عندما أغرقت مختبر المتعسه موثق بالصور خطير

مانسمعها الا تقول (بنات لاتطلعون ولاتدخلون ..الله يخليكم خل نرجع اخاف الأبله ترجع الحين)
+
بس تبكي والدموع عندها دسته عشر حبات بريال
كان اليوم آخر يوم في إختبارات ثالث متوسط وكنت مره حزينه إنو رح أفارق هالمتعسه الرائعه لإني كنت فيها من
أولى إبتدائي وعشرة عمر يعني عشت فيها 9 سنين وكان هذا آخر يوم فيها يوم الوداع وياني ودعتهم وداع
عمرهم وحياتهم ماراح ينسونه وينسوني لآخر يوم بحياة هالمتعسه التعيسه ..
كنت أنا وصاحباتي ثنتين رقيه وسكينه نودع المتعسه ينقال لكم آخر يوم يعني نسوي جوله بأرجائها ..
وباقي الفصول كلها بالقاعات تختبر إلا نحنا ..وبينما نحن نتمشى جانا إبليس ووسوس علينا إلا تدخلون تودعون المختبر حق المتعسه
أفا كيف هذا عشرة عمر وتكسير وتخريب ودرجات زي الزفت بالعلوم وماتدخلون تودعونه ؟؟
يعني صح هو ممنوع منعاً باتاً الدخول بس معليش آخر يوم <<مسرع وافقوا
عادي
وطبعاً وقفت رقيه بحلوقنا إلا ماتدخلون
لكن ماصار الا اللي براسنا انا وسبيكتي فديتها اللي ماتهاب
والله ودخلنا بأرجلنا الثنتين له <<أجل بيدينكم
ويوم دخلنا ونبي بصل عشان تدمع عيوننا عليه بس ماقدرنا ويوم نحنا نتمشى فيه من كبره يعني اللي يسمعني يقول ملعب كرة قدم وهو كله متر بشبر
المهم والله وتلاقي صاحبتي سبيكه حديده مكتوب عليها إسحبها إذا صار حريق طالعت فيها شدتها بكل رقه ونعومه ومارضيت تنسحب
قالت وبكل طنازة وسخرية العالم هه شوفوا بالله حتى حق الحريق خربان طيب لو احترقنا وماأشتغل اش بنسوي ها

قمت أنا وجيت وجات محسوبتكم بتسوي سوبر مان وقلت وخري يالخكريه مايقدر عليها إلا أنا إنتي يالله تحكين أسنانك وخري بس قدها وأنا
أم هندي ........
والله وجيت عند الحديده ماأدري كإنها شي مشنقه ماأدري ايش هي بالضبط المهم وأمسكها وبكل دفاشة العالم قلت لهم شوفوا مايسحبونها مثل
الخكريه سبيكوه لاء يسحبونها كذا يالهبلا وأسحب بكامل قواي البطنيه إلا طوط .........
طش ش
وشوي إلا شلالات الأمازون والهمالايا تصب فوق راسي وتغرقني من شعري إلى أخمص قدمي!!!
يالهوي إش سويت في دنيتي أنا وي وي شي مرعب

وارتسمت علامات التعجب على اوجه الجميع ..
إلا الله وكيلكم المويه تنزل مثل الشلالات وغرقت المختبر كل ابوه أثاريه صالح وبقوه واخلاص يبي يطفي الحريق كركركر
والمصيبه الأعظم والأدهى والأمر إنها بدت تطلع وتتسرب
وشوي إلا المويه طالعه عالفصول يالهوي والناس تختبر باللجان والمويه قامت تدخل عليهم يامصيبتي ياخراشي
شو بعمل أنا ؟؟!!!
قمت وأنا أقطر ماء وأفك رجولي أنا وسبيكه الخبله وأنحاش بس على وين ؟؟!
عشان تشوفون الدلاخه لوين وصلت ...

رحنا عالحمامات الله يكرمكم والله ونتخبى أنا وياها في حمام واحد ولحالنا <<شوفوا الشبهه بس كيف
والله ونتخبى في حمام ونصك الباب <<على بالهم مارح يلاقونهم كذا كركرككرر
المهم شكل وحده دبوسه راحت فتنت علينا بالإداره وشوي إلا الإداره كلهم عند باب الحمام
سبيكوه وكاوايوه وجع إن شاءالله اطلعوا طلعت أرواحكم <<طبعاً هم ماقالوا كذا بس أذكر انه كان سب
والله ومتنا من الخوف جوات الحمام ويوم جات الصاعقه هذي طلعنا ولا كإنوا الموضوع يعنينا
وجتنا تهزيأه بنت أبو كلب تخيلوا طلعت من الحمام لقيت الفاجعه
المتعسه كلها مليئه بالماء الممرات كلها مويه × مويه انفجعت
وقام كلن يقط البلوى علي الا أنا ماقطيت البلوى على نفسي شفتوا كيف انا احب نفسي

وسحبونا مثل الكلاب الى مسرح الجريمه وهناك كانت الفاجعه ....!
المختبر دخلت رجلي فيه وصلت المويه لأعلى سيقاني
وتخيلوا مافي مناشف ولاممسحات ولاشي بهالمتعسه التعيسه وشوي الارقيه الي كانت معانا وانحشنا وتركناها الا هم ساحبينها مثل
الحمار وجايبينها لنا ورامينها معانا إلا هي تبكي تبكي وتنوح وتصيح واع واع
وأنا ساكته أراقب الوضع ومسويه قويه وماقلت ولا حرف والدمعه غااصه ببلعوومي شوي الا هم رامين علينا
(بلوزه)ونص كم بعد ورموها علينا وقالوا مالقينا مساحات ولا شي ماعندكم الا هالبلوزه تمسحون فيها موية المتعسه كلها
<<وجهي <<وجه سبيكه <<وجه البزر اللي معنا
والله وهاتك يامسح وتنشيف تخيلوا مافي شي نمسح فيه الا بلوزه قد أصبع رجلي الأيمن
قمت آخذ مريولي أغرق طرفه بالمويه واروح برا أعصره وهكذا
والله حسيت بإحساس سالي <<أنمي الطفوله
قمت أغني أغني ولسا ماسكه البكوه وأستاذه تدخل واستاذه تطلع تهزأ فينا
وشوي دخلت علينا مدرسه قالت ياهو مسكتوا المجرمات <<
طبعاً نحنا الثلاثه طالعنا في وجهها وبغيت أعطيها كف قلت بنفسي يعني اش رايك احنا جالسين نسوي أعمال خيريه نمسح لك المتعسه ببلاش
قالت لها وحده يعني اش رايك هذول هم قدام عيونك قالت افا إنتي قصدها أنا مستحيل
لإني كنت ماخذه الطالبه المثاليه <<اي هين مثاليه من جنبها مادروا عنك يالشريره
على المدرسه كلها وماتوقعوا انو يطلع مني هذا كله وانا حتى كلام ماأتكلم
والله وطلعوا كل اللي بالمتعسه ونحنا نمسح وننظف وماخلصنا والبزر اللي معانا تبكي وأنا ساكته

ويوم جيت بأطلع وقاموا صاحباتي يودعوني عشان آخر يوم بالمتعسه وأفك العبيري
<<مابغت تصير حساسه وتبكي
ورجعت البيت وبكيت لما انطقيت وطلعت الهياط كله وبس هذي مغامرتي آخر يوم بالمتوسطه يازيني
وتوته توته خلصت الحدوته
ان شاء الله تعجبكم
ملطوش من ايميلي

ما عجبتكم هئ هئ هئ

!!!!!!!!!!!!!!!!!!!!!!!!!!

ههه ك
والله فله شي ايام المتوسط روعة من ايام
مااحد ينسها ياسمين فيك شبه مني لازم اخر يوم في الاختبار انا والشلة نسوي شي مميز مثل نجيب معانا موية صحى حجم كبير ونلعب فيها طبعاً نكب الموية على بعض
اذا مسكونا متلبسين على الادارة مالنا الى الدموع والبوسات عشان يفرج عنا وطبعاً لازم التعهد
تسلمي ومشكورة ياالغالية .