
ثامنا:- الحرف التانى للعلبة هتعملى سطر واحد عمود امامى علشان يعمل الحرف المقابل للعلبة
تاسعا:- هتشتغلى 7 سطور عمود بلفة وبكده نكون خلصلنا واجهه العلبة
يتبع