عندي مشكله ساعدوني يامتزوجات

1. بدخل بالموضوع على طول


2. ولا اتشنج مثل اول لا احسن


3. بس للحين ماياخذ راحته معاي

السلام عليكم
صباح/مساء الخير
كيفكم يافراشات؟

بدخل بالموضوع على طول

انا صارلي سنه متزوجه وعانيت بهالسنه كثير كنت ماخلي زوجي يلمسني ابد ابدأ ابكي واصير مثل الخشبه
بالبدايه كان يحسبني اتدلع ويزعل وانا والله مااتدلع كان يجيني شي غريب تتشنج رجلي بالكامل ولا اقدر اتحرك بعد ماصرت اسوي بحث بالنت عن حالتي طلع عندي التشنج المهبلي حاولت اني اتعالج منه بعد ماقريت عنه بس عجزت مااتخيل شي يدخل فيني
المهم
مره على مره على محاولات كثيره كلها باءت بالفشل
ومسكين والله انه متحملني لابعد درجه هو لمن يشوف شيصير فيني يرحمني ويتركني
مع اني احيان انا من نفسي اقوله يالله يافلان قوم خلنا نجرب بس وقت الجد يما مدري شيصير
جربت كل شي كريمات مهدئات حتى منوم اخذت ولافاد عقلي مصحصح ابي اعرف وش بيصير
تقريبا قبل شهر قعدنا نحاول ونزل مني دم واخيراً صرت حرمه
بس الى الان مااحس اني متزوجه لاني برضو ماخليه ودي اصير طبيعيه بس مدري شالسواه
وخايفه اروح لدكتوره اخاف تقعد تهاوشني او تكشف علي من تحت وانا مابي
انا الحين اخليه بس مو اخليه اخليه مدري شلون اشرح لكم
يعني مو مثل اول اقعد اصيح بطلت صياح

ولا اتشنج مثل اول لا احسن

بس للحين ماياخذ راحته معاي

قبل كم يوم كنت بطله وصبرت وصبرت وصبرت وانا ميته خوف وشاده شوي بس احس اني ابغى الحمام وانتو بكرامه وازعجته ابي الحمام ابي الحمام ورحت الحمام ومافيني شي رجعت مره ثانيه واحس نفس الشي وشو هذا هل هو طبيعي ؟
لاني اول مره اخليه يوصل لهالحد
بليز فراشات عطوني الحل والله زهقت من حالتي
واخاف اقول لاحد
اهلي يسالوني اشفيك للحين ماحملتي
مايدرون عن حالتي
واسفه هذرت واجد