عمر الزمن ماحقق لخاطري شي وجعل العوض في مقبلات الليالي

والله ماني عرفه شلون ابدا اقولكم قصتي تخيلوا يبنات تزوجت ولد عمي وانا راحيه لثالث ثانوي طبعه انسان ملتزم ومحافظ ع صلاته ويخاف ربه اكيد راح يكون حنون معي تخيلو يوم صباحيتي قال والله ابي اقول لك اني انا ماابيكي فياليت تروحي لبيت اهلك انا ذاك الوقت كنت في كامل زينتي وفرحتي بس خساره تحولت ذيك الفرحه لسوال محير اكتفيت بالسكوت وفكرت بيني وبين نفسي لو اروح بيت اهلي اكيد راح الناس ماترحمني راح يطلعو علي كلام واذا جلست معاه فهاذا معناته تعذيب لي ولكرمتي
المهم جلسه معاه قربت ثلاث اشهر الي كان مسكته لانه يلعن ويسب وماكنت ارد عليه بس جات الطامه الكبر وهي حمالي وتوحمت عليه اكرهه والله مراح اظلمه واقول ماتحملني تحملني شهر وبعده وداني عند اهلي طبعا قلت لكم قبل كنت ثالث ثانوي فكرت بانه مالي الا دراستي وبديت اذاكر وفي شهري التاسع وقبل زواج اخوي باسبوع ارسل لي ورقه طلاقي تخيلو بنات كانت مثل الصاعقه القويه بس قدام اهلي كنت اكابر واقول الحمد لله ارتحت منه وفي داخلي صراع بسبب مولودي الي راح يجي هذي الدنيا وابوه في مكان وامه في مكان اخر صار زواج اخوي رحت احلى مشعل شريت افخم فستان كنت راسمه ع شفتي ابتسامه طول الوقت وفي داخلي انكسار مايعلمه الا الله تخيلو جتني اخته تقول والله ما توقعت انك راح تكوني كذا بعد الي صار لك رديت عليها بكل تحدي وقلت تبغيني اتحسف ع اخوك
جاء يوم ولدتي ورحت على المستشفى وانا ابكي من الالم وتمنيت ذاك الوقت يكون معي يحس بالامي كان ولدتي بعدها باسبوع الاختبارات النهائيه والكل كان مايدني اخذها دور ثاني رفضه ودومه ع المدرسه واختبرت ونجحت بمعدل 93 ودخلت تمريض والحمد لله وان شاء الله اتوظف بعد اختبار الهيئه السعوديه واصرف على نفسي وع بنتي الي ابوها اتزوج ونساها لاهي بولده من زوجته الثانيه
ابي اقول لكم حكمتي في الحياه
عمر الزمن ماحقق لخاطري شي وجعل العوض في مقبلات الليالي