غريب

1. مرحبا صبايا شو اخباركم ان شاء الله كلكم تمام


2. رح ادخل بموضوعي ع طول من دون مقدمات

مرحبا صبايا شو اخباركم ان شاء الله كلكم تمام

رح ادخل بموضوعي ع طول من دون مقدمات

انا جدا مستغربة من اسعار الكوافيرات بالسعودية انا تزوجت بالرياض من خمس شهور كنت عايشة ببلدي فلسطين ولما جيت هون ورحت للكوافير استغربت جدا اسعارهم سواء قص ولا صبغة ولا مكياج ولا تساريح والله اني عملت مرة هون وابدا ماعجبني وكلفنيي كتير ولما روحت عالبيت مسحتو كلو وعملت لحالي وندمت بجد وحلفت مااروح تاني على كوافيرات
يعني بفلسطين كتير شاطرين الكوافيرات والشغل مرتب وراقي كتير ومكياجهم ناعم وحلو ومرتب وع زوئك متل مابدك بعملوو انا بفرحي الكوافير عمللتي قص لشعري وحمام زيت للشعر ومساج لكل الجسم للاسترخاء وماسك نضارة للبشرة ومانكير وبدي كير وعملت شعري ومكياجي من اروع مايكون وكلو كلفني 600شيكل مايعادل 600ريال والله والله من اروع مايكون شغل قمة الترتيب والنضافة والكوافير كانت روسية وهي اخصائية تجميل مو مجرد كوافير عادية والمكياج كان من ماركة طبية عفوا بدي اقول انها اسرائيلية ولكن هادا شي عادي عنا لانو المنتوجات الاسرائيلية كتير متوفرة بالسوق عنا وجودتها اكتر من ممتازة انا والله ماعم بسوق الهم ربنا بنتقم منهم وين ماكانو بس هاي الحقيقة
والله انا براايي انو كل وحدة فينا تتعلم كيف ترتب حالها من دون الحاجة للكوافيرات يعني مو شغلة صعبة ابدا انك تتقني مكياجك وهلا النت مليان دروس عاليوتيوب في دروس كتير مرتبة ويعني لو كل وحدة اشترت مكياج مميز وخلتو خصوصي للمناسبات من ماركة معروفة وهي ابدعت لحالها بمكياجها بكون ملائم الها ولسنها مابظن حدا بيفهمك اكتر من حالك اعملي انتي الي بلبقلك والي بتحسي مناسب لتقاطيع وجهك ولونه اما بالنسبة للشعر انا مابشوف داعي ابدا للتسريحات المبالغ فيها بالافراح ازا كنا رايحين لفرح وماكنا مقربين من الدرجة الاولى للعريس او العروسة بحس انو سشوار مرتب للشعر مع حركة خفيفة متل رولات او فير كافية جدا انك تظهري بشكل انيق مافي داعي ابدا للمبالغة
اتمنى انو رايي مايزعج حدا واتمنى كمان الكوافيرات يرحمونا شوي بالاسعار
وللكل مني احلى تحية