عودة جروب ستار بنت الفهد 4 القاهرلتنزيل الوزن العنيد اقوى تجمع في منتدى الفراشة

استغفر الله واتوب اليه
عدد ما خلق في السماء
وعدد ما خلق في الأرض
وعدد ما بين ذلك
وعدد ما هو خالق
وسبحان الله مثل ذلك
والحمد لله مثل ذلك
ولا اله الا الله مثل ذلك
والله اكبر مثل ذلك
ولا حول ولا قوة الا بالله مثل ذلك
هلا والله وغلا
ومرحبا بكم ترحيبة عطرها المسك والورد
والمهلي ما يولي
وويلكمو
وكل جمل التراحيب بكل لغاتها
بعد انقطاع دام اكثر من 6 اشهر
وبعد المصايب الي حلت في اوزاننا ونفسياتنا
نعود عودة بإذن الله انها قويه
نعود تحت شعار (( بارقة أمل ))
نشجع فيها عجايزنا العجازات الي هجروا تجمعنا الأخير ولا أدري ليه
بس يقولون ان انقطاعي السبب
فديتهم والله ما يدرون اني انا الي ضعت مش هم
وبنفس الوقت نطالب بدماء جديد تدفع هذا القروب للحماس وتحقيق اهدافه نحو الرشاقه
والحين كلمتي لأعضاء القروب القديم
لا تفكرون اني بسمح لكم بحركاتكم في تجمع 3
كل وحده تجي تتثاوب في وجيهنا وتطلع
والثانيه تنسج خيوط العنكبوت وتطلع
والثالثة تدخل تذب كلمة وتطلع
لا لا لا لا هازا كلام ما في كويس
ولا يخارج معايا
دخولكم يومي واكثر من مرة يعني زي اول
واظنكم تذكرون
والا ترى والله لا اكسر الكنكت
والا ليه اكسرها الا ببيعها واشتري لي بدالها كيكه وشيبس وبطاطس وبيبسي
واصير تسذا
وتصيرون انتم السبب في تحطيمي
بالنسبة للدماء الجديدة
احنا يا طويلات السلامة قروب فلة
يعني حكينا عن الدايت والرياضه نقوله واحنا حابينه
لاننا ما نتقيد بنوع دايت او نوع رياضه
نعتمد في السبت دايت ورياضه
ونوزن كل نهاية اسبوع
عشان نشوف معدل النزول عند كل وحده
ونعرف من الي يخربط ومن الي ماشية مزبوط
بس المهم ما فيه خربطة والي تخربط يا ويلها ويلاه
بنخليها تكره الخربطة والتخريب
احنا نحكي في كل شي وبكل وقت
بيوتنا مشاكلنا مناسباتنا
افراحنا واحزاننا
ناخذ راي بعض بكل شي
حتى اللبس والاكل والشرب
نسوي حفلات هنا ونخرب ونغازل وكل شي
التجمع هذا له ملكة
اللي هي انا احم احم
وانا بصراحه اشجع الفساد والفلة
(( خوش ))
ونائبتي الأولى بلو بتر فلاي
ونائبتي الثانية الي معينتها عشان تصحي نائبتي الأولى وتساعدني في امور الفلة مانكير احمر
توأمتي الي لا خلا ولا عدم منها سهورة
رئيسة الوزراء فيرى العقل والرزانة
رئيسة العلاقات العامة جوري
ذرابه ولباقة ودلع
قلب التجمع الطيب ام شنوبي ((فقدتها الدبة ))
وسوسات القروب وحياته
ساسو وشذو
التجمع بنفتتحه رسميا يوم الجمعه
الله الله بالحفله الإفتتاحيه يا بنات
ترى فيه ذاك الي تخبرونه عصير التفاح ايه هو
يوم الجمعه على كل المشتركات
تعبي هذا الاستبيان
الاسم:
العمر:
الوزن:
الطول:
الهدف:
نوع الدايت:
الرياضه:
بنات ملاحظه مهمه
ترى قلمي الأخضر لا احد يسرقه
او ترى برسل لها قوة الدفاع تكسرة لها
تقبلوا تحياتي
وحياكم الله وال........