عندي تطبيق عملي ساعدوني يا معلمات الدين ابتدائي

آفاا , وينكم ):

قال تعالى :
" آَمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آَمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ " سورة البقرة
ممكن تستخدمي هذي الآية ك تمهيد تعرفي فيه اركان الإيمان
هذي وسيلة ممكن تغيري بشكلها تسويها على شكل سفينه
او اي شكل ثاني يكون ملفت الصغار تشدهم هالآشياء ..
تمنيت اساعدك اكثر بس انا مودين عشان كذا ماعندي
خلفية مره ..
ابغى منك دعوة حلوه

يالبى قلبك
الله يسهل لك أمورك ويجعلك من كل أمر عسير يسير ويحقق لك كل أمنياتك عاجلا غير آجل
ويسخر لك عباده و يجعلك من كل ضيق مخرج
آمين يارب (:

موفقه اختي لو انك جغرافيا كان افدتك بس خلك طيوبه مع مرحلة الابتدائي والمتوسط اما مرحلة الثانويه دخلت الصحه النفسيه بسببهم وكرهت التدريس انا طبقت زيك وحلو بس مرحلة الثانويه تجيب المرض وموفقه اختي بس خلي شخصيتك قويه ولاترتبكين لان المشرفات مايحبوا البنت الي زي كذا ولاتسوي زيي انا نسيت وقعدت اكل لبان وقت الشرح ههه بالتوفق ادعيلي اتوظف

امولة جده
ههه
اما لبان بايعتهاا
نوررتي

السلام عليكم
ولو اني متأخره بس اتمنى انك مابعد شرحتي درسك
بعطيك تمهيد
منه تستنتجي الدرس ويتعرفون على الاركان
اكتبي اركان الايمان في ورق ملون بشكل طولي وغلفيها حراري
وقسمي الطالبات مجموعات ومثل اوراقك اللي فيها اركان الايمان
وزعيها ع كل مجموعه بس بدون ماتكتبين اركان الايمان
واطلبي من الطالبات يكونون لك شكل سداسي وانتي بنفس الوقت
كوني شكل سداسي باوراقك ع السبوره
وشوفي اسرع مجموعه وشجعيها وبعدها ارجعي لسبوره وتكلمي بشكل مبسط
عن الشكل وكيف لو شلتي شي منها هل يكون سداسي او ماذا
وبعدها شبهي لهم بالخيمه اعرضي صوره لها واهم شي يوضح بالصوره
العامود اللي بوسطها واطلبي منهم يقولون لك وش فيها الصوره
وقولي لهم عن العامود اللي بالوسط بدونه وش بيصير للخيمه تطيح
هذا مثل الاركان لو اختل واحد منها سقطت وبعدها ارجعي للشكل السداسي اللي ع السبوره
وعكسيهم وتطلع معك الاركان وعدديها
وممكن تستخدمين الخريطه المعرفيه ختام للدرس حتى تتأكدي من فهمهم ..
ام في فكره ثانيه ممكن تكون تطبيق اعملي مكعب واطلبي من كل مجموعه
تكتب عليه اركان الايمان وكرمي اسرع مجموعه
هذا اللي عندي الحين من حظك تو حاضره درس نموذجي وعطيتك من افكاره
دعواتك لي ولصاحبه الافكار ..^_^..
واي مساعده تحتاجينها انا حاضره كنت ماسكه خامس السنه الماضيه : )
لكن ارسلي لي ع ملفي الشخصي حتى اشوفه احيان مادخل القسم ..
:
وبالتوفيق ياعسل ربي يسهلك ويطلع درسك روعه الكل يمدحه ..
نسيت اقولك اهم نصيحه للتعامل معهم
حسسيهم انك تحبينهم كلهم وانتبهي تفضلين وحده ع الثانيه
ترى ادق التصرفات يفهمونها وجيبي معك استيكرات ينبسطون
واذا بتنفذين اللي قلت لك درسك بيكون ع طريقه التعلم التعاوني
يعني بتكونين بحاجه لتعزيز للطالبات