غيره الزوجه والتلفزيون

صباح \مساء الخير لكل الفراشات انشالله تكونوا بخير
اليوم بدي ردور على موضوعي لانه بصراحه انا دايما من المطنشين بالمنتدى وبحط مواضيع بس ما برد عليها الا كم وحده الله يجزاهم الخير >>>> رقع عتب يا روحي ما تفكري
المهم
اليوم جايبه شي غريب انا شفته بكتير اماكن
وابتداءا من بيتي انا لاحضت في الفتره الاخيره بعد ما زوجي صار متل العسل معي >>>>>>> اكاله مكاره هو من اول بس بصراحه مرت فتره كانت فزيعه وكنت اتفادى اكون معاه
المهم مو هاد موضوعي موضوعي انه الزوجه بتغار من التلفزيون كتير وانا وحده منهم لا شعوريا بتلائي حالك لفظتي كلمه مو عاجبتك او بدون ئصد على التلفزيون وبالاخص على الروموت >>>>>>>>لا فالحه فكري ئبل ما تحكي
بجد بحكي والله انه الي فتره بلاحز على حالي انه انا بنصاب بحاله هستيريه وانا مع زوجي وفجاه يحكي وين الروموت راح بنجن بحس انه بدي اخبطه بالروموت الي بسال عنه ئبلي
للاسف اكتشفت انه مشكله معظم النساء بالبيت هو التلفزيون وانا باكد انه غيره منه
شو رايكم بالموضوع وعلى فكره الي رح تستهين في ما ترد لانه بجد انا بشوف انه هي مشكله كبيره مو صغيره وخراب اغلب البيوت من التلفزيون متل المباريات او المسلسلات
شاركوني برايكم والله يخليكم ما تكسفوني وردوا علي انا بنت ناس ولزيزه >>>>>>>>>>> مادح حاله ولا بلاش
منورين رديتوا او لا