على وشك الإنهيار

السلام على بنات الكرام
ياقلبي ياقلبك .. الله يعينك ويساعدك ويربط على قلبك .. ولو كان الرجال مايستاهل تجربة الطلاق بحد ذاتها تعتبر تجربة قاسية .. لا ويزيد الطين بلة انه هو اللي طلق .. يعني رضينا بالهم والهم مارضى فينا ..
ياحببتي اعرفي ان كل شي يصير خيرة من رب العالمين .. وانتي بنفسك تقولين هو مو خسارة .. يعني ربي اختار لك الأفضل أكيد .. انتي أبيك بس هاليومين اللي جاية تحاولين تقربين من رب العالمين وتصلين وتدعين وتستغفرين لان ماحد مساعدك غيره
ثاني شي ما ابيك تبينين انكسار أو ضعف عند أي أحد حتى أهلك .. لان اللي يحسون الناس انها ضعيفة ومكسورة يعاملونها على هالاساس ولو كان بطيب .. لكن الخطر في الموضوع انها هي تصدق انها مكسورة وضعيفة وتصير تحس انها أقل من غيرها وأضعف من انها تطالب بحق الاحترام والتقدير ولو كان من أحد غير رجلها .. تصير ضعيفة صدق يعني في كل مجالات حياتها ..
ثالث شي انتي ماطلعتي من هالزواج بلاش .. طلعتي بولد الله يخليه لك ويقر عينك ويشيلك كبيرة زي ماشلتيه صغير .. أحلى شي في الدنيا العيال .. دايم صديقاتي يقولون ما علينا قاصر وما تزوجنا الا عشان العيال مو حبا في الرجال .. واللي يهون عليك الموضوع ان الطلاق ماجاء منك .. يعني ما تحسين بالذنب ولا تلومين نفسك بعدين زي غيرك .. أعز صديقاتي مطلقة وعندها ولد .. ومثلك صابرة عليه وهو اللي طلقها .. تقول لي الى اليوم ماني مستوعبة وشلون صبرت عليه وشلون سمحت له انه هو اللي يطلقني وما طلبت الطلاق أنا ..عايشة حياتها الحين مع ولدها في شقه مسروقة في بيت أخوها .. ومالها علاقة يومية فيهم ومبسوطة بس البنت قوية وطورت نفسها وماعطت مجال لاحد يفرض رأيه عليها ..لانها ذاقت مرارة الخذلان والخنوع والخضوع بدون سبب .. انتي دامك عند أهلك ارجعي بنت زي ماكنتي .. بتخف عليك المسؤولية وشغل البيت وهم الرجال .. عيشي حياتك ياشيخة .. واهتمي بنفسك وحاولي تشغلين نفسك بقراءة .. بحلقة تحفيظ .. بدورات .. بشغل .. أي شي .. ان كتبت لك ربي زواج ثاني خير على خير وان ماكتب ترى مانتي خسرانة شي ..
أحسن نصيحة ممكن أقدمها لك .. تأقلمي مع الوضع الجديد باللي هي به .. غصب ولا طيب تأقلمي وتكيفي وحبي وضعك الجديد .. لان البكاء على اللي راح مايغير شي .. والله أكبر عاد من زين اللي راح تكفين .. اللي يبيعك بيعيه .. وعيشي لربك ونفسك وولدك واحمدي ربك على العافية ..
وسلامتكم

مشكوره يا أختي على كلامك
الله يجزاك الجنه
ماتدرين كيف نفسيتي تحسنت
بعد ماقريت كلامك

يااقلبي الله يصبرك ويفرج همك
وان شاء الله مصير الولد عندك لا تخافي
وادعي ربك يعوضك بالي احسن منو
رب لاتذرني فردا وانت خير الوارثين

منتهى الطيبة
رأيي من نفس راي الأخت منتهى الطيبة وازيد عليه بدعيلك يارب الله يفرج همك وبقلك ياعمري ادري انه صعبة اول ايام بس انتبهي لاتسمحي لليأس يدخل لحياتك بالعكس منجد احمدي الله على نعمة خلاصك من طليقك الحمدلله وان شاء الله ابنك بتضلي تشوفيه علطول ولاتنسي انه ابنك يقدر يختارك انتي ليعيش معاكي .. وياعمري اتصالحي مع نفسك ومع الحياة الي مو ماخدين منها شي والله ماحدا مرتاح الا الي يشتري دماغه.. حبيبتي كل الي صار معاكي مقدر ومكتوب والله يارب يقدرلك الأحسن دايما وان شاء الله حياتك الجاية احلى .. قولي آمين
وعندي تنبيه صغير اياكي تسمحي لأي مخلوق ينرفزك او يوجهلك اي لفظ ممكن يجرحك كوني قوية امام الجميع حاولي قدر استطاعتك سدقيني البنت مننا اذا سمحت لأحد يجرحها رح تسمح لمليون يجرحوها على حساب نفسيتها واعصابها وكذا حيتحقق مراد الحاقدين ويتشمتون انتبهي .. خلي الكل لما يشوفك يقول ماشالله عليها ..ياعمري ادري كلامي مو منسق بس والله اكتب الي يخطرلي لأني ابغاكي زهرة مفتحة واحلى من أول بعد ..( ياعمري واثق الخطوة يمشي ملكا )-- ويارب الله يفرج همك ويقويكي يارب

الله يفرج همك ويعوضك بالي احسن منه
لا تنسين تقولين ((اللهم اجرني في مصيبتني واخلفني خيرا منها))

الله يكون بعونك .. الحمد لله على كل حال ولدك بيكون مصدر قوتك وتمسكك بالحياة الله يخلية لك يارب ويعوضك خير ..

أشكر كل وحدة ردت علي
الله يجزاكم الفردوس الأعلى
كل ما حسيت بضعف رجعت قريت
كلامكم
المشكلة أنه أحساسي من داخل تغير
أحس أني صرت أقل من غيري
وأنه ولدي أقل من غيره
مع أنه أهلي وكل اللي حولي ما حسسوني
بهالشي ..
هل تتوقعون مع مرور الأيام يخف هالألم داخلي .. ؟
وكنت أتمني أني لقيت ردود أكثر تواسيني ..

الله يصبرك و يفرج همك
و يعوضك الزوج الصالح
و أن شاء الله ربي يصلح لك و لدك و يحفظه لك

ماقوولك الا الله يبرد قليبك ويفررجها عليك ويفتح لك ابواب رحمته ويعووضك بالاخير منه ياررب