غرفتي فيها لونين ممكن رأيكم

السلام عليكم
حدخل في الموضوع على طول
اللي تشوف موضوعي تعطيني رأيها لو سمحتوا
غرفة نومي فيها لونين جدار اصفر كريمي وجدار اصفر اغمق من الكريمي
انا مرا احوب اللون الاصفر مع انو كتير نصحوني انو الاصفر ماينفع في غرفة النوم لانو محفز للجهاز العصبي يعني يسبب توتر بس برضو حطيت اصفر
المهم
انا دحين محتارة في شرشف السرير والستارة اختارولي لون كدا هادي وحللو ويلائم مع الاصفر لاتقولولي وردي لانو اوختي غرفتها وردي وفوشي ف ابغا اكون مختلفة عنها واخويا غرفتو اخضر وتفاحي ابا لوم نختلف عنهم
الله يجزاكم الف خير والله مرا محتارة
ايش رايكم هل لازم انو يكون الشرشف طقم مع الستارة لانو في ناس قالولي انو لمن يكون طقم احلى مني عارفة
وايش رايكم في اللون الاورنج مع الاصفر ولا ماينفع ؟
وهادي الصصورة ^^
اعطوني ارائكم الله يجزاكم الف خير يارب