عندي فكره وابي افكاركم بعد

السلام عليكم ورحمة الله وبركاته
مساء الخير لكل العرايس ومرتادي هالقسم
السالفه ومافيها عندنا زواج وعندي فكره واتمنى انها مو مستهلكه
وابي رايكم فيها وابي افكار بعد
فكرتي تتلخص بالآتي
مجمعين بطايق شحن من موبايلي وزين وسوا طبعا كل مانشحن نحطها بعلبه
الين صارت كثيره مرره فكرتها بنسوي كم عقد بها البطايق ونلبسها
تقريبا ثلاث او اربع بنات والتوزيعات بتكون بطايق شحن جديده ما استخدمت
ومالي بالاغاني بصراحه بس وحده قالت لي
خلي الطقاقه تغني لكم اغنيه الو الو عاد مدري منهي له هالاغنيه
هذي فكرتي اللي في بالي
وودي تشاركوني بأفكاركم يعني ابي دخلات مميزه وبسيطه ومقدور عليها
قريت هنا مره فكره واعجبتني وبناقش فيها خواتي
اللي هي نلبس معاطف والتوزيعات تكون بنادول الاستغفار مع توزيعات ثانيه
وتكون الدخله على اغنيه يادكتور او شي من هالقبيل اتوقع انها لعلي بن محمد
وابي افكاركم بالنسبه للتوزيعات والدخلات الحلوه زيكم
لاتخذلوني واتحفوني بآرئكم حبوبات في انتظار ابداعكم